Mishiraachechinaꞌo 26:16 - Kafa Linguistics Project

¹⁶ And tiyiree ne baatoona neexebe. Neech ta bekketi naboo, taach ne maddemmoyich, wotta taan ne beeggeti mooyona, neechoo ta bekkiyemmi mooyona ta miixoo ne tunemmoyichiye.

Mishiraachechinaꞌo 26:16 ပူးပေါင်းရင်းမြစ်များ

Hiziqeeli 2:1

Biyoo taach ishichiye: “Ashi bushoocho, ne baatoona tiyi neexebe; ta neenna tookki yibbaatemmo taane” iye.

Daaneeli 10:11

Biyoo taach ishichiye: “Oogeton shucheti Daaneelo, tiyi kaama neexeree, neech ta gettemmon manjiiree waayebe; tawoo neech getta wochetaa waato taane” iye. Ishin bi gettii beetaa, tawoo qewaabee tiyaa neexeho.

Mishiraachechinaꞌo 1:17

Hini are Yihudi no daggooch bacceeꞌi no shuunee gogecho tunetone” iye.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 21:19

Phawuloosi boonoshin bi diggiitoyee gubb, bi shuuneti shuunoona Yeeri Aageteenaꞌo daggooch bi tuniiti mooyon yaaroona gettiye.

Mishiraachechinaꞌo 22:10

“Tawoo ‘Ta Doonocho, aabichibote?’ iyo. “Doono taach, ‘Tiyiree Damaasiqa gibe; Yeeri ne tuniyemmoyich bi maacciti mooyo bullin aroochaa waayemmo neene’ iye.

Mishiraachechinaꞌo 23:11

Bi decharoobee xum Doono Yesuusi Phawuloosi gaꞌooch neexeꞌi, “Yerusaalem ta miixoo ne tunetoommon, ebiyoommon Roomaa wotta taach ne miixemmoyich qaawiihe; ebich kupphebe” iye.

Mishiraachechinaꞌo 26:15

“Tawoo ‘Doonocho, ne koni neene?’ iyo. “Doonoo wochiꞌi, ‘Ne duꞌiibeeti Yesuusi taane.

Mishiraachechinaꞌo 6:4

No, corootoonaa Yeerichi qaaroon dojjoonoyich no mulloon ikkochibone” iyeete.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

2 Qorontoosi 5:18

Ebi bulli tuneto, Kiristoos waanaa tuneꞌi biinna tookkii noon shuniiti, shuniyee shuunoonoo nooch immiti Yeerinane.

Galaati 1:12

Yesuus Kiristoosi taach bekkiitoani, ashi waanee ta daneto toonoone; asho koniyoona taach dojjaanoone.

Galaati 2:2

Yeeri taach bi bekkiitoommon arooch hammeho; tuniiya ta gabaabeeto woyee ta tuniito aafaallo tuneree bi echeyaachemmoyich, Aageteenaꞌo daggooch ta gettaabeeti mishiraachee qaaroon kittinnee guuphinaꞌon yaabii beetinaꞌoyich badd arichiihoye.

Efesooni 3:3

Shiichaꞌa ebi mooyichon qaminona ta kooritoommon, Yeeri aricheyaani mooyon gaxxiꞌi taach bekkiihe.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 1:25

Yeeri taan bi ceeggitoommon ittoshicha getaa taach icheti shuunoommon, ceeni bi qaaroon ta gettemmoyich kittinnee guuphi maddechon tunehoye.

Qolaasiyaasi 1:7

Ebinoo noonna tookkii Kiristoosichi gibeneeti maddechon tuneꞌi no keroyich shuuneebeeti, noonna tookkiinoo maddeebeeti, shucheti manoo Epphaafir ittoshich dojjitone.

1 Tasaloonqi 3:2

Kiristoosichi mishiraachee qaaroon gettiibee noonna tookkii Yeerich shuuneebeeti no manoo Ximootiyoosin ittoshi waan wochaa daachiito noone; ebi ittoshi toommooch shaggiti duꞌoona koniyoona Kiristoosi toommooch mullee tooꞌiyoochee bi shuuraachemmoyich ittoshin ciici bi goggiyemmoyichiye wochaa no daachiito. Ebi duꞌo no toommooch shago Yeerichi daaggoo bi tunoon ittoshiyoo ariibeeto ittoshine.

1 Ximootiyoosi 1:12

Biich ta maddemmoyich taan kaacciꞌi gibeneeto tunii taan hadditi, giidoon taach immiti no Doono Kiristoos Yesuusin galletehoye.

1 Ximootiyoosi 4:6

Hini neech ta getteti mooyinaꞌon kittinnee ne maneenaꞌoyich ne shalligichi gaata, Kiristoosi toommooch mulloon tooꞌiyee qaaroonaa and beddaahaa ne dabbaabeeti gaawe doyoona manjiree Kiristoos Yesuusichi gaawe maddechon tunemmo neene.

2 Ximootiyoosi 4:5

Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.