Mishiraachechinaꞌo 26:6 - Kafa Linguistics Project

⁶ Andoo Yeeri no qaabbechinaꞌoyich bi gibenikkiti hini gibenoona nalleyoyich neexeto taane.

Mishiraachechinaꞌo 26:6 ပူးပေါင်းရင်းမြစ်များ

Halloo 12:3

Neen diirimmon diiremmo taane; neen uppimmon uppemmo taane; showee toommooch beeti ashi yareenaꞌo bulli neenna diireyemminaꞌone” iye.

Halloo 22:18

Showee toommeexi aageteenaꞌo bulliyoo ne shiijjereenaꞌochi gommona diireyemminaꞌone. Ebi tunemmo, ta qaaroon ne waayetoyichiye” iye.

Halloo 26:4

Ne shiijjereenaꞌon shimaajji xojjenoochoommon meechemmo taane; hini showoo bullin ne shiijjereenaꞌoyich immemmo taane; showee toommeexi aageteenaꞌo bulli ne shiijjereenaꞌochi gommona diireyemminaꞌone.

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Shoddo 132:11

Doono Yeeri shaddeyaani ibere wogoon Daawitich ishichiꞌi wogehe: “Ne hajjee bushoon ne taatee qeenooch kotiyemmo taane.

Shoddo 132:17

“Daawitichi shiijjeroon ooge taatoo tuniyemmo taane; ta huuttetoyich ceechoon qanniyemmo taane.

Shoddo 98:2

Doono Yeeri bi wodiyoon arichiitone; bi cadiqittinoonoo aageteenaꞌoyich bekkiitone.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Hiziqeeli 21:27

Aallo, aallo, katemoon aalliyemmo taane; tunebaani katemoon bi aalliyemmoyich ta kaacceto waammi wottoon ebi tuneyaachemmone; arooba biich beshii immemmo taane.

Hiziqeeli 37:24

“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Abidiyi 1:21

Esayichi guudon hajjoyich, kochii wochechinaꞌo tuneti asheenaꞌo Tsiyooni guudi toommooch kechemminaꞌone; taatittinoo Doono Yeericho tunemmone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Mishiraachechinaꞌo 23:6

Tunetaa Phawuloosi arooch beeti, Ayihudee nallechinaꞌo daggoochee qatinaꞌo Saduuqeenaꞌo, qatinaꞌoo Fariseenaꞌo boonoshi tunoon ariiꞌi, bi qaaroon oogichiꞌi, “Ta maneenaꞌote! Ta, Faariisee shiijjeroo tuneti Farisoo taane. Ebiyoo hanaach ittoshi aafooch ta giddeto, ‘Qititinaꞌo tiyemminaꞌone’ iyaꞌa ta gibenetoyichiye” iꞌi gettiye.

Mishiraachechinaꞌo 24:15

Boonoshiyoo boonoshi qelloona gibenee beetoommon tawoo cadiqeenaꞌonoo, axaaxeenaꞌonoo qitoochee Yeeri tiijjemmo bi tunoon gibenaabeeto taane.

Mishiraachechinaꞌo 24:21

Iberoon boonoshi aafooch neexaa ta qaaroon oogichaꞌa, ‘Hanaach ittoshi aafooch ta giddeto, “Qititinaꞌo tiyemminaꞌone” iyaꞌa ta gibenetoyichiye’ iyoye. Ebiyee damba bare mooyon getaano taane” iye.

Mishiraachechinaꞌo 26:8

‘Yeeri qititinaꞌon tiijjoon hakkaachemmone’ iꞌi amoyich gabii beetote?

Mishiraachechinaꞌo 28:20

And ittoshin ta ceekkiito, ittoshin beegonaa ebin getonoyichiye; hini sansalatoona ta cucheto, Yeeri Israꞌeeleenaꞌoyich bi gibenikkiti gibenee naboonane” iye.

Mishiraachechinaꞌo 3:24

“Aree hillooch Saameeliichee tiijjiꞌi Yeerichi wochoon gettiti keemechinaꞌo bulli ebiyoommon hini yemeeneechon shiichiꞌi gettitinaꞌone.

Roomi 15:8

Kiristoosi Ayihudeenaꞌochi maddecho bi tuneto, Yeeri gibeneeto bi tunoon bekkiiya qaabbechinaꞌoyich gibenikkeeti gibenee qaaroon bi ceechoyichiye;

Galaati 4:4

Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.

Yibbaatoo 18:15

Ne Nuggishoo Doono Yeeri ne maneenaꞌo daggoochee taanoommi keemechon neech tiijjemmone. Bi gettimmon waayebe.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.