Mishiraachechinaꞌo 21:27 - Kafa Linguistics Project

²⁷ Asheenaꞌo xallemmi shabaatte qemo ceenn beddaahaa, Isiyee showoochee waati Ayihudeenaꞌo Phawuloosi yaafee kexooch bi beemon beeggiꞌi, asheenaꞌo bullin haachishii Phawuloosi toommooch tiijjiꞌi biin yechiyeete.

Mishiraachechinaꞌo 21:27 ပူးပေါင်းရင်းမြစ်များ

1 Taateenaꞌo 21:25

Bi mechee Elizabeeli biin shuurikkaa, Doono Yeeri aafooch gonde mooyon shuunoyich bi qelloon kemmiti, Akaabiyoommi asho aalloone.

Haddoo 19:11

“Ashi dubenoon yechito, shabaatte qemi wottoon eeꞌo tunemmone.

Haddoo 6:13

“ ‘Illa bi bariti aabo ciirehooba, Naaziroochi qociyoo ebine: Danee duukkaanee kellooch gidderee,

Haddoo 6:9

“ ‘Asho bi gaꞌoochaa diqqoona qitaa yaafeeti bi qelloon bi eeꞌiigaata, bi xalleebeeti aabooba, ebi geto shabaattinnee qemooba, bi qelloon cakkebe.

Luqaasi 21:12

“Tunebaani ebi bulliyee shiichiree, ta naboyich ittoshin yechemminaꞌone; duuꞌiyemminaꞌone; Ayihudeenaꞌo kiceebeeti kechi nallechinaꞌoyich ittoshin beshiiree immemminaꞌone; boonoshiyoo ittoshin cuchiyemminaꞌone; taateenaꞌonaa iraasheenaꞌonochi aafoochoo ittoshin neechemminaꞌone.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 14:19

Arooba ikkikke Ayihudeenaꞌo Fesidee showooch beeti Antsooki katemoonaa Iqooniyooni katemoonoochee tiyiꞌi, Lisxiri katemooch waaheete; asheenaꞌon kocciꞌi Phawuloosin xaqqoona yexxiyeete. Boonoshich qitito bi shaahaa, katemoyee maach geechii kichii duppiyeete.

Mishiraachechinaꞌo 14:2

Tunebaani ebin qajjiti Ayihudeenaꞌo Aageteenaꞌon kocciꞌi, boonoshi mulloon Yesuusi toommooch tooꞌiiti asheenaꞌon oogichi boonoshi shixxemmoyich tuniiheete.

Mishiraachechinaꞌo 14:5

Arooba Aageteenaꞌonaa Ayihudeenaꞌona boonoshi ukkireenaꞌona tookkii tuneꞌi, Phawuloosinaa Barnabaasinon iritiyoonaa xaqqoona yexonoyich koceeheete.

Mishiraachechinaꞌo 16:6

Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

Mishiraachechinaꞌo 17:13

Tunetaa Tasaloonqa beeti Ayihudeenaꞌo Phawuloosi Beeriya hammiꞌi Yeerichi qaaree geton ariiꞌi, are katemooch wotta hammiꞌi dofee asheenaꞌon shuurikkiyeete.

Mishiraachechinaꞌo 18:12

Arooba Gaaliyoosi Akaayee showee iraashoo tuneꞌi bi beetaa, Ayihudeenaꞌo ikkotteꞌi waa Phawuloosin yechiyeete. Nallee gabberooch koteti nallechinaꞌo waan daammiyeete.

Mishiraachechinaꞌo 2:9

No Faaritee, Meedee, Elaamee, Mesopotaamee, Yihudee, Qephadooqee, Faantoosee, Isiyee,

Mishiraachechinaꞌo 20:19

Ayihudeenaꞌo kiceeꞌi ta toommooch boonoshi deebiti iritoona, bulli mooyoyich ta qelloon yeephaanoon acimoona Doono Yesuusichi wochee bushoo tunaꞌa biich shuuneho;

Mishiraachechinaꞌo 24:11

Yeerich goyinneya Yerusaalem ta hammeto, hanaach aaraa gutte qemoyee beshee bi qayon xiishoo hakkihine.

Mishiraachechinaꞌo 24:18

Xallaꞌa tiyaa yaafee kexooch giyaꞌa, ebin ta tuniyaa beetaa shaggiyeetani, asheenaꞌon kicaano taane; boonoshi dullemmoyich tuniyaano taane.

Mishiraachechinaꞌo 26:21

Ebichi naboona Ayihudeenaꞌo yaafee kechi daggooch ta beetaa, taan yechiyeete; wuxoonoo qaawiyeete.

Mishiraachechinaꞌo 4:3

Ebichi naboona Pheexiroosinaa Yowannisinon yechiyeete; areegaata showoo xumetoyich, harimmi wottoon cuyee kexooch qeejjiyeete.

Mishiraachechinaꞌo 5:18

Boonoshinoo yechiꞌi, cuyee kexooch cuchiiheete.

Mishiraachechinaꞌo 6:12

Ebichi gommona asheenaꞌon, geeneenaꞌonaa Muusichi Sheeree dojjechinaꞌonon ippiiheete. Boonoshiyoo hammii Isxifanoosin yechiꞌi, kiceeti Ayihudee nallechinaꞌo waan deebiyeete.

Mishiraachechinaꞌo 6:9

Arooba Qereni katemoonaa Iskindiri katemoonoochee, Kiliqee showoonaa Isiyee showoonoochee waati Ayihudeenaꞌo Guuchittinoochee Kechiti Ayihudeenaꞌo Kiceebeeti Kexo getteebeeti kexooch kicee beeheete. Eboshi daggoochee ikkikkeenaꞌo tiyiꞌi Isxifanoosina tookkii taggeheete.

2 Qorontoosi 11:26

Wodde wottoon gommi shaꞌoona beeho; “Aaco taan maayemmone” immi keqqoona, “Bokkeenaꞌo taan wuxemminaꞌone” immi keqqoona, “Ta yoodeenaꞌo tuneti Ayihudeenaꞌo taan wuxemminaꞌone” immi keqqoona, “Aageteenaꞌo taan wuxemminaꞌone” immi keqqoona, katemeexi keqqoona, baraheexi keqqoona, bahareexi keqqoona, koote kittinnee maneenaꞌo waanee tuneebeeti mooyona keqqoona, beeho.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.