Mishiraachechinaꞌo 24:24 - Kafa Linguistics Project

²⁴ Giisheche aaboyee gubb iraashoo Filikisi bi mechee Ayihudechee Durisilina tookkii waahe; Phawuloosin ceekkiiꞌi, Kiristoos Yesuusi toommooch mullee tooꞌiyoo geto ama geto gaata bi gettii beeton bi noonoochee waayehe.

Mishiraachechinaꞌo 24:24 ပူးပေါင်းရင်းမြစ်များ

Maariqoosi 6:20

Ebiyoo Heroodisi Yowannisi cadiqoonaa yaafoona bi tunoon bi ariitoyich, biin shattiꞌi quyii bi beetoyichiye. Heroodisi Yowannisi getaa emiriibee waayee beehe; tunetaa bi waayeti mooyona oogichii gaabbii beehe.

Luqaasi 19:3

Aroo dofee ashi daggoochee Yesuusin aabi gaata beegga qaawiye; tunebaani bi neexo qaminnitoyich, xiishoon hakkaanoone.

Luqaasi 23:8

Heroodisi ebiyee aaf asheenaꞌo Yesuusichi mooyon tiijjiꞌi boonoshi yibbaatetaa bi waayetoyich, meeti aaboon Yesuusin beegga iꞌi qaatiibee, worganikkimmi malletoonoo bi tuniitaa beegoyich gibenee bi beetoyich, and Yesuusin beeggiꞌi oogichii emiriye.

Mishiraachechinaꞌo 16:31

Boonoshiyoo “Ne mulloon Doono Yesuusi toommooch tooꞌiibe; neennaa ne kechi asheenaꞌona wodemmo ittoshine” iyeete.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 24:25

Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.

Mishiraachechinaꞌo 26:22

Tunebaani and beddaahaa Yeeri taan gaachetaa, ‘Keemechinaꞌonaa Muusina “Kiristoosi xuuxoon beeggemmone; qitoocheenoo shiichoo tuneree tiyemmone; ebina Ayihudeenaꞌonaa Aageteenaꞌonoyich wodee bekkoon gettemmone” iꞌi boonoshi gettito ceennemmone’ iꞌi oogoyichoo tuneba giishoyich miixoyee damba bare ta getteti mooyo aalloone” iye.

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Galaati 3:2

Ebin baach ittoshi waanee ariyoyich qaawiyoye: Yaafe Ayaanoon ittoshi daneto, sheeroon ceechii ittoshi quyoonanee mishiraachee qaaroon waayee Yesuus Kiristoosi toommooch mulloon ittoshi tooꞌiyoonane?

1 Yowannisi 5:1

Yesuusi aroo Kiristoosi bi tunoon iberiiꞌi bi mulloon bi toommooch tooꞌiito bulli Yeer waanee shiijjetone. Nihoon shunniibeeto bulli bi bushoon wotta shunnii beetone.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.

Yaaꞌoo 14:12

Yeerichi getoyich deꞌa ii beeti, gibeneyoona Yesuusin dabbiibeeti yaafeenaꞌochi haaꞌiyoo bi qaaweebeeto ebiyoobane.