Mishiraachechinaꞌo 21:3 - Kafa Linguistics Project

³ Qoophiroosin ciinnaabee, aroon no yooche badd duppaachaa Sooriyee showooch hammehon; markabooch minjeeti qiico Xiroos kindemmo bi tunetoyich arooch hammehon.

Mishiraachechinaꞌo 21:3 ပူးပေါင်းရင်းမြစ်များ

2 Saameeli 8:6

Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

Shoddo 45:12

Xiroosee asheenaꞌo wojjoon neech deebemminaꞌone; gaannechinaꞌoo gaawe aafoona boonoshin ne ciinnemmoyich qaawemminaꞌone.

Shoddo 87:4

Gibitseenaꞌonaa Baablooneenaꞌonon, Filsixeemeenaꞌo, Xirooseenaꞌonaa Topphiyeenaꞌonon, taan ariibeeti asheenaꞌona tookki koberemmo taane; eboshi bulli, “Tsiyooneeniye boonoshi shiijjeto” getteyemmone.

Isiyaasi 7:2

Daawitichi yareenaꞌoyich, “Sooriyeenaꞌonaa Efreemichi yareenaꞌona guuphitinaꞌone” getaa getteehe. Ebich Akaazinaa bi asheenaꞌonochi mullo keqqoona, yongo shuurikkiibeeti kubbi mixon shaahiye.

Maatiyoosi 11:21

“Koraziine, neech woowo! Beetisayide, neech woowo! Ittoshich bekketi gaakkechi shuunoo Xiroosinaa Sidooninoyich bi bekketo gaata, wonna dookoon tahe tulloon boonoshi toommooch shahiree, axaaxee gommoochee Yeer waan wotteshinaꞌone.

Maatiyoosi 4:24

Arooba bi mooyo Sooriyee showoo bulliich waayeehe. Ebich asheenaꞌo baribare biiyoonaa xuuxoona xuuxeꞌi beetinaꞌo bullin, yinno boonoshi toommooch beetinaꞌon, duppiibeeti biiyechinaꞌon, boonoshi ashittino qititinaꞌon eboshi bullin bi waan deebiyeete; boonoshinoo Yesuusi wodiihe.

Luqaasi 10:13

“Koraziine, neech woowo! Beetisayide, neech woowo! Ittoshich bekketi gaakkechi shuunoo Xiroosinaa Sidooninoyich bi bekketo gaata, wonna dookoon tahe tullooch koteree, axaaxee gommoochee Yeer waan wotteshinaꞌone.

Luqaasi 2:2

Ebiyoo Qerenoosi Sooriyee showooch iraashoo tunee bi beehooba, batti batt ashi shigo haddeeꞌi kobereehe.

Mishiraachechinaꞌo 11:19

Isxifanoosi qitiyooba, tiyiti duꞌoona shaceti Yesuusichi asheenaꞌo Finqa, Qoophiroosinaa Antsookinooch beddaahaa hammiyeete; boonoshiyoo Yeerichi qaaroon Ayihudeenaꞌo ikkeetinaꞌoyichani bare asho konichona getaaneenaꞌone.

Mishiraachechinaꞌo 12:20

Ebiyee aaf Xiroosi asheenaꞌonaa Sidooni asheenaꞌonon oogichii kaaretone. Ebich and ikke mullo tuneꞌi tiyii, shiichii taatoochi gabberechi Filatuus waan waaꞌi, “Noon geenebe” iꞌi boonoshi qolletaa, boonoshich deꞌa iye. Ebina taatoo waan hammiꞌi, shunebone ii qolleheete. Shunoyich boonoshi qaawiti naboo, taatoo Heroodisi beeti showoo maayoon kemeꞌi boonoshi daammiibeeti showoo bi tunetoyichiye.

Mishiraachechinaꞌo 13:4

Ebich Barnabaasinaa Sawulina Yaafe Ayaanoona wocheeꞌi baharee gashooch beeti Seleeqi katemooch hammiyeete. Aroochee markaboona Qoophiroos hammiyeete.

Mishiraachechinaꞌo 15:23

Kooreeti koorichoon boonoshi kishoona daachiiheete; are koorichooch kooreeto ishichii beetone: “Mishiraachechonaa kittinnee guuphi geenoona tuneti ittoshi manoo no, Antsook, Sooriyee showoonaa Kiliqee showoonooch beeti Aagetee asho tuneti kittinnee maneenaꞌon diggoo ii beeto noone.

Mishiraachechinaꞌo 15:39

Ebich kaareꞌi shaceheete. Aroochee Barnabaasi Maariqoosin yechii markaboona Qoophiroos hammiye.

Mishiraachechinaꞌo 15:41

Biyoo Sillaasina tookkii kittinnee guuphinaꞌo kiceebeeti xaaꞌoo bulliich hammii shaggii boonoshin kupphiibee, Sooriyee showoonaa Kiliqee showoonon beshee beehe.

Mishiraachechinaꞌo 18:18

Ebiyee gubb, Phawuloosi Qorontoos meeti aaboon kotehe; aroochee kittinnee maneenaꞌon diggiiꞌi Phirisqilinaa Aqilina tookkii Sooriyee showooch markaboona hammiye. Yeerich bi mookketoyich, bi hamoyee shiichiꞌi Kenkiriyi katemoochaa bi qelloon cakkehe.

Mishiraachechinaꞌo 21:16

Qesaariyee kittinneenaꞌo daggoochee ikkikkeenaꞌo noonna tookkii hammiyeete; boonoshiyoo arooch no kashemmoyich, Qoophiroosechi Minasooni kexooch noon daammiyeete; biyoo shiichiꞌi Yesuusichi dabboo tunetinaꞌo daggoochee ikkoone.

Mishiraachechinaꞌo 21:2

Aroochee Finqee showooch kimmiibeeti markaboon danaa kechaꞌa hammehon.

Mishiraachechinaꞌo 21:7

Are Xiroosee tiyaꞌa baharee gommon hammaabee, Xolemaas shaggehon; arooch beeti kittinnee maneenaꞌon danaa diggiiꞌa boonoshi waan ikke qemon qeyehon.

Mishiraachechinaꞌo 27:4

Aroochee tiyaꞌa yongo no toommooch bi yongetoyich, Qoophiroosina degeebee no gommon yechehon.

Mishiraachechinaꞌo 4:36

Arooba Qoophiroos shiijjeti, Yooseefi getteebeeti ikke Lewee asho beehe. Mishiraachechinaꞌo biinoo Barnabaasi iꞌi shigiiheete; ebiyoo Goggiyee Bushoo getone.

Woraaferasheenaꞌo 10:6

Israꞌeeleenaꞌo wochinnoon Doono Yeeri aafooch axaaxoon shuuneheete. Baꞌaaleenaꞌonaa Ashitarooteenaꞌonoyich, wotta Sooriyee showee nuggisheenaꞌoyich, Sidoonee showee nuggisheenaꞌoyich, Moꞌabee showee nuggisheenaꞌoyich, Amoonee showee nuggisheenaꞌonaa Filsixeemee showee nuggisheenaꞌonoyich goyinnee maddeheete. Doono Yeerin qajjiꞌi biich goyinnee maddoon neechiyeete.