Mishiraachechinaꞌo 21:40 - Kafa Linguistics Project

⁴⁰ Hume ginee iraashoo daaggaa, Phawuloosi boonoshi kaambooch kichiibeeti daqqooch kechii neexeechii, kishee malletoona asheenaꞌon ellebote iye. Asheenaꞌo shashewimiꞌi elleheete. Aroo Hibiree noonoona ishichiꞌi yibbaatehe:

Mishiraachechinaꞌo 21:40 ပူးပေါင်းရင်းမြစ်များ

2 Taateenaꞌo 9:13

Aroochee boonoshi bulliyona afaafinoona boonoshi iddimoon daammii, bi shaaddeebeeti daqqellooch yaggiyeete; tiroonoo huggiꞌi, “Yehi taatetone” iꞌi awaajjiyeete.

Luqaasi 23:38

Wotta “Hini Ayihudeenaꞌochi Taatoone” ii beeto kooraa biyee tookk xogeetone.

Yowannisi 19:13

Phelaaxoosi ishin waayeꞌi Yesuusin maaxooch kichiye; aroochee Xaqqee Godo getteebeeti, woyee Hibiree noonoona Gabeta getteebeeti xaaꞌooch beeti nallee gabberooch kotehe.

Yowannisi 19:17

Aroochee Yesuusin yechiꞌi daammiyeete; bi yooddeyemmi masqaloon shaaggii katemoochee kechiꞌi Qellee Koofee Xaaꞌoo woyee Hibiree noonoona Golgooti gettee beetooch shaggiye.

Yowannisi 19:20

Yesuusi yooddeti xaaꞌoo Yerusaalem katino bi tunetoyich, Ayihudeenaꞌo daggoochee meetinaꞌo hini are kooreeton shemmeheete; bi kooreetoo Hibiree noonoona, Roomee noonoonaa Giriikee noonoonane.

Yowannisi 5:2

Yerusaalem, Bageenaꞌochi Kellee gaꞌooch Hibiree noonoona Beetisayidi getteebeeti ikke kote aaco beehe; uuche bashoo (yambaaro) bi guudoona beehe.

Mishiraachechinaꞌo 1:19

Hini mooyo Yerusaalem beetinaꞌo bullich waayeehe. Ebich are showoo boonoshi noonoona Akalidami getaa shigehe. Ebi getoo Damee Showoo getone.

Mishiraachechinaꞌo 12:17

Tunetaa Pheexiroosi kishee malletoona yibbaateyaahote iꞌi tiyii, Doono cuyee kexoochee aabichiꞌi biin bi kichito gaata boonoshich gettiye. “Ebin Yaaqobinaa bare kittinnee maneenaꞌonoyich getote” iꞌi boonoshich gettiichii, aroochee kechii bare xaaꞌooch hammiye.

Mishiraachechinaꞌo 13:16

Ebich Phawuloosi tiyiꞌi kishee malletoona ellebote bi itoyee gubb, ishichiye: “Hini Israꞌeeleenaꞌote, wotta Yeerich hajjeebeeti Aageteenaꞌote, waayebote!

Mishiraachechinaꞌo 19:33

Arooch beeti Ayihudeenaꞌo Iskindiroosin xuqqiꞌi aaf kichiyeete; asheenaꞌo daggoochee ikkikkeenaꞌo “Ebinaa ebinon gete” iꞌi bi toommooch cookeeheete. Biyoo kechiꞌi asheenaꞌo ellemmoyich kishoona malleteꞌi taggooch qaawiye.

Mishiraachechinaꞌo 21:35

Phawuloosin boonoshi beetooch kichiibeeti daqqooch boonoshi shakkii beetaa, dofee asheenaꞌo biin wuxiya oogichii boonoshi xuꞌeetoyich, ginee naayinaꞌo shaageꞌi daammiyeete.

Mishiraachechinaꞌo 22:2

Boonoshi Hibiree noonoona bi yibbaatetaa waayeꞌi, aafichoyee beshoon shashewimiꞌi elleheete. Biyoo ishichiye:

Mishiraachechinaꞌo 26:14

Areegaata no bulli showooch dihaꞌa no beetaa, Hibiree noonoona ‘Sawulo, Sawulo! Taan ne duꞌiibeeto amoyichiye? Guxechi gumboon ne qafo neech beshe iritoon deebemmone’ immi qaaroon waayeho.

Mishiraachechinaꞌo 6:1

Aroobee yemeenooch Yesuusichi dabbeenaꞌo meettii meettii boonoshi qeyimmona, Giriikee noonoon yibbaateebeeti Ayihudeenaꞌo Yihudee showooch shiijjeti Ayihudeenaꞌo toommooch guruuxiyeete. Ebiyoo qemi qemona boonoshi deggiibeeti degoochee Giriikee noonoon yibbaateebeeti xuume maacheenaꞌoyich boonoshi guutiitoyichiye.

Yaaꞌoo 16:16

Hini are yinneenaꞌo showee toommeexi taateenaꞌon Hibiree noonoona Arimagedooni getteebeeti xaaꞌooch kiciyeete.

Yaaꞌoo 9:11

Boonoshichoo taatoo beetone; are taatoo oppee hoonee maraakoone; bi shigoo Hibiree noonoona Abaadooni, Giriikee noonoona Apholiyooni getteehe.