Mishiraachechinaꞌo 21:20 - Kafa Linguistics Project

²⁰ Hini are geeneenaꞌo ebin waayeꞌi Yeerin galleteheete. Phawuloosichoo ishichiyeete: “Manoocho, Ayihudeenaꞌo daggoochee boonoshi mulloon Yesuusi toommooch tooꞌiitinaꞌo ambiche humeenaꞌo gaata beeggaabeeto neene; boonoshi bulli Muusichi Sheeroyich qanaatee beetinaꞌone.

Mishiraachechinaꞌo 21:20 ပူးပေါင်းရင်းမြစ်များ

Shoddo 22:23

Doono Yeerin shattii beetinaꞌote, biin galletebote; Yaaqobi yareenaꞌote, ittoshi bulli biin oogiibote; Israꞌeelee yareenaꞌote, ittoshi bulli biin shatote.

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Maatiyoosi 9:8

Dofee asheenaꞌo ebin beeggiꞌi shattiyeete; ebiyoommi doonjittinoon ashich bi immitoyich Yeerin oogiiheete.

Luqaasi 12:1

Arooba meeti hume asheenaꞌo ikkooch kiceeꞌi xuꞌeebee baatoona boonoshinaa boonoshina ariyaanoon neexee beetaa, Yesuusi shiichii bi dabbeenaꞌoyich ishichiꞌi getooch giyiye: “Fariseenaꞌochi bukee shittoochee ittoshi qelloon quyebote. Ebiyoo maacoon xalloo shaahiyoocheeniye.

Luqaasi 15:32

Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.

Yowannisi 12:24

Iberoon ittoshich gettoye: Ikke teepphee aafe showooch hollaꞌa bi qitaan gaata, bi ikkeeti echemmine; tunetaa bi qitigaata, wodde aafoon aafemmine.

Mishiraachechinaꞌo 11:18

Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.

Mishiraachechinaꞌo 15:1

Ikkikke asheenaꞌo Yihudee showoochee Antsooka hammiꞌi, “Muusichi Sheeree doyoona ittoshi dokireyaan gaata, wodoon hakkaachote” iꞌi kittinnee maneenaꞌoyich dojjiyeete.

Mishiraachechinaꞌo 15:24

“Ikkikke asheenaꞌo no waanee kechiꞌi, boonoshich no getaanoon gettiibee ittoshin iritiiꞌi ittoshi mulloon boonoshi guttiyoon waayeto noone.

Mishiraachechinaꞌo 15:5

Areegaata Fariseenaꞌo daggoochee boonoshi mulloon Yesuusi toommooch tooꞌiitinaꞌo arooch beeheete. Boonoshi daggoochee ikkikkeenaꞌo tiyiꞌi, “Aageteenaꞌon dokiriyoonaa ‘Muusichi Sheeroon ceechibote’ iꞌi getona ittoshich qaawiihe” iyeete.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 22:3

“Ta Kiliqee showooch beeti Xeriseesi katemooch shiijjeti Ayihudo taane; Gamaleel waanee no qaabbechinaꞌochi sheeroon doyaabee hini Yerusaalemiyee ta dicceto; sheeroon manjii ariiꞌa, hanaach ittoshi bulli tunii beetoommon Yeerich ta mulloochee tiijjaꞌa hajjeebeeti uro taane.

Mishiraachechinaꞌo 4:21

Ayihudee nallechinaꞌo Pheexiroosinaa Yowannisinon manjii miicheechii biichiyeete. Miicheꞌi boonoshi biichito, tuneti mooyona asheenaꞌo bulli Yeerin boonoshi oogii beetoyich, boonoshi nallemmi gommon mucceꞌiniye.

Mishiraachechinaꞌo 4:4

Tunebaani Yeerichi qaaroon waayetinaꞌo daggoochee meetinaꞌo boonoshi mulloon Yesuusi toommooch tooꞌiiheete. Yesuusi toommooch mulloon tooꞌiiti anaaminaꞌo aafichinaꞌona tookkii uuche hum bedoon tuneheete.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Roomi 10:2

Shalligiꞌi qanaateyaacheetani, Yeerich boonoshi qanaatoon ta boonoshich miixoo taane.

Galaati 1:14

Ta qaabbechinaꞌochi doyoyich bulliyee beshoon qanaataabee Ayihudeenaꞌo tuneti meeti ta goomeenaꞌoyee Ayihudeenaꞌochi maddee doyoon ceechoona beshaa beehoye.

Galaati 1:24

ta nabonoo Yeerin galleteheete.

2 Tasaloonqi 1:10

Ebi arooba bi yaafeenaꞌo, eboshiyoo boonoshi mulloon bi toommooch tooꞌiiti asheenaꞌo bulli, biin oogiyemminaꞌone; bi oogee yiiroona worganemminaꞌone. Ittoshi wotta ittoshich no miixeton ittoshi iberiitoyich, ebi are yaafeenaꞌona tookki tunemmo ittoshine.