Mishiraachechinaꞌo 21:31 - Kafa Linguistics Project

³¹ Phawuloosin wuxiya boonoshi qiiccee beetaa, “Yerusaalem bulli shuurii beete” immi woroo hume ginee iraashoyich shaggiye.

Mishiraachechinaꞌo 21:31 ပူးပေါင်းရင်းမြစ်များ

1 Taateenaꞌo 1:41

Adoniyaasinaa bi ceeggiti asheenaꞌona gifiroon maa uchii ciicha boonoshi bedooch, ebin waayeheete. Yoꞌaabiyoo tiree qaaroon waayeꞌi, “Katemoochee waayeebeeti, ebi dullee qaaro, amoone?” iye.

Maatiyoosi 26:5

Tunetaa “Hini baaree aaboona tunaaye; asheenaꞌo kaaroon tiijjemminaꞌone” iyeete.

Maatiyoosi 27:27

Arooba iraashoochi ginee naayinaꞌo Yesuusin iraashoochi kibbooch daammiyeete. Echeti boonoshi guuphinaꞌo bullin bi beetooch ceeggii kiciyeete.

Maariqoosi 14:2

Tunetaa “Hini baaree aaboona tunaaye; asheenaꞌo kaaroon tiijjemminaꞌone” iyeete.

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Yowannisi 18:12

Arooba hume ginee iraashoonaa bi ginee naayinaꞌona Ayihudee yaafee kechi kellechinaꞌona tookkii Yesuusin yechii cuchiyeete;

Mishiraachechinaꞌo 10:1

Arooba Qesaariyi katemooch Qorineloosi getteebeeti ikke uro beehe. Biyoo Xaaliyaanee ginee naayinaꞌochi guuphi daggooch balle ginee iraashoone.

Mishiraachechinaꞌo 17:5

Tunetaa Ayihudeenaꞌo qanaatoona tiyiꞌi, shuuna biisheenaꞌon gabiyoochee daneꞌi, meeti asheenaꞌon boonoshi hillooch kiciꞌi, katemoon shuurikkiyeete. Phawuloosinaa Sillaasinon asheenaꞌo waan kichoyich qaawiꞌi, Yaasoonichi shaaqqoon tiichii giyiyeete.

Mishiraachechinaꞌo 19:40

Ebiyee ‘Hanaach hukkoon tiijjitinaꞌo boonoshine’ getaa no taggeyaachemmoyich shatteto taane. ‘Hini cangecho amoona tiyiye?’ getaa no echee gaata, no wochemmi noonoo nooch aalloone” iye.

Mishiraachechinaꞌo 21:38

Ebiyee aaf hukkoon tiijjaꞌa, awudde hume bokkeenaꞌon yechaꞌa barahooch giyeti Gibitsee asho ne toone?” iye.

Mishiraachechinaꞌo 22:22

Phawuloosi Aageteenaꞌochon tiijjiꞌi bi gettimmi wottoon, asheenaꞌo bi yibbaatoon waayee beeheete; ebin waayeꞌi bekkech boonoshi qaaroon oogichiꞌi, “Ebiyoommi uro showee toommoochee aallebe! Ebiyoommi uro kashoona beeyi bedaache!” iibee cookeeheete.

Mishiraachechinaꞌo 23:17

Phawuloosiyoo balle ginee iraasheenaꞌo daggoochee ikkoon ceeggiꞌi, “Hini bushoo hume ginee iraashoyich bi gettemmi mooyo beetone; daamiree biinna daniibe” iꞌi gettiye.

Mishiraachechinaꞌo 24:22

Filikisi Doono Yesuusichi gommon gaawichii ariibeeti uroone; biyoo “Hume ginee iraashoo Lusiyoosi waahooba, ittoshi mooyon ciichemmo taane” iꞌi Ayihudeenaꞌon daachiihe.

Mishiraachechinaꞌo 24:6

Yaafee kexon wotta eeꞌiyoyich bi qiiccee beetaa yechehone. [No sheeree doyoona nalloyich qaawiyone;

Mishiraachechinaꞌo 24:7

tunebaani hume ginee iraashoo Lusiyoosi waaꞌi, giidoona no kishoochee boggii daammiye.

Mishiraachechinaꞌo 25:23

Dechara taatoo Agripphinaa bi mechee Bariniiqina asheenaꞌona deenneeꞌi, ginee iraasheenaꞌonaa katemeexi ogoogeenaꞌona tookkii waa moochi waayoyich, asheenaꞌo kiceebeeti kexooch giyiyeete. Aroyee gubb Fisxoosi Phawuloosin wochiihe.

Mishiraachechinaꞌo 26:21

Ebichi naboona Ayihudeenaꞌo yaafee kechi daggooch ta beetaa, taan yechiyeete; wuxoonoo qaawiyeete.