Mishiraachechinaꞌo 23:3 - Kafa Linguistics Project

³ Arooba Phawuloosi “Hini booroona dikkeeti duuhocho, Yeeri neen yexaanoon qayaachemmone; kaachi nalliya kotaꞌa tiyaa, ‘Yexote’ iyaꞌa aabichaa nalloon shaaddenne?” iye.

Mishiraachechinaꞌo 23:3 ပူးပေါင်းရင်းမြစ်များ

1 Taateenaꞌo 22:24

Aroochee Kenanaahi bushoo Sedeqiyaasi Mikiyaas waan giddeꞌi, bi gaakkooch tappeechii, “Doono Yeerichi Ayaano neen bi yibbaatiito, ta waanee aabina besheꞌiniye?” iye.

Shoddo 94:20

Dayinnetee dabiyoon tatoommon tuniibeeti, xumme qeejjechinaꞌo neenna tookki ikkotteheete?

Dojjecho 3:16

Wottoo hini showee toommooch dayinneto beeyi bede xaaꞌooch axaaxoo beemon, cadiqee shuunoo beeyi bede xaaꞌooch axaaxoo beemon beeggeho.

Leweenaꞌo 19:15

“ ‘Dayinnetoon dabiiyaahine. Girecho waan gaꞌeyaahine. Gaannechoyichoo bariti oogoon immaahine. Tunebaani neenoommi ne manoyich dayinnetoona nallibe.

Leweenaꞌo 19:35

“ ‘Nalloochaa, qellayoochaa, machoona qoconaa shafiroonoochaa daboon shuuneyaahote.

Amootsi 5:7

Dayinnetoon dabiibeeti, cadiqoon showooch duppiibeeti ittoshich woowo!

Yowannisi 18:24

Aroochee Haanni Yesuusin bi cucheetona qeeshee guudo Qeyaaf waan daachiihe.

Yowannisi 7:51

“Nallecho shiichiꞌi taggeetochi noonoochee waayeyaanoon, amoon bi shuuneto gaata ariyaanoon, ashi toommooch bi nallemmoyich no sheeroo daaggite?” iꞌi echehe.

Mishiraachechinaꞌo 23:4

Phawuloosi gaꞌooch neexeti asheenaꞌo “Yeerichi qeeshee guudoon naaggenne?” iyeete.