Mishiraachechinaꞌo 26:18 - Kafa Linguistics Project

¹⁸ Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Mishiraachechinaꞌo 26:18 ပူးပေါင်းရင်းမြစ်များ

Shoddo 119:18

Ne sheeroochee worganikkiti mooyon ta beeggemmoyich, ta aafoon gaxxibe.

Shoddo 146:8

Doono Yeeri aaf doogoochi aafoon qechiye; Doono Yeeri goobetinaꞌon kaachiye; Doono Yeeri cadiqeenaꞌon shunniye.

Isiyaasi 29:18

Ebi arooba, ulleenaꞌo boonoshich shemmeebeeti macaafoon waayemminaꞌone; manderooch beebee echeti aaf doogeenaꞌoo boonoshi aafo qecheetaa ciinnemminaꞌone.

Isiyaasi 32:3

Ebiyee bekk, ciinniibeeti asheenaꞌo aafo oppeyaachemmone; waayeebeeti asheenaꞌochi waamo gaawichiree ellemmone.

Isiyaasi 35:5

Arooba aaf doogeenaꞌo aafo ciinnemmone; ulleenaꞌochi waamo waayemmone.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 42:7

Ebina aaf doogeenaꞌochi aafoon gaxxemmo neene; qoppeenaꞌon cuyee kexoochee, manderooch kotetinaꞌon aroochee, kichemmo neene.

Isiyaasi 43:8

Yeeri ishichiye; “Aafo boonoshich beetaa wolleti, waamo boonoshich beetaa ulleti, asheenaꞌon deebote.

Isiyaasi 9:2

Manderoona shaꞌeebeeti asho oogeti bekkoon beeggiye; qitee yiirechi showooch kotetinaꞌoyichoo, bekko bekkehe.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Maatiyoosi 4:16

manderooch koteti ittoshi oogeti bekkoon beeggito ittoshine; qitee yiiroo beeti showooch koteti ittoshich bekko bekketone” ii beetone.

Luqaasi 1:77

Yeeri boonoshi axaaxoon bi maaroona boonoshin bi wodiyoon bi aagetoyich arichiyemmo neene.

Luqaasi 1:79

No waan bi woyemmo, manderoonaa qitee yiiroonooch kotaabeeti nooch bekkiiya, diggee gommoochoo noon yaabiyane” iye.

Luqaasi 24:45

Areegaata Yaafe Macaafooch kooreeton boonoshi xiishemmoyich, boonoshi mulloon qechiye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Yowannisi 17:17

Ne iberoona boonoshin yaafibe; ne qaaro iberoone.

Yowannisi 3:19

Bekko showee toommooch waahe; tunebaani asheenaꞌo boonoshi shuunoo gondo bi tunetoyich, bekkoyee manderoon shunniyeete; bi nallito ebichiye.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Yowannisi 9:39

Yesuusiyoo “Ciinaaneenaꞌo ciinaa, ciinnii beetinaꞌo doogaa, nalloona boonoshi barbaremmoyich, ta hini alemooch waato taane” iye.

Yowannisi 9:5

Alemooch ta beemmi wottoon, alemoyich bekko taane” iye.

Mishiraachechinaꞌo 10:43

Wotta keemechinaꞌo bulli ‘Boonoshi mulloon bi toommooch tooꞌii beetinaꞌo bulli bi shigoona Yeer waanee axaaxee maaroon danemminaꞌone’ iꞌi miixetinaꞌone” iye.

Mishiraachechinaꞌo 13:47

No hammaabeeti naboo, Doono, ‘Showee toommo bulliich beddaahaa beeti asheenaꞌo neenna wodemmoyich, Aageteenaꞌoyich neen ceechoo tuniito taane’ iꞌi nooch bi gettitoyichiye” iyeete.

Mishiraachechinaꞌo 15:9

Yeeriyoo Yesuusi toommooch mulloon boonoshi tooꞌiyoona boonoshi mulloon axaaxoochee xalliitone; ebich noonnaa boonoshinon barbariyaanoone.

Mishiraachechinaꞌo 2:38

Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 20:32

“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane.

Mishiraachechinaꞌo 26:19

“Illa Taatoo Agrippho, shimaayoochee taach bekketi yaaꞌoon qajje getaano taane.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Roomi 8:17

Illa Yeerichi bushiishoo no tunegaata, Yeerichon woraashemmo noone; bi oogee yiiroochee no qoodeyemmoyich, biinna tookkaa iritoon qoodeebeeto no tunegaata, Kiristoosina tookkiree woraashemmo noone.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

2 Qorontoosi 6:14

Kiristoosi toommooch mulloon tooꞌiyaaneenaꞌona tookki tambe gommona xandeyaahote. Cadiqoonaa hukkoonoyich amee xibittino beete? Bekkoonaa manderoonoyich amee ikkittino beete?

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Galaati 3:2

Ebin baach ittoshi waanee ariyoyich qaawiyoye: Yaafe Ayaanoon ittoshi daneto, sheeroon ceechii ittoshi quyoonanee mishiraachee qaaroon waayee Yesuus Kiristoosi toommooch mulloon ittoshi tooꞌiyoonane?

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 1:14

Ebi Yaafe Ayaano Yeeri biicho tunetinaꞌo bullin bi biishemmi wottoon bi asheenaꞌoyich imma bi gibenikkiti iristoyich yechiyoone; ebiyoo Yeeri bi oogee yiiroyich bi galleteyemmoyichiye.

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 2:8

Bi toommooch ittoshi mullee tooꞌiyoona Yeeri bi wojjoona ittoshin wodiitone; ebiyoo bi immiti wojjoonalli ittoshi shuunoona toonoone;

Efesooni 4:18

Boonoshi tuushoonaa mullee muumoonoochee tiyitona boonoshi mullo kaappehe; ebich boonoshiyoo Yeer waanee daneebeeti andire kashoochee wokkiyeete.

Efesooni 5:11

Aafaalli manderee shuunoona tookki ikkotteyaahote; beshoonoo ebi shuunoon bekkooch kichibote.

Efesooni 5:8

Ebiyee aaf manderoo ittoshine; tunebaani and Doono Yesuusina, bekko ittoshine; bekko aafeebeeti aafo deꞌittino, cadiqittinoonaa iberittino bullinane; ebich Doono Yeerin emirikkemmo aabi gaata bariiree, bekkee bushiisheenaꞌochoommon beebote.

Efesooni 6:12

No koyaabeeto, shimaajji xaaꞌooch beeti yinnee ginechinaꞌona tookkaa, ukkireenaꞌonaa iraasheenaꞌona tookkaa, hini manderee yemeenooch asheenaꞌon hajjiibeeti gonde ayaaneenaꞌona tookkaanalli, ashoona tookkaa toonoone.

2 Ximootiyoosi 2:26

boonoshi mullo yeshaa, daabiloosichi daaggoon ceechiya kashoona beechii boonoshi yecheti bi olloochee muriccemminaꞌone.

Hibireena'o 10:10

Ebina Yesuus Kiristoosi Yeerichi daaggoon ceechitone. Bi qelloon deejjoo tuniiꞌi Yeerich ikke wottoon bi giddiitoyich, axaaxoo bulliichee yaafeeto noone.

Hibireena'o 10:14

Ebiyoo, ikke deejjoon Yeerich giddiyoona boonoshi axaaxoochee Yeerich yaafee beetinaꞌon bulli yemeenoon axaaxaalleenaꞌon bi tuniitoyichiye.

Hibireena'o 11:6

Asho koniyoona mulloon Yeeri toommooch tooꞌiyaanoon Yeerin emirikkoon hakkaache; Yeer waan giddeebeeti asho Yeeri beemon, biin qaawii beetinaꞌoyichoo bi wojjoon wojjiibeeto bi tunoon iberiyoo biich qaawiihe.

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

1 Pheexiroosi 1:4

Ebich Yeeri shimaajji kexooch ittoshich aalleyaani, duubeyaani, ciireyaani iristoon kotiitone.

1 Pheexiroosi 2:25

Ebiyee aaf aalleti bagoochoommon yallyallimiibeeto ittoshine; tunebaani and ittoshi kashee Qiddoonaa Quyechona tuneti Kiristoos waan wotteto ittoshine.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

1 Yowannisi 2:12

Ta shuni bushiisheenaꞌote! Ittoshich ta kooraabeeto, Yesuusi naboona ittoshi axaaxoo maareetoyichiye.

1 Yowannisi 3:8

Tunebaani axaaxoon shuuneebeeto daabiloosi magechone. Daabiloosi shiichoochee tiijjiꞌi axaaxoon shuunee beetone. Yeerichi Bushoo bi waato daabiloosichi shuunoon happoyichiye.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.