Mishiraachechinaꞌo 23:12 - Kafa Linguistics Project

¹² Showoo haraa, Ayihudeenaꞌo daggoochee ikkikkeenaꞌo kiceeꞌi, “Hini Phawuloosin wuxaanoon maayoon tuneba uyoon yeshaachone” iꞌi boonoshi kashoona wogeheete.

Mishiraachechinaꞌo 23:12 ပူးပေါင်းရင်းမြစ်များ

Halloo 37:18

Bi maneenaꞌo Yooseefi boonoshi waan waa bi beetaa wohoochaa beeggiyeete. Boonoshi waan bi shagoyee shiichiꞌi, biin wuxoyich koceebee,

1 Taateenaꞌo 19:2

Elizabeeliyoo, “Ebi keemechinaꞌo toommooch ne tuniitoommon, yaach ebi goora ne toommooch tuniyoo ta qayigaata, nuggisheenaꞌo ta toommooch ebin tuniibeete; ebinoo daakkibeete” iyaꞌa Eliyaas waan wocheyechon daachiihan.

2 Taateenaꞌo 6:31

Taatoo ishichiye: “Shafaaxi bushoo Elisayichi qettoo kucheyaanoon qeyigaata, Yeeri taan eechibe; ta toommoochoo ebin daakkibe” iꞌi miichehe.

Nehimi 10:29

Boonoshi maneenaꞌonaa ogoogeenaꞌona ikkotteꞌi, Yeeri guuno Muusina icheti Yeerichi sheeroon ceechoyich, no Doono Yeerichi getoon, qociyoonaa doyoo bullinon deꞌa getoyich maxxaaree, ishichiꞌi wogoon giyiyeete:

Asteeri 2:22

Mordokiyoosiyoo ebi mooyon waayeꞌi hammii, gennee abeeti Asteerich gettiye; biyoo Mordokiyoosi shigoona taatoo Yekisesich gettahan.

Shoddo 31:13

Meeti asheenaꞌochi shaashikkoon waayehoye; bulli boochoona keqqoo beetone; ta toommooch boonoshi koceehooba, ta kasheen aalliyoyich koceeheete.

Erimiyaasi 11:19

Tunebaani guureyooch hammiibeeti bagee baaddoon shaahiyo; boonoshiyoo “Mixon bi aafoona tookki dichibone; ebiyee bekk bi shigo shalligeyaachemmoyich, kashechinaꞌo beeti showoochee aalliibone” iꞌi ta toommooch boonoshi koceeton ta ariyaano taane.

Erimiyaasi 44:25

Israꞌeelee Nuggishoo, Beshe Mawe Doono Yeeri ishichiye: Ittoshinaa ittoshi mecheenaꞌona ittoshi noonoona ‘Shimaajji taateyich ixaanoon shoohonaa uyee buuroon ukkoonoyich no mookketon ceechemmo noone’ ittoshi iton ceechito ittoshine. Illa ittoshi mookkoon kupphiibote; ittoshi mookkoon ceechibote!

Leweenaꞌo 27:29

“ ‘Qitibe, getteeti asho koniyoona biisheyaachemmone; wuxaa aallebe.

Maatiyoosi 26:4

Yesuusin maroona yechiyoyich, wuxiyoyichoo echeeheete.

Maatiyoosi 26:74

Arooba Pheexiroosi “Are uroon ariyaano taane” iꞌi bi kashoon uppii wogehe. Bekkech baakkoo kuukkiye.

Maatiyoosi 27:25

Asheenaꞌo bulli wochiꞌi, “Bi damoo noonnaa no bushiishoonochi toommooch tunebe” iyeete.

Mishiraachechinaꞌo 23:13

Ebin koceetinaꞌo aabbe ashoyee besheenaꞌone.

Mishiraachechinaꞌo 23:14

Boonoshiyoo qeeshee ukkireenaꞌonaa showee geeneenaꞌona waan hammiꞌi, “ ‘Phawuloosin wuxaanoon amoonolla maataachone’ iyaꞌa no kashoona wogeto noone.

Mishiraachechinaꞌo 23:21

Wotta aabbe ashoyee besheenaꞌo ‘Biin wuxaanoon maayoon tuneba uyoon yeshaachone’ iꞌi boonoshi kashoona wogeꞌi, gommooch ottii quyee beetinaꞌone. Andoo boonoshi qanniꞌi quyeebeeto, ne noonoochee kechemmi mooyon baachiye. Illa ne boonoshich deꞌa gettaahine” iye.

Mishiraachechinaꞌo 25:3

Fisxoosich ishichiyeete: “Phawuloosin ceekkiiree hini Yerusaalem deebona noon gaachebe” iꞌi qolleheete. Ishichii boonoshi iti naboo, gommoochaa quyeꞌi wuxoyich boonoshi gabitoyichiye.

Mishiraachechinaꞌo 9:23

Meeti areddoyee gubb Ayihudeenaꞌo Sawulin wuxiya echeeheete.

Mishiraachechinaꞌo 9:24

Sawuli boonoshi echeyoon waayehe. Boonoshiyoo Sawulin wuxiya xumoonaa areddoonon katemee kelloon manjiiꞌi quyee beeheete.

1 Qorontoosi 16:22

Doono Yesuusin shunaano koniyoona bi beegaata, aroo uppeto tunebe! No Doonocho, kaate wotteree wobe!

2 Qorontoosi 11:26

Wodde wottoon gommi shaꞌoona beeho; “Aaco taan maayemmone” immi keqqoona, “Bokkeenaꞌo taan wuxemminaꞌone” immi keqqoona, “Ta yoodeenaꞌo tuneti Ayihudeenaꞌo taan wuxemminaꞌone” immi keqqoona, “Aageteenaꞌo taan wuxemminaꞌone” immi keqqoona, katemeexi keqqoona, baraheexi keqqoona, bahareexi keqqoona, koote kittinnee maneenaꞌo waanee tuneebeeti mooyona keqqoona, beeho.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

Yaasi 6:26

Arooba Yaasi ishichiꞌi callehe: “Hini Yaariki katemoon wochinnoon shuunemmo koniyoona Doono Yeeri aafooch uppeton tunebe. Katemoon shuuneya bi baashihooba, bi gutenee bushoo qitemmone; katemee kellooch shaaqqoon bi xogihooba, guuche ciire bi bushoo qitemmone” iye.

Yaasi 7:1

Tunebaani timeeti mooyon aalliyoo qayona Israꞌeeleenaꞌo Doono Yeerich gibeneyoon qajjiyeete. Yihudi yoodoochee tuneti, Zaari bushoo, Zabidi bushoo, Karimi bushoo Akaani timeeti mooyoochee bi daammitoyich, Doono Yeeri kaaro Israꞌeeleenaꞌo toommooch aaxxehe.

Yaasi 7:15

Ebi timeeti mooyo bi waanee danemmi asho, Doono Yeeri ta wogoon bi shaaddetoyich, Israꞌeelee daggoochoo yeelliiti mooyon bi tuniitoyich, biinnaa biicho tuneto bullina qaaqqooch gokkemmone’ gete” iye.

1 Saameeli 14:24

Arooba Israꞌeeleenaꞌo maraateheete. Boonoshi maraateto, Saaꞌooli “Ta etteenaꞌo toommooch nichoon ta gaacaan beetaa, hanaach xumemmi wottoon, maayoon maammi asho uppeton tunebe” iꞌi asheenaꞌon bi wogiitoyichiye. Ebich boonoshi daggoochee bi noonooch maayoon bechito koniyoona aalloone.