Mishiraachechinaꞌo 23:9 - Kafa Linguistics Project

⁹ Oogeti cookoo tunehe; Fariseenaꞌo waanee tuneti Muusichi Sheeree dojjechinaꞌo “Hini uro toommoochee no daneti gonde mooyo aalloone; ayaano woyee maraakoo biich gettito tunemmone; no amoon ariihone?” iꞌi gajjiteeheete.

Mishiraachechinaꞌo 23:9 ပူးပေါင်းရင်းမြစ်များ

Shaahiyoo 16:7

Asho bi shaaddoona Doono Yeerin emirikkiibeeto bi tunegaata, bi etteenaꞌo diggoona biinna tookki boonoshi beeyemmoyich tuniihe.

Erimiyaasi 26:16

Aroochee ukkireenaꞌonaa asho bullina, qeesheenaꞌonaa keemechinaꞌonoyich “Hini uro no Nuggishoo Doono Yeeri shigoona keemoon nooch bi keemmitoyich, qita bedaache” iyeete.

Maariqoosi 2:16

Arooba Muusichi Sheeree dojjechinaꞌonaa Fariseenaꞌona Yesuusi gabiyee guudeenaꞌonaa axaaxechinaꞌona tookkii maa bi beetaa beeggiꞌi, bi dabbeenaꞌon “Gabiyee guudeenaꞌonaa axaaxechinaꞌona tookkii amoyichiye maa uchii bi beeto?” iꞌi echeheete.

Luqaasi 23:22

Keejjinnoon “Amoyichiye? Bi gondochi amoone? ‘Qitibe’ getiree ta nallemmoyich bi toommoochee ta daneti gondo aalloone. Ebich sheeriree biichemmo taane” iye.

Luqaasi 23:4

Phelaaxoosiyoo qeeshee ukkireenaꞌonaa dofee asheenaꞌonoyich “Hini uro toommoochee ikke gondoonona daneyaano taane” iye.

Luqaasi 5:30

Ebich Fariseenaꞌonaa boonoshi guuphinaꞌo tuneti Muusichi Sheeree dojjechinaꞌona “Amoyichiye gabiyee guudeenaꞌonaa axaaxechinaꞌona tookkiꞌi maa uchii ittoshi beeto?” iꞌi Yesuusichi dabbeenaꞌo toommooch guruuxeeheete.

Yowannisi 12:29

Arooch neexeebeeti meeti asheenaꞌo hini qaaroon waayeꞌi, “Xeeyoone gigeebeeto” iyeete. Bareenaꞌoo “Maraakoone biich yibbaateto” iyeete.

Mishiraachechinaꞌo 11:17

Illa Doono Yeeri no mulloon Yesuus Kiristoosi toommooch tooꞌiiti nooch bi immitoommon are wojjoon boonoshich wotta bi imigaata, Yeerin ‘Aakkiya boonoshich immenne?’ getoyich ta koni taane?” iye.

Mishiraachechinaꞌo 22:6

Ebichi hillooch Phawuloosi daakkiꞌi ishichiye: “Hammaa Damaasiqa shagg ta beddemmona, aabee qellayooch, diqq xeeyo xeejja iꞌi waccoommon, shimaayoochee ta guudoona waccii aaxxehe.

Mishiraachechinaꞌo 22:7

Bekkech showooch dihaachaa, ‘Sawulo, Sawulo! Taan ne duꞌiibeeto amoyichiye?’ ii beeti qaaroon waayeho.

Mishiraachechinaꞌo 23:8

Ebiyoo Saduuqeenaꞌo “Qititinaꞌochi timo, maraakoo, ayaanoo aalloone” ii beetinaꞌo boonoshi tunemmona, Fariseenaꞌo wotta “Eboshi bulli beetinaꞌone” iꞌi iberii beetinaꞌo boonoshi tunetoyichiye.

Mishiraachechinaꞌo 25:25

Tunetaa qitooch biin bechemmi xuꞌoon bi toommoochee amoonolla daneyaano taane. Biyoo ‘Roomi taatoo aafooch ta mooyo giddebe’ bi itoyich, arooch daachiiya kuxxoye.

Mishiraachechinaꞌo 26:31

Aroochee kechiꞌi hammiibee, boonoshinaa boonoshina “Hini uro qitoo qayenona cucheyoyich biin bechemmi mooyo amoonolla shuuneyaanoone” iꞌi yibbaateheete.

Mishiraachechinaꞌo 27:23

Ishichii ta beeto, biicho ta tuneti, biichoo ta maddaabeeti Yeeri deejjiti maraakoo yiichi xum ta gaꞌooch neexeꞌi,

Mishiraachechinaꞌo 5:39

Yeer waanee tuneto gaatoo, boonoshin aalliyoon hakkaachote; hini mooyo Yeerina tookkii kaareꞌi koyo ittoshich tunemmone” iye. Ayihudee nallechinaꞌo Gamaleelichi yibbaatoon waayeheete;

Mishiraachechinaꞌo 9:4

Sawuli bekkech showooch dihiichii, “Sawulo, Sawulo! Taan ne duꞌiibeeto amoyichiye?” iibeeti qaaroon waayehe.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

1 Saameeli 12:5

Saameeliyoo “Ebi mooyoyich xalloo ta tunoyich, Doono Yeerinaa bi huuttitona hanaach ittoshi toommooch miixeenaꞌone” iye. Boonoshiyoo “Doono Yeeri miixoone” iyeete.

1 Saameeli 24:17

Biyoo ishichiye: “Neech gondoon ta tuniitaa, ne taach deꞌoon ne tuniitoyich, ne tayee beshi cadiqe asho neene.