Mishiraachechinaꞌo 26:17 - Kafa Linguistics Project

¹⁷ Israꞌeeleenaꞌonaa boonoshi waan neen ta wochaabeeti, Aageteenaꞌonochi kishoochee neen wodiyemmo taane.

Mishiraachechinaꞌo 26:17 ပူးပေါင်းရင်းမြစ်များ

1 Kiinoo 16:35

Biichoo ishichibote: “Noon wodiyechi no Nuggishoocho, noon wodiibe; neen no galletemmoyich, yaafe ne shigoon no oogiyemmoyich, aageteenaꞌo daggoochee noon shiweree, ikkooch noon kicibe” getote.

Shoddo 34:19

Cadiqoyich iritoo woddoone; tunebaani Doono Yeeri ebi bulliichee biin wodiyemmone.

Erimiyaasi 1:19

Neenna koyemminaꞌone; tunebaani neen wodiyoyich neenna tookkii ta tunetoyich ne toommooch wudoo daneyaachemminaꞌone” iye Doono Yeeri.

Erimiyaasi 1:8

Neen wodiyoyich neenna tookki tunemmo ta tunetoyich, asheenaꞌon shattaahine” iye Doono Yeeri.

Hiziqeeli 3:5

Ne wocheebeeto Israꞌeelee macceenaꞌo waanalli boonoshi yibbaatoo giyaanoonaa aricheyaanoona tuneti dallaaweenaꞌo waan toonoone.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 16:39

Ebich cuyee kexooch hammiꞌi, “Noon maaribote” iꞌi qolleheete. Kichiꞌi, “Hini katemoon qayiree hambote” iꞌi qolleheete.

Mishiraachechinaꞌo 17:10

Xum bekkech kittinnee maneenaꞌo Phawuloosinaa Sillaasinon Beeriya daachiiheete. Boonoshiyoo arooch shaggiꞌi, Ayihudeenaꞌo kiceebeeti kexooch giyiyeete.

Mishiraachechinaꞌo 17:14

Ebich arooba bekkech kittinnee maneenaꞌo Phawuloosin baharee gashooch beddaahaa daachiiheete; tunetaa Sillaasinaa Ximootiyoosina Beeriya echeheete.

Mishiraachechinaꞌo 25:3

Fisxoosich ishichiyeete: “Phawuloosin ceekkiiree hini Yerusaalem deebona noon gaachebe” iꞌi qolleheete. Ishichii boonoshi iti naboo, gommoochaa quyeꞌi wuxoyich boonoshi gabitoyichiye.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 11:13

Andoo Aageteenaꞌo tuneti ittoshich ishichiyo: Aageteenaꞌoyich mishiraachecho ta tunoon beshaa beshe maddoon tuniiꞌa ciinnoye.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Galaati 2:9

Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

2 Ximootiyoosi 1:11

Ebichoo ceegee bechecho, mishiraachechonaa Yeerichi qaaree dojjechona ta tunemmoyich Yeeri taan kaaccitone.

2 Ximootiyoosi 3:11

ta duꞌoonoo, ta xuuxoonoo gaawichaꞌa beeggeto neene. Antsookaa, Iqooniyooninaa Lisxirinoochaa ta toommooch shaggiti duꞌoon ta haaꞌiyoon ariibeeto neene; Doono Yesuusiyoo ebi bulliichee taan wodiitone.