Mishiraachechinaꞌo 26:20 - Kafa Linguistics Project

²⁰ Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Mishiraachechinaꞌo 26:20 ပူးပေါင်းရင်းမြစ်များ

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Erimiyaasi 18:11

Andoo Yihudee asheenaꞌonaa Yerusaalem beeti asheenaꞌonoyich ishichibe: ‘Doono Yeeri ishichiye: Gonde mooyon ittoshi toommooch qanniibeeto taane; gondoonoo ittoshi toommooch gabiibeeto taane; andoo ittoshi bulli ittoshi gonde gommoochee wottebote; ittoshi shuunoonaa ittoshi gommonon kaachibote’ gete!

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Shoosho 3:40

No gommon huushi boshebone; Doono Yeer waan wottebone.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Maatiyoosi 3:8

Illa axaaxee gommoochee Yeer waan ittoshi wottoon bekkiibeeti shuunoon shuunebote.

Maatiyoosi 4:17

Aroobee yemeenoochee tiijjiꞌi Yesuusi “Shimaajji taatittinee ittoshi kellooch shaggetine; ebich axaaxee gommoochee Yeer waan wottebote” iibee getooch giyiye.

Maatiyoosi 9:13

Hambote, Yeeri ‘Deejjoyee ariqqoon shunnoye’ bi ito ama geto gaata ariibote. Axaaxechinaꞌonalli cadiqeenaꞌon ceegoyich waataano taane” iye.

Maariqoosi 6:12

Boonoshiyoo hammiꞌi, axaaxee gommoochee Yeer waan boonoshi wottemmoyich asheenaꞌoyich gettiyeete.

Luqaasi 1:16

Israꞌeelee yoodoochee meetinaꞌon boonoshi Doono waan wochemmone.

Luqaasi 13:3

Ittoshich gettoye: Ebi toonoone! Tunebaani axaaxee gommoochee Yeer waan wottoo ittoshi qayigaata, ittoshi bulli ebiyoommon aallemmo ittoshine.

Luqaasi 13:5

Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.

Luqaasi 15:10

Illa ittoshich gettoye: Ebiyoommon axaaxee gommoochee Yeer waan wotteebeeti ikke axaaxechochi naboona Yeerichi maraakeenaꞌo emirii beetinaꞌone” iye.

Luqaasi 15:7

Ittoshich gettoye: Ebiyoommon axaaxee gommoochee Yeer waan wotto boonoshich qaawiyaani yixenaa yiixiye cadiqeenaꞌoyee, axaaxee gommoochee Yeer waan wotteebeeti ikke axaaxechochi naboona shimaayoochaa emiroo tunemmone” iye.

Mishiraachechinaꞌo 11:18

Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.

Mishiraachechinaꞌo 15:19

“Illa and ta nallemmo, Aageteenaꞌo daggoochee Yeer waan wottetinaꞌon no iritiyaachemmoyichiye.

Mishiraachechinaꞌo 17:30

Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone.

Mishiraachechinaꞌo 2:38

Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 26:17

Israꞌeeleenaꞌonaa boonoshi waan neen ta wochaabeeti, Aageteenaꞌonochi kishoochee neen wodiyemmo taane.

Mishiraachechinaꞌo 26:19

“Illa Taatoo Agrippho, shimaayoochee taach bekketi yaaꞌoon qajje getaano taane.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Mishiraachechinaꞌo 9:35

Liidinaa Shaarooninooch beetinaꞌo bulli hini are woditi uroon beeggiꞌi, Doono Yesuus waan wotteheete.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

2 Qorontoosi 3:16

Tunebaani asho koniyoona Doono waan bi wottehooba, ebi are kaafo tiyiye.

2 Qorontoosi 7:10

Yeerichi daaggoommon tuneebeeti ayinoo axaaxee gommoochee Yeer waan wochoona wodooch shakkii beetone. Ebich “Aakkiya ebin tuniitote?” getteyaache. Tunebaani hini alemeexi ashi ayinoo qitooch shakkii beetone.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

1 Tasaloonqi 1:9

Ittoshi waan no waahooba, aabichiꞌi noon ittoshi iibbiito gaata hini are asheenaꞌo bulli gettii beetinaꞌone; wotta beeyechonaa ibere Nuggishoonoyich ittoshi maddemmoyich, qitoochee bi tiijjiti bi Bushoo, aroo woyemmi kaaree shiixxoochee noon wodiyemmi Yesuusi, shimaayoochee bi womon ittoshi quyemmoyich, shahalloyich goyinnoochee Yeer waan aabichiꞌi ittoshi wotteto gaata gettii beetinaꞌone.

Yaaꞌoo 16:11

Boonoshi shooddetoyich, boonoshi acheexi mayo biijjii shachiritoyich shimaajji Nuggishoon naaggiyeetalli boonoshi gonde shunoon qajjii Yeer waan wotteyaaneenaꞌone.

Yaaꞌoo 2:21

Ebi ure bi shunee mamon qayiree Yeer waan bi wottemmoyich haaꞌiito taane; tunebaani aree ebin qaawaaneene.

Yaaꞌoo 2:5

Illa amoochee ne dihito gaata gabibe; axaaxee gommoochee Yeer waan wottebe; aafi ne shuunoon tuniibe. Ebi tuno qayigaata, neech woyemmo taane; axaaxee gommoochee Yeer waan wottoon ne qayigaata, ne maqirajjoon bi xaaꞌoochee tiijjemmo taane.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.