Mishiraachechinaꞌo 21:11 - Kafa Linguistics Project

¹¹ Hini keemecho no waan giddeꞌi, Phawuloosi shachoon yechiꞌi bi hajjee kishoonaa baatoonon bi cuchitoyee gubb, “Yaafe Ayaano ‘Hinin cuyeebeeti uroon Ayihudeenaꞌo Yerusaalemaa cuchemminaꞌone; Aageteenaꞌo kishooch beshiiree immemminaꞌone’ ii beetone” iye.

Mishiraachechinaꞌo 21:11 ပူးပေါင်းရင်းမြစ်များ

1 Taateenaꞌo 22:11

Kenanaahi bushoo Sedeqiyaasi qaroommi mooyon xuuroochee shuuneꞌi, “Doono Yeeri ishichiye: ‘Sooriyeenaꞌon boonoshi aallemmi wottoon eboshina kochemmo neene’ itone” iye.

Isiyaasi 20:2

Arooba Doono Yeeri Amootsi bushoo Isiyaasin, “Dookoon ne qeddoochee shoote; caammoonoo ne baatoochee kichibe” iye. Isiyaasiyoo deꞌa iꞌi shokke qeddoon, shokke baatoonoo shaꞌee beehe.

Erimiyaasi 19:1

Doono Yeeri taach ishichiye: “Hamiree nuuqqee hachecho waanee qondoon kemebe; asheenaꞌo daggoochee qaabbeenaꞌonaa qeesheenaꞌo daggoochee geenetinaꞌonon neenna tookki daambe.

Hosee'i 12:10

“Keemechinaꞌoyich yibbaatehoye; wodde yaaꞌoonoo boonoshich bekkiihoye. Keemechinaꞌona shaahiyoon boonoshich gettoye.

Yowannisi 18:1

Yesuusi ishichiꞌi bi corootitoyee gubb, bi dabbeenaꞌona tookkii tiyiꞌi becheeti mixinaꞌo beeti xaaꞌooch, Qedirooni bamboyee beqach hammiye; biyoo, bi dabbeenaꞌoo are becheeti michi daggooch giyiyeete.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 16:6

Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

Mishiraachechinaꞌo 20:23

Tunebaani katemi katemoo bullina Yaafe Ayaano taach ‘Cucheyoonaa xuuxee beegona neen quyee beetone’ iꞌi miixee beetone.

Mishiraachechinaꞌo 21:33

Aroochee hume ginee iraashoo giddee Phawuloosin yechiꞌi, gutte sansalatoona bi cucheyemmoyich gettiye; aroochee are uro koni bi gaata, wotta amooni bi hallito gaatoo echehe.

Mishiraachechinaꞌo 21:4

Arooch kittinneenaꞌon qaawaa danaꞌa, boonoshina tookkaa shabaatte qemon kotehon; boonoshiyoo Yaafe Ayaanoona yaabeeꞌi Phawuloosin “Yerusaalem hammaaye” iyeete.

Mishiraachechinaꞌo 22:25

Shachoona cuchiꞌi xoobba boonoshi iyaa, Phawuloosi bi gaꞌooch neexeebeeti balle ginee iraashoon “Roomi showee ashoon nallaalloon ittoshi xoobbemmoyich, ittoshich daaggeete?” iꞌi echehe.

Mishiraachechinaꞌo 24:27

Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.

Mishiraachechinaꞌo 26:29

Phawuloosi wochiꞌi, “Genjebe, qamine, ne ikkeeto tuneyaanoon, hanaach ta noonoochee waayee beetinaꞌo bulli, hini ta cucheyoyee damba, mooyo bullina taanoommon boonoshi tunemmoyich, Yeerin qollaabeeto taane” iye.

Mishiraachechinaꞌo 28:17

Keejje qemoyee gubb, Phawuloosi Room beeti Ayihudee ogoogeenaꞌon bi waan ceekkiihe. Boonoshi waa kiceetaa, ishichiye: “Ta maneenaꞌote! Ta, Ayihudeenaꞌonaa no qaabbechinaꞌo sheeroonochi toommooch ta gondeti gondo aalloone; tunetaa Yerusaalemee cuchiꞌi Roomechinaꞌo kishooch beshiiꞌi taan immiyeete.

Mishiraachechinaꞌo 28:20

And ittoshin ta ceekkiito, ittoshin beegonaa ebin getonoyichiye; hini sansalatoona ta cucheto, Yeeri Israꞌeeleenaꞌoyich bi gibenikkiti gibenee naboonane” iye.

Mishiraachechinaꞌo 28:25

Boonoshinaa boonoshinoo ikkotteyaanoon hamma tiyiyeete. Areegaata Phawuloosi ishichiye: “Yaafe Ayaano keemechi Isiyaasichi noonoona ittoshi qaabbechinaꞌoyich ishichiꞌi bi gettito iberetone:

Mishiraachechinaꞌo 8:29

Arooba Filipphoosin Yaafe Ayaano “Gaari toommooch beeti uro waan giddebe” iye.

Mishiraachechinaꞌo 9:16

taachon miixeya ambiche xuuxoon bi beeggemmo gaata ta biich bekkiyemmo taane” iye.

Efesooni 3:1

Ebich ta Phawuloosi, Kiristoos Yesuusicho ta tunetoyich ta cucheto Aageteenaꞌo ittoshicha iiniye.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 6:20

And cuyee kexooch cuchaꞌa beeto ta tunetaanoona, hini mishiraachee qaaroon getoyich Doono Yesuus Kiristoosina wocheeti yakkirecho taane; ebich biichon geto taach qaawii beetoommon aafee kupphoona ta gettemmoyich corootibote.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

2 Ximootiyoosi 2:9

Hini mishiraachee qaaroon ashich ta gettetoyich gondoon shuunetochoommon ta cuchemmi wottoon xuuxoon beeggaabeeto taane; tunebaani Yeerichi qaaro cucheyaachemmone.

Hibireena'o 10:34

Qoppeenaꞌoyich ariqqehote; bulli yemeenoon beeyemmi beshe gaanno ittoshich beemon ariiꞌi, ittoshi hajjito bullin bareenaꞌo bogaa cikkii emiroona ciinniyote.

Hibireena'o 3:7

Ebich Yaafe Ayaano gettii beetoommon, “Hanaach Yeerichi qaaroon ittoshi waayegaata,

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.