Mishiraachechinaꞌo 23:26 - Kafa Linguistics Project

^26-30 “Shatteeti iraashoo Filikisich bede. Iraashoocho, diggoo neech tunebe! “Hini uroon wuxiya Ayihudeenaꞌo yeshaa, Roomi showee asho bi tunoon ariiꞌa, ta naayinaꞌona tookkaa shaggaꞌa wodiihoye. Amee naboona boonoshi taggeto gaata ariiya qaawaꞌa, Ayihudee nallechinaꞌo aafooch giddiito taane. Boonoshi taggeto, ‘No sheeroon tiichitone’ getoyee damba hini uroon qitooch woyee cuyooch bechemmi taggoo aalloone. Ayihudeenaꞌo daggoochee ikkikkeenaꞌo hini uroon wuxoyich boonoshi koceyoon waayaꞌa, bekkech ebichi naboona ne waan daachiito taane. Taggetinaꞌo ne aafooch gidderee, taggebeete. Diggebe. “Taane Qelawudoos Lusiyoosi” ii beetone.

Mishiraachechinaꞌo 23:26 ပူးပေါင်းရင်းမြစ်များ

Luqaasi 1:3

Ebich ta wotta ne doyiti mooyinaꞌo, gibeneetinaꞌo boonoshi tunoon ne ariyemmoyich, hini mooyinaꞌo bullin xepphoochee tiijjii xiishoona boshaa ta beeggetoyee gubb, yaariꞌi neech kooroo gaaweto shaahiꞌi taach bekkehe.

Mishiraachechinaꞌo 15:23

Kooreeti koorichoon boonoshi kishoona daachiiheete; are koorichooch kooreeto ishichii beetone: “Mishiraachechonaa kittinnee guuphi geenoona tuneti ittoshi manoo no, Antsook, Sooriyee showoonaa Kiliqee showoonooch beeti Aagetee asho tuneti kittinnee maneenaꞌon diggoo ii beeto noone.

Mishiraachechinaꞌo 23:24

Phawuloosi yebbemmi haresheenaꞌon qanniibote. Biinoo iraashoo Filikis waan diggoona shakkiibote” iꞌi gettiye.

Mishiraachechinaꞌo 23:25

Koorichoon ishichiꞌi kooriye:

Mishiraachechinaꞌo 23:33

Hareshechinaꞌo Qesaariya shaggii, koorichoon iraashoo Filikisich immiꞌi, Phawuloosin bi aafooch giddiiheete.

Mishiraachechinaꞌo 24:3

Bulli aaboon bulli xaaꞌooch no beeggaa beetonaa no danaa beetona oogichaa emirito noone; ebich neen galletehone.

Mishiraachechinaꞌo 26:25

Tunetaa Phawuloosi ishichiye: “Oogoocho, geyeyaano taane; ta noonoochee kechiibeeti mooyo ceenone; ibere mooyone.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

3 Yowannisi 1:14

Tunetaa katinoon aafoona ciineeree no yibbaatemmoyich gibenaabeeto taane.