Mishiraachechinaꞌo 24:14 - Kafa Linguistics Project

¹⁴ Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane.

Mishiraachechinaꞌo 24:14 ပူးပေါင်းရင်းမြစ်များ

1 Kiinoo 29:18

No qaabbechi Abrahami, Yisaaqinaa Israꞌeelinochi Nuggishoo Doono Yeero, ebi gaboo bulli yemeenoon ne asheenaꞌo mullooch bi beeyemmon tuniibe; boonoshi mulloonoo ne waan wochibe.

Shoddo 119:46

Ne geteenaꞌona yeelleyaachemmo taane; taateenaꞌo aafoochaanoo gettemmo taane.

Keyo 3:15

Wotta Yeeri Muusich “Israꞌeeleenaꞌoyich ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo tuneti Doono Yeeri ittoshi waan taan wochee deejjitone’ gete. Ta shigoo bulli yemeenoon ishine; gubbi shiijjeroo bulli taan shalligemmo, ebi shigoonane.

Amootsi 8:14

Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.

Mikiyaasi 4:2

Meeti aageteenaꞌo waaree ishichemminaꞌone: “Sheeroo Tsiyoonee, Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Maatiyoosi 10:32

“Ashi aafoochaa taacho bi tunoon miixeebeeto bullich ta wotta shimaayooch beeti ta Nihoo aafoochaa taachone getiree miixemmo taane.

Maatiyoosi 22:40

Muusichi Sheeroonaa keemechinaꞌona dojjito bulli hini gutte sheereenaꞌona tuggeetone” iye.

Maatiyoosi 7:12

Ebich ‘Asho taach tuniibe’ iꞌi ittoshi shunniibeeto bullin, ittoshiyoo wotta ebiyoommon bare ashich tuniibote. Ebin tuniyoona Muusichi Sheeroonaa keemechinaꞌona dojjiton ceechemmo ittoshine” iye.

Luqaasi 16:16

“Muusichi Sheeroonaa keemechinaꞌochi macaafeenaꞌona Aacona Afaallechi Yowannisi yemeenooch beddaahaa gettee beeheete. Aroochee tiijjiꞌi ikka getaa Yeerichi taatittinee mishiraachee qaaro gettee beetone; asho bulliyoo Yeerichi taatittineech giya qiiccee beetone.

Luqaasi 16:29

“Tunebaani Abrahami ‘Muusinaa keemechinaꞌona kooriti macaafeenaꞌo boonoshich beetinaꞌone; are macaafeenaꞌooch kooreeton waayebeete’ iye.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 1:45

Aroo Naatinaꞌeelin daneꞌi, “Muusi bi Sheeree Macaafooch, keemechinaꞌo wotta biichon boonoshi kooriti Yooseefichi bushoo, Naazireetechi Yesuusin daneto noone” iye.

Mishiraachechinaꞌo 10:43

Wotta keemechinaꞌo bulli ‘Boonoshi mulloon bi toommooch tooꞌii beetinaꞌo bulli bi shigoona Yeer waanee axaaxee maaroon danemminaꞌone’ iꞌi miixetinaꞌone” iye.

Mishiraachechinaꞌo 13:15

Muusichi Sheeroonaa keemechinaꞌo kooriti macaafoonoochee bi shemmeetoyee gubb, Ayihudeenaꞌo kiceebeeti kechi ukkireenaꞌo boonoshi waan ashoon daachiiꞌi, “No maneenaꞌote, asheenaꞌon kupphiyemmi qaaro beegaata, getote” iyeete.

Mishiraachechinaꞌo 15:5

Areegaata Fariseenaꞌo daggoochee boonoshi mulloon Yesuusi toommooch tooꞌiitinaꞌo arooch beeheete. Boonoshi daggoochee ikkikkeenaꞌo tiyiꞌi, “Aageteenaꞌon dokiriyoonaa ‘Muusichi Sheeroon ceechibote’ iꞌi getona ittoshich qaawiihe” iyeete.

Mishiraachechinaꞌo 19:23

Arooba ebi Doonochi gommi naboona Efesoon magge dulloo tiyiye.

Mishiraachechinaꞌo 19:9

Tunebaani ikkikkeenaꞌo “Phawuloosi yibbaatoyich deꞌa getaachone” iꞌi dofee ashi aafooch Doono Yesuusichi gommon naageheete. Ebich Phawuloosi boonoshi waanee wokkiꞌi, kittinneenaꞌon ikke badd kichiꞌi, Xiraanoosi goddemmoochaa, qemi qemona yibbaatee beehe.

Mishiraachechinaꞌo 22:14

“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone.

Mishiraachechinaꞌo 24:22

Filikisi Doono Yesuusichi gommon gaawichii ariibeeti uroone; biyoo “Hume ginee iraashoo Lusiyoosi waahooba, ittoshi mooyon ciichemmo taane” iꞌi Ayihudeenaꞌon daachiihe.

Mishiraachechinaꞌo 24:5

“Hini uro nooch oogeti biiyo bi tunoon, alemo bulliich beeti Ayihudeenaꞌo daggooch hukkee bi tiijjoon, xumme mooyon dabbiibeeti Naazireetechinaꞌochi ukkiroo bi tunoon beeggeto noone.

Mishiraachechinaꞌo 25:8

Phawuloosiyoo “Ayihudee sheeroon tiishaano taane; yaafee kexon eeꞌiyaano taane; Qesaarinoo amoonolla xuꞌaano taane” iꞌi wochiye.

Mishiraachechinaꞌo 26:22

Tunebaani and beddaahaa Yeeri taan gaachetaa, ‘Keemechinaꞌonaa Muusina “Kiristoosi xuuxoon beeggemmone; qitoocheenoo shiichoo tuneree tiyemmone; ebina Ayihudeenaꞌonaa Aageteenaꞌonoyich wodee bekkoon gettemmone” iꞌi boonoshi gettito ceennemmone’ iꞌi oogoyichoo tuneba giishoyich miixoyee damba bare ta getteti mooyo aalloone” iye.

Mishiraachechinaꞌo 26:27

Taatoo Agrippho, keemechinaꞌo keemmiton iberiibeeto toonoo neene? Ne iberiyoon ariibeeto taane” iye.

Mishiraachechinaꞌo 26:4

“Batti batt ta hajjee showoonaa Yerusaaleminooch ta beetaa, ta bushittinoochee tiijjaꞌa and beddaahaa amoommi asho ta gaata, Ayihudeenaꞌo bulli arii beetinaꞌone.

Mishiraachechinaꞌo 26:6

Andoo Yeeri no qaabbechinaꞌoyich bi gibenikkiti hini gibenoona nalleyoyich neexeto taane.

Mishiraachechinaꞌo 28:22

Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 3:13

Abrahami, Yisaaqinaa Yaaqobinochi Nuggishoo, biyoo no qaabbechinaꞌochi Nuggishoo, bi Bushoo Yesuusin oogiihe. Tunebaani ittoshi bi qitemmoyich beshiiꞌi immiyote. Phelaaxoosi biicha bi gabaa, bi aafoochaa nookkehote.

Mishiraachechinaꞌo 5:30

Mixooch yooddiiꞌi ittoshi wuxiiti Yesuusin no qaabbechinaꞌochi Nuggishoo qitoochee tiijjitone.

Mishiraachechinaꞌo 9:2

Hammiꞌi, “Damaasiqi katemooch beeti Ayihudeenaꞌo kiceebeeti kechi ukkireenaꞌoyich koorichoon kooriree taach imbe; arooch Yesuusichi gommon dabbii beetinaꞌon, anaaminaꞌo tunebeeta maacheenaꞌon yeshi cuyiree Yerusaalem deebona” iꞌi qollehe.

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

Roomi 3:21

Tunebaani and Muusichi Sheeroonaa keemechinaꞌona miixeeti, Yeer waanee daneebeeti cadiqoo bekketone; ebi cadiqoo Muusichi Sheeroon ceechii quyoona danemmo toonoone.

1 Qorontoosi 11:19

Ittoshi daggooch gajjiteyoo tiyiibeeto, ittoshi daggoochee ibere moochechi kittinneenaꞌo bekkemmoyichiye.

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

2 Ximootiyoosi 1:3

Ta qaabbechinaꞌochoommon axaaxoon tiyaareebeeti xalle mulloona ta goyinnaabeeti Yeerin ne naboyich galletaabee, xumoonaa areddoonon ta qollaa beegaata kuxaanoon neen gabaabeeto taane.

Titoosi 3:10

Barbarittinoon halliibeeti ashoon ikke wottoon woyee gutte wottoon ne ittibatetaa bi mawigaata, biyee wohe.

1 Pheexiroosi 1:11

Boonoshich beeti Kiristoosichi Ayaano, Kiristoosichi xuuxeechonaa are xuuxoyee gubb bi danemmi oogee yiireechonon shiichiꞌi miixeebee, ebi mooyo bi tunemmo amee yemeenooch gaata, aabichiree bi woyemmo gaata bi bekkiiton kichii kindiiꞌi ariyoyich qaawii beeheete.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.