Mishiraachechinaꞌo 22:14 - Kafa Linguistics Project

¹⁴ “Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone.

Mishiraachechinaꞌo 22:14 ပူးပေါင်းရင်းမြစ်များ

2 Taateenaꞌo 21:22

Bi qaabbechinaꞌochi Nuggishoo Doono Yeerin qajjiye; Doono Yeerichi gommona hamon qajjiye.

1 Kiinoo 12:17

Daawitiyoo boonoshina daneya hammiꞌi, boonoshich ishichiye: “Ittoshi waato taan gaacheya diggoyich bi tunegaata, ta mulloon ittoshich immemmo taane. Tunebaani ta etteenaꞌoyich beshiiꞌi taan imoyich waato ittoshi tunegaata, xuꞌo ta kishooch aallo bi tunetoyich, no qaabbechinaꞌochi Nuggishoo ciine; ittoshi toommoochoo nallibe” iye.

1 Kiinoo 29:18

No qaabbechi Abrahami, Yisaaqinaa Israꞌeelinochi Nuggishoo Doono Yeero, ebi gaboo bulli yemeenoon ne asheenaꞌo mullooch bi beeyemmon tuniibe; boonoshi mulloonoo ne waan wochibe.

2 Kiinoo 28:25

Yihudee katemoo bulliich bare nuggisheenaꞌoyich ixaano shookkeyemmi geppeexi goyinnee xaaꞌeenaꞌon shuunehe. Ebina bi qaabbechinaꞌochi Nuggishoo Doono Yeerin ippiihe.

Iziri 7:27

Yerusaalem beeti Doono Yeerichi kexo ebiyoommon bi gaawemmoyich, ebiyoommi mooyon taatoochi mullooch kotiiti, taatoo aafooch, bi mikkirechinaꞌonaa hakkechi bi naayinaꞌo bullinochi aafoochoo bi ariqqoon taach bekkiiti, no qaabbechinaꞌochi Nuggishoo Doono Yeeri diireebe. Tawoo, ta Nuggishoo Doono Yeeri gaawe aafoona taan bi ciinnitoyich, kuppheho; Israꞌeeleenaꞌo daggoocheenoo yaree ukkireenaꞌo taanna tookki boonoshi hammemmoyich kiciyo.

Keyo 15:2

Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Erimiyaasi 1:5

“Ne indee maacooch neen ta halloyee shiichaa neen ariito taane; ne shiijjoyee shiichaa neen yaafito taane; aageteenaꞌoyich keemecho neen tuniito taane” iye.

Daaneeli 2:23

Ta qaabbechinaꞌochi Nuggishoocho, neen galletoye; neen oogiihoye. Newoo taach shalligoonaa giidoonon immeto neene; neen no qolleti mooyon taach arichiito neene; taatoyich no wochemmi mooyon nooch arichiito neene” iye.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Mishiraachechinaꞌo 13:17

Hini Israꞌeeleenaꞌo goyinneebeeti Nuggishoo no qaabbechinaꞌon kaacciye. Boonoshiyoo Gibits dallaawittinoona boonoshi beetaa, boonoshi meettemmonaa giidemmonoyich tuniihe; wotta giidechi bi mochoona aroochee boonoshin kichiye.

Mishiraachechinaꞌo 22:15

Ebin bi tuniito, ne beeggetonaa ne waayetonoyich asho bulli aafooch bi miixoo ne tunemmoyichiye.

Mishiraachechinaꞌo 22:18

Doono Yesuusi taach bekkeꞌi ishichiye: ‘Kaateree Yerusaalemee keye; hini katemooch beetinaꞌo taachon ne miixaa beeton waayeyaachemminaꞌone’ iye.

Mishiraachechinaꞌo 24:14

Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane.

Mishiraachechinaꞌo 26:16

And tiyiree ne baatoona neexebe. Neech ta bekketi naboo, taach ne maddemmoyich, wotta taan ne beeggeti mooyona, neechoo ta bekkiyemmi mooyona ta miixoo ne tunemmoyichiye.

Mishiraachechinaꞌo 5:30

Mixooch yooddiiꞌi ittoshi wuxiiti Yesuusin no qaabbechinaꞌochi Nuggishoo qitoochee tiijjitone.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Mishiraachechinaꞌo 9:17

Ebich Hanaani hammiꞌi are kexooch giyiye; Sawuli toommooch bi kishoon kotiiꞌi, “Ta manoo Sawulo! Wochinnoon ne aafo ciinnemmonaa Yaafe Ayaanoona ne ceennemmonoyich, ne waan Doono taan deejjitone. Biyoo hiniich ne waa beetaa, gommoochaa neech bekketi Yesuusine” iye.

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

1 Qorontoosi 11:23

Doono Yesuusi taach bi immiton, ta wotta ittoshich beshii ta immeti doyoo ebine: Doono Yesuusi beshiitaa bi ichemmi aroobee xum koshon tiijjiye;

1 Qorontoosi 15:3

Wotta taach icheti bulliyee beshe mishiraachee qaaroon beshii ittoshich immeto taane. Ebiyoo Yaafe Macaafooch bi kooreetoommon, Kiristoosi no axaaxoyicha iꞌi qitiye; duukkehe; Yaafe Macaafooch bi kooreetoommon, keejje qemooba qitoochee tiyiye.

1 Qorontoosi 15:8

Ciiroochaa hini gitto tuneti taach wotta bekkehe.

1 Qorontoosi 9:1

Konichona hajjeyaani xalle asho toono taane? Mishiraachecho toono taane? No Doono Yesuusin ta hajjee aafoona beegaano taane? Ittoshi wotta Doono Yesuusi taanna bi shuuneti shuunee aafo ittoshi toone?

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 1:12

Yesuus Kiristoosi taach bekkiitoani, ashi waanee ta daneto toonoone; asho koniyoona taach dojjaanoone.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

2 Ximootiyoosi 1:1

Kiristoos Yesuusina daneti kasheechi gibenee wochoon bechiya, Yeeri daaggaa Kiristoos Yesuusichi mishiraachecho tuneti Phawuloosi waanee,

Titoosi 1:1

Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:

1 Pheexiroosi 2:22

Biyoo axaaxoon shuuneyaanoone; kooto bi noonoochee keyaanoone;

1 Yowannisi 2:1

Ta shuni bushiisheenaꞌote! Hinin ittoshich ta kooraabeeto, axaaxoon ittoshi shuuneyaachemmoyichiye; tunetaa no daggoochee koniyoona axaaxoon bi shuunegaata, no keroyich shoobbecho Nihoo Yeeri aafooch beetone; biyoo cadiqe Yesuus Kiristoosine.