Mishiraachechinaꞌo 21:5 - Kafa Linguistics Project

⁵ Tunebaani no hammemmi aabo bedaa hammehon; kittinneenaꞌo bulli boonoshi maachoonaa bushiishoona tookkii katemoyee maach beddaahaa noon deenniyeete. Baharee gashooch gutenaꞌa no corootitoyee gubb,

Mishiraachechinaꞌo 21:5 ပူးပေါင်းရင်းမြစ်များ

1 Taateenaꞌo 8:54

Solomooni ebi bulli corootoonaa qolloonon Doono Yeerich giddii bi ciichitoyee gubb, bi kishoon shimaayooch yaggiꞌi bi guteneti, Doono Yeerichi deejjee gudee aafoochee tiyiye.

2 Kiinoo 20:13

Yihudee asheenaꞌo bulli boonoshi mecheenaꞌona, boonoshi bushiisheenaꞌonaa gaggereenaꞌona tookkii Doono Yeeri aafooch neexee beeheete.

Nehimi 12:43

Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Shoddo 95:6

Ittoshi waataa yitiree biich goyinnebone; noon halliti Doono Yeeri aafooch gutenebone.

Maatiyoosi 14:21

Genneenaꞌonaa bushiisheenaꞌona haddeyaanoon koshon maatinaꞌoochee doonjeenaꞌo baach uuche hum bedeenaꞌone.

Maariqoosi 1:40

Ebichi hillooch qeddee shaddee biiyechi uro Yesuus waan waa guteneꞌi, “Ne daaggigaata, taan wodiyoon hakkihine” iꞌi qollehe.

Luqaasi 22:41

Biyoo boonoshiyee xaqqee awur bedoon wokkiꞌi guteneechii,

Mishiraachechinaꞌo 15:3

Ebich hini kaachetinaꞌon kittinnee guuphi asheenaꞌo deennii Yerusaalem daachiiheete. Boonoshiyoo hammii Finqee showoonaa Shamaaree showoonon besheebee, Aageteenaꞌo Yeer waan wottoon gettiyeete. Kittinnee maneenaꞌo ishin waayeꞌi oogichii emiriyeete.

Mishiraachechinaꞌo 17:10

Xum bekkech kittinnee maneenaꞌo Phawuloosinaa Sillaasinon Beeriya daachiiheete. Boonoshiyoo arooch shaggiꞌi, Ayihudeenaꞌo kiceebeeti kexooch giyiyeete.

Mishiraachechinaꞌo 20:36

Ebiyee gubb, Phawuloosi boonoshi bullina tookkii guteneꞌi corootiye.

Mishiraachechinaꞌo 20:38

oogichii boonoshi ayinito, “Ebiyee gubb ta aafoon beegaachemmo ittoshine” bi itoyichiye. Aroochee markabooch bi kechimmi wottoon deenniyeete.

Mishiraachechinaꞌo 9:40

Aroochee Pheexiroosi bullin maach kichiichii, guteneꞌi corootiye. Bi corootitoyee gubb, dubeno waan wotteꞌi, “Xaabbite, tibe” iye. Bekkech bi aafoon gaxxiyan; Pheexiroosin ciinnaꞌa tiyaa kotahan.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.

Yaasi 8:35

Yaasi maacheenaꞌo, nallefeenaꞌo, Israꞌeelee iiteenaꞌo bullinaa boonoshi daggooch beeti shiqqeenaꞌonochi aafoochaa shemmehe. Muusi gettiti sheeree qaaroochee ikkoonolla echiyaanoone.