Mishiraachechinaꞌo 24:27 - Kafa Linguistics Project

²⁷ Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.

Mishiraachechinaꞌo 24:27 ပူးပေါင်းရင်းမြစ်များ

Keyo 23:2

“Gonde mooyon tuniiya meeti asheenaꞌo tiyiyooba, boonoshin dabbiyaahine. Dayinnetoon dabiyoyich meeti asheenaꞌon dabbiree xummii miixeyaahine.

Shaahiyoo 29:25

Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Erimiyaasi 38:13

Erimiyaasinoo woderoona geechiyeete; oppoocheenoo kichiyeete; Erimiyaasiyoo kellechinaꞌochi addibaabooch kotee beehe.

Maariqoosi 15:15

Ebich Phelaaxoosi asheenaꞌon emirikkoyicha iꞌi Barbaanin biichiichii Yesuusin arengoona bi xoobbiitoyee gubb, bi yooddeyemmoyich beshii immiye.

Mishiraachechinaꞌo 12:3

Ebina Ayihudeenaꞌo emiroon beeggiꞌi, daakkii Pheexiroosin wotta yechiihe. Ebi tuneto, Shittoo Giyaani Kochi Baaroobane.

Mishiraachechinaꞌo 23:35

“Neen taggetinaꞌo waahooba, ne taggoon waayemmo taane” iye. Ishichiꞌi Heroodisichi kibbooch quyiihe.

Mishiraachechinaꞌo 25:1

Fisxoosiyoo Qesaariyi woraafooch bi giyiti keejje qemoyee gubb, aroochee tiyii Yerusaalem hammiye.

Mishiraachechinaꞌo 25:14

Arooch meeti areddoon boonoshi kotetaa, Fisxoosi Phawuloosichi mooyon taatoo Agripphich ishichiꞌi gettiye: “Filikisi cuchiiꞌi tiyii cuyee kexooch bi qajjiti uro hiniich beete.

Mishiraachechinaꞌo 25:4

Tunetaa Fisxoosi wochiꞌi, “Phawuloosi Qesaariya cuyee kexooch quyee beetone; tawoo kaate wotteree arooch hammemmo taane.

Mishiraachechinaꞌo 25:9

Tunetaa Fisxoosi Ayihudeenaꞌon emirikkoyicha iꞌi, Phawuloosin “Yerusaalem hamiree hini mooyoyich ta aafoochaa taggoon qaawaa beetine?” iꞌi echehe.

Mishiraachechinaꞌo 26:32

Taatoo Agripphi iraashoo Fisxoosich “Hini uro ‘Qesaari aafooch ta mooyo giddebe’ bi getaan gaata, biicheeyeshone” iye.

Mishiraachechinaꞌo 28:30

Phawuloosi bi kiraayiti kexooch gutte naton kotehe; bi waan waa beetinaꞌo bullin iibbii beehe.

Galaati 1:10

Illa and naadoon danoon ta qaawaabeeto, ashi waaneeniyee Yeer waaneeniye? Woyee ashoon emirikkoon qaawaa beetote? Ashoon emirikkoon qaawaabeeto ta tunemmogaata, Kiristoosichi maddecho tuneyaachesho taane.