Mishiraachechinaꞌo 24:5 - Kafa Linguistics Project

⁵ “Hini uro nooch oogeti biiyo bi tunoon, alemo bulliich beeti Ayihudeenaꞌo daggooch hukkee bi tiijjoon, xumme mooyon dabbiibeeti Naazireetechinaꞌochi ukkiroo bi tunoon beeggeto noone.

Mishiraachechinaꞌo 24:5 ပူးပေါင်းရင်းမြစ်များ

Asteeri 3:8

Ebich Hamaani taatoo Yekisesich ishichiye: “Ne taatee showee daggooch beeti woraafeenaꞌo bulliich shaceꞌi beeti, ikke ashi yaroo beetone. Ebi asheenaꞌochi sheeroo bare asheenaꞌo bullichi sheeroyee baritone. Boonoshiyoo taatoochi sheeroyich deꞌa getaani asheenaꞌone. Ebi asheenaꞌon cikkii qayo taatoyich gaaweto toonoone.

Erimiyaasi 37:13

Biiniyaami Kellooch bi shaggaahaa, kellechinaꞌochi ukkiroo tuneti, Hanaaniyichi bushoo, Shelemaayichi bushoo, Iriyaahi “Baabloonee showooch aallaa hammaaniye ne beeto” iꞌi keemechi Erimiyaasin yechiye.

Erimiyaasi 38:4

Aroochee iraasheenaꞌo taatoyich ishichiyeete: “Ebiyoommi qaaroon getona hini katemooch echeti ginee naayinaꞌochi mochoon, asheenaꞌo bullichi mochoon, bi nirii beetoyich, ebi uro qitibe; ebiyoo ebi uro hini asheenaꞌoyich gonde mooyonalli deꞌoon qaawaano bi tunetoyichiye” iyeete.

Amootsi 7:10

Beeteeli beeti yaafee kexooch qeeshee guudo tuneti Amasiyaasi Israꞌeelee taatoo Yeroboꞌam waan wochoon daachiiꞌi ishichiye: “Amootsi Israꞌeeleenaꞌo daggooch tuneechii ne toommooch kocee beetone. Ebi showoon xafiibeeti bi yibbaatoon kootiito aalloone.

Maatiyoosi 10:25

Dabbito biin dabbiitochoommon, guuno bi doonochoommon tuno biich beddiye. Kechi doonon ‘Beelzebuli’ boonoshi itoyee, bi kechi ashoon am shaahoon beshiiree getteeheete” iye.

Maatiyoosi 2:23

Naazireeti katemooch kotehe. Ebich Yeerichi keemechinaꞌona “Kiristoosi Naazireetecho getteyemmone” iꞌi bi gettito ceenniye.

Maariqoosi 1:24

Biyoo “Naazireetechi Yesuuso, no mooyooch neen amo geddiye? Noon goochiiya waanne? Koni ne gaata ariibeeto taane; Yeerichi yaafoo neene” iꞌi cookiye.

Luqaasi 23:19

Ebi Barbaani katemee daggooch hukkoon tiijjii ashoon bi wuxitoyich, cuyee kexooch cucheti uroone.

Luqaasi 23:2

“Hini uro no aagetoon hukkecho tuniiya koccii bi beetaa, daneto noone. Wotta no macceenaꞌon ‘Qesaarich qaraxoon qoccaahote’ iꞌi bajjitone; ebichi toommooch ‘Ta Kiristoosi, taatoo taane’ ii beetone” iꞌi taggoon yaaqqiyeete.

Luqaasi 23:25

Hukkee bi tiijjoonaa ashoon bi wuxoonoyich cucheti, are boonoshi echeti Barbaanin biichiihe; tunebaani Yesuusin boonoshi qaawitoommon beshiiꞌi immiye.

Luqaasi 23:5

Tunebaani boonoshi mooyon manjiiꞌi, “Galiilee showoochee tiijjiꞌi Yihudee showoo bullinaa hini Yerusaaleminooch beddaahaa no macceenaꞌoyich hukkee gommoniye bi koccii beeto” iyeete.

Mishiraachechinaꞌo 15:5

Areegaata Fariseenaꞌo daggoochee boonoshi mulloon Yesuusi toommooch tooꞌiitinaꞌo arooch beeheete. Boonoshi daggoochee ikkikkeenaꞌo tiyiꞌi, “Aageteenaꞌon dokiriyoonaa ‘Muusichi Sheeroon ceechibote’ iꞌi getona ittoshich qaawiihe” iyeete.

Mishiraachechinaꞌo 21:28

Aroochee ishichiyeete: “Israꞌeelee asheenaꞌote, noon gaachebote! Bulli xaaꞌooch beeti asheenaꞌo bulli no macceenaꞌonaa no sheeroonon, hini yaafee kexonoo boonoshi hoxemmoyich kocciibeeti uro hinine. Andoo daakkiꞌi Giriikee asheenaꞌon yaafee kexooch giijjiꞌi, hini yaafe xaaꞌoon eeꞌiitone” iꞌi cookeeheete.

Mishiraachechinaꞌo 22:22

Phawuloosi Aageteenaꞌochon tiijjiꞌi bi gettimmi wottoon, asheenaꞌo bi yibbaatoon waayee beeheete; ebin waayeꞌi bekkech boonoshi qaaroon oogichiꞌi, “Ebiyoommi uro showee toommoochee aallebe! Ebiyoommi uro kashoona beeyi bedaache!” iibee cookeeheete.

Mishiraachechinaꞌo 24:14

Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane.

Mishiraachechinaꞌo 24:4

Tunetaa yibbaatoon meechaanoon qaminoona neech no gettemmon ne deꞌittinoona ne ellemmoyich neen qollehoye.

Mishiraachechinaꞌo 25:7

Phawuloosiyoo ceegaa bi waan giddemmona Yerusaalemee waati Ayihudeenaꞌo biin giichiꞌi neexeheete; miixiyoon boonoshi hakkaani meeti magge taggoon yaaqqiyeete.

Mishiraachechinaꞌo 26:5

Yeerich no maddaabeeti gommona Muusichi Sheeroon manjiiꞌi quyeebeeti Farisoo tunaꞌa ta beemon xepphoochee tiijjiꞌi arii beetinaꞌone; ebich boonoshi qaawigaata, ta shuunoon miixoon hakkiyeete.

Mishiraachechinaꞌo 28:22

Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.

Mishiraachechinaꞌo 5:17

Arooba qeeshee guudoonaa biinna tookkii beeti Saduuqee guuphi asheenaꞌo bullina oogeti qanaatoona mishiraachechinaꞌo toommooch tiyiyeete.

Mishiraachechinaꞌo 6:13

Bi toommooch miixemmi koote miixeenaꞌon giddiiheete; are miixeenaꞌo giddeꞌi, “Hini uro [hini] yaafee kexonaa Yeerichi sheeroonon oonoochee wotteyaanoone.

1 Qorontoosi 11:19

Ittoshi daggooch gajjiteyoo tiyiibeeto, ittoshi daggoochee ibere moochechi kittinneenaꞌo bekkemmoyichiye.

1 Qorontoosi 4:13

gondoon no toommooch boonoshi yibbaatetaanoo deꞌoona wochaabeeto noone. Hanaach beddaahee hini alemeexi asheenaꞌo hidii duppiti guudoonaa caachoonon tuneto noone.

1 Pheexiroosi 2:19

Xukkeebee xuuxoon beeggiibeeti asho Yeerin gabiibee are xuuxoon bi haaꞌiigaata, galleteyemmone.