Mishiraachechinaꞌo 24:25 - Kafa Linguistics Project

²⁵ Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.

Mishiraachechinaꞌo 24:25 ပူးပေါင်းရင်းမြစ်များ

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

1 Taateenaꞌo 21:27

Akaabi ebi qaaroon waayeꞌi, bi tahoon keexxiye; dookoon taheꞌi coomiye; dookoochoo qeyiye. Qumittimiꞌinoo hammii beehe.

2 Taateenaꞌo 22:19

hini xaaꞌoon uppeton, ashaalli xafoonoo tuniyemmo ta tunoon, ta getteti qaaroon waayaꞌa, ne mullo tiishetoyich, Doono Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Iziri 10:3

Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.

Iziri 10:9

Keejje qemi daggooch Yihudee doonjeenaꞌo bullinaa Biiniyaamee doonjeenaꞌo bullina Yerusaalem kiceeheete. Boonoshi kiceeto, yiixiyinnee agenee hiyinnee qemoobane. Asheenaꞌo bulli ebi mooyona, wotta amichi dudoona qeweebee, yaafee kechi addibaabooch koteheete.

Iyoobi 29:14

Cadiqoon tahoochoommon tahehoye; dayinnetoonoo qoreddoochoommon xappaa ukoochoommon ukehoye.

Shoddo 11:7

Doono Yeeri cadiqo bi tunetoyich cadiqee shuunoon shunniye; kaame asheenaꞌo bi aafoon beeggemminaꞌone.

Shoddo 119:120

Ta ashittino neen shatona qewehe; ne dayinnetoon beeggaꞌa shattehoye.

Shoddo 45:7

Cadiqoon shunnehine; gonde mooyon shixxehine; ebich ne Nuggishoo Yeeri ne nuucheenaꞌoyee ne beshemmoyich, neen oogiiꞌi emiree zayitoona huuttiye.

Shoddo 72:2

Biyoo ne asheenaꞌon tatoona qeejjemmone; xukketi ne asheenaꞌoyichoo tachi nallemmone.

Shoddo 99:1

Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe.

Shaahiyoo 16:12

Gonde mooyon shuuno taateenaꞌo waanaa ciigeetone; ebiyoo taatee qeeno manjiibeeto, cadiqoona bi tunetoyichiye.

Dojjecho 11:9

Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!

Dojjecho 12:14

Ebiyoo, asho shuuneebeeti gonde shuunoo tuneba deꞌe shuunoo bulli toommooch, aasheexonona echiyaanoon Yeeri nallemmo bi tunoone.

Dojjecho 5:8

Ikke showoochaa girecho xukketaa, dayinnetaalloon bi toommooch nalleeꞌi neexaa hajjee bi beetaa ne beegigaata, ebi mooyona worganeyaahine! Iraashoyich biin quyeebeeti, biyee dambee iraashoo beetone; wotta eboshich boonoshin quyeebeeti, boonoshiyee damboo tuneti bare iraashoo beetone.

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Isiyaasi 1:21

Gibeneeti katemee aabichaꞌa yahechiyoommi tunehane! Ebiyee aaf dayinneto ceenniti, cadiqoo beeti katemeene; tunebaani and ashoon wuxechinaꞌochi katemee tunehan.

Isiyaasi 16:5

aroochee taatee qeeno shoodoona manjemmone; are qeenooch Daawiti yaroochee iberittinoon qaawiibeeti, dayinnetoon tuniyoyich afaafineebeeti, gibeneeti taatoo kotemmone.

Isiyaasi 32:11

Hini mashaamiti beemon beeti maacheenaꞌote, qewebote; hini keqqaalloon kotetinaꞌote, qewebote; ittoshi tahoon shooti shokkaachoon tunebote; ittoshi shimetooch dookoon eddebote.

Isiyaasi 41:21

Israꞌeeleenaꞌochi Taatoo Doono Yeeri ishichiye: “Ittoshi taggoon yaaꞌote; ittoshi miixoon deebote.

Isiyaasi 55:6

Bi danee beehooba Doono Yeerin qaawibote; bi katinnii beehooboo biin ceegote.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Erimiyaasi 23:29

“Ta qaaro qaaqqoommo, xaqqoonoo buricciibeeti modooshoommo toonoone?” iye Doono Yeeri.

Erimiyaasi 36:16

Ebi qaaro bullin waayeꞌi shatona boonoshinaa boonoshina ciineeheete. Aroochee Baaruukich “Ebi qaaro bullin taatoyich geto nooch qaawiihe” iyeete.

Hiziqeeli 45:9

Nuggishoo Doono Yeeri ishichiye: “Israꞌeelee iraasheenaꞌote, illa beddiye. Xuꞌoonaa neexxii hajjoonon neechibote; tatoonaa kaamoona tuneti mooyon tuniibote; ta asheenaꞌon boonoshi iristoochee yooho ebiyee bekk beddiye. Ebin Nuggishoo Doono Yeeri ta getteto taane.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Daaneeli 5:30

Aroobee xum Baabloonee taatoo Belshasoorin wuxiyeete.

Hosee'i 10:12

Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.

Hosee'i 10:4

Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.

Hosee'i 7:5

No taatoochi baaree aabooba ukkireenaꞌo woyinee uyoona gaamee biiyeheete. Biyoo bedaani asheenaꞌona tookkii bi kishoon yaggiye.

Amootsi 5:24

Ebiyee, dayinneto aachi xuuphoochoommon, cadiqoo tahaani aacochoommon ufebe!

Amootsi 6:12

Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Haagi 1:2

Beshe Mawe Doono Yeeri, “Hini asheenaꞌo ‘Doono Yeerichi kexo hakkemmi yemeeno batt shagaanoone’ ii beetinaꞌone” iye.

Maatiyoosi 22:5

“Hammii boonoshi getaa, ceekkeetinaꞌo gaaroon qallayiꞌi ikkoo bi goyooch, baroo bi giixooch hammiye.

Yowannisi 16:8

Aroo waaree, alemoon axaaxeechon, cadiqeechonaa nalleechonon boonoshin ittibatemmone.

Mishiraachechinaꞌo 10:42

‘Kashechinaꞌonaa qiteenaꞌonochi toommooch nallibe’ iꞌi Yeeri biin ukkiriyoon no gettemmonaa no miixemmonoyich nooch gettitone.

Mishiraachechinaꞌo 17:13

Tunetaa Tasaloonqa beeti Ayihudeenaꞌo Phawuloosi Beeriya hammiꞌi Yeerichi qaaree geton ariiꞌi, are katemooch wotta hammiꞌi dofee asheenaꞌon shuurikkiyeete.

Mishiraachechinaꞌo 17:2

Phawuloosi bare Ayihudeenaꞌo kiceebeeti kexooch bi gimoommon, andoo hini Ayihudeenaꞌo kiceeti kexooch giyiye. Keejje shabaatta bedoon shambetoon boonoshina tookkii Yaafe Macaafoochee malleteebee asheenaꞌoyich gettiye.

Mishiraachechinaꞌo 17:32

Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete.

Mishiraachechinaꞌo 2:37

Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.

Mishiraachechinaꞌo 24:15

Boonoshiyoo boonoshi qelloona gibenee beetoommon tawoo cadiqeenaꞌonoo, axaaxeenaꞌonoo qitoochee Yeeri tiijjemmo bi tunoon gibenaabeeto taane.

Mishiraachechinaꞌo 24:26

Arooba Filikisi “Phawuloosi taach xuccoon immemmone” iꞌi gibenehe; ebich meeti areddoon Phawuloosin ceekkiibee, biinna tookkii yibbaatee beehe.

Mishiraachechinaꞌo 26:28

Agripphiyoo Phawuloosin, “Hini qamini saatooch taan kittinnoo tuniiya gabaa beetine?” iye.

Mishiraachechinaꞌo 9:6

And tiyiree katemooch gibe; ne tuniyemmo neech getteyemmone” iye.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 14:12

Illa no ikkikkoo no qelli qelli shuuneechon Yeeri aafoochaa echeeree wochemmo noone.

Roomi 2:16

Ebiyoo tunemmo, mishiraachoona ta arichiitoommon Yeeri Kiristoos Yesuus waanaa ashi mullooch aacheeti gabee toommooch bi nallemmi aaboobane.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

2 Qorontoosi 6:2

Yeeri ishichiye: “Ta wojjoon neech ta bekkiyemmi saato shagaa, neechon waayehoye; neen ta wodiyemmi aabo shagaa, neen gaachehoye” iye. Ebiyoche, Yeerichi wojjoon ne danemmi saato hanaachiye; ne wodemmi aaboo andiye.

Galaati 3:22

Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

2 Ximootiyoosi 4:1

Kiristoos Yesuusi hini showooch wotteree taatemmo bi tunetoyich, Yeeri aafoochaa, kashechinaꞌonaa qititinaꞌonochi toommooch nallemmi Doono Yesuus Kiristoosi aafoochaanoo hini mooyon neech adereto taane:

Titoosi 1:8

Wotta iibboon iibbiibeeto, deꞌe mooyon shunniibeeto, bi qellee ariyecho, kaamoo, Yeerich diireeto, bi qelloon quyecho tunebe.

Hibireena'o 12:21

Bekkeebeeti mooyo oogichii shattiito bi tunetoyich, Muusi “Oogeton shattaꞌa qewaabeeto taane” itone.

Hibireena'o 3:13

Tunebaani ittoshi daggoochee kittinnoo koniyoona axaaxoona dacheeree mulli manjoo bi tuneyaachemmoyich, “Hanaacha” getaa bi ceekkee beegaata, qemi qemona ittoshinaa ittoshina ikkoo baroon kupphiibe.

Hibireena'o 4:1

Illa Yeeri no kashemmoyich imma bi gabiti xaaꞌooch no giyemmoyich gibeno nooch beetone; diqqich ittoshi daggoochee koniyoona bedaano tuneree bi daneyaachemmoyich shatone.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

Yaaqobi 2:19

Yeeri ikkoo bi tunoon iberiibeeto neene; gaawiye! Yinneenaꞌolla wotta ebiyoommon iberii beetinaꞌone; qeweenoo beetinaꞌone.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.

2 Pheexiroosi 1:6

ariyee toommooch qellee quyoon, qellee quyee toommooch haaꞌiyoon, haaꞌiyee toommooch Yeerin oogiibeeti qocoona beemon,

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Yowannisi 3:7

Ta shuni bushiisheenaꞌote! Koniyoona ittoshin bi muriciyaachemmoyich, ittoshi qelloon ariibot! Kiristoosi cadiqo bi tunetoommon cadiqittinoon tuniibeeto cadiqoone.

1 Saameeli 12:7

Andoo Doono Yeeri ittoshinaa ittoshi qaabbechinaꞌonoyich bi tuniiti cadiqee shuunoyich Doono Yeeri aafoochaa ittoshin taggemmo ta tunetoyich, ebi ittoshi beetooch neexebote.