Mishiraachechinaꞌo 20:7 - Kafa Linguistics Project

⁷ Shabaattee batti batti aabooba, koshon tiishi maaya ikkooch kiceeꞌa no beetaa, Phawuloosi bi yaachich hamma bi gabitoyich, kittinneenaꞌoyich ciiccii beehe; xum gutte qellimooch beddaahaa yibbaatoon genjiihe.

Mishiraachechinaꞌo 20:7 ပူးပေါင်းရင်းမြစ်များ

Nehimi 8:3

Biyoo Aachi Kellee ciinooch beeti addibaabooch neexeꞌi anaaminaꞌo, maacheenaꞌonaa boonoshi waayeton shalligoon hakkii beetinaꞌona waayee beetaa, haroochee tiijjiꞌi showoo tukkemmi wottoon shemmehe. Asho bulli waamon gaꞌii Sheeree Macaafoon ellee beehe.

Nehimi 9:3

Boonoshi beeti beetooch neexeꞌi boonoshi beetaa, boonoshi Nuggishoo Doono Yeerichi Sheeree Macaafo keejje saati bedoon boonoshich shemmeehe; wotta keejje saati bedoon boonoshi Nuggishoo Doono Yeerich boonoshi axaaxoon aanniꞌi goyinneheete.

Maariqoosi 16:9

Shabaattee batti batt aaboobee maaddoona Yesuusi qitoochee bi tiyitoyee gubb, shiichii shabaatte yinneenaꞌon bi toommoochee bi yookkiti Magidalechi Maariyamich bekkehe.

Luqaasi 22:19

Wotta koshon tiijjiꞌi Yeerin galletehe; tiichiꞌi boonoshich immiibee, “Ittoshicha iyaꞌa deejjoon tunii ta immaabeeti ta meeno ebine; ebinoo taan shalligeechon tuniibote” iye.

Luqaasi 24:35

Wotta ohe gutteenaꞌoo gommona hammii boonoshi beetaa tuneti mooyon, wotta koshon tiichii bi immimmona, bekkech biin boonoshi ariyoon gettiyeete.

Yowannisi 20:1

Shabaattee batti batti aaboobee maaddoona, showoo batt haraan beetaa, Magidalechi Maariyami maasho beetooch hammahan; maasheexi oppee kello keppheeti ooge xaqqo aroochee ikke badd bi ikoon beeggahan.

Yowannisi 20:19

Ebi are shabaattee batti batti aaboobee xum, Yesuusichi dabbeenaꞌo Ayihudee ukkireenaꞌon boonoshi shattitoyich, kelloon tuggeechii kiceeꞌi boonoshi beetaa, Yesuusi giyii boonoshi daggooch neexeꞌi, “Diggoo ittoshich tunebe” iye.

Yowannisi 20:26

Shimitte qemoyee gubb, bi dabbeenaꞌo wochinnoon kechi daggooch beeheete; Toomaasiyoo boonoshina tookkii beehe. Kello tuggeechaa Yesuusi waahe; boonoshi daggoochoo neexeꞌi, “Diggoo ittoshich tunebe” iye.

Mishiraachechinaꞌo 16:10

Phawuloosi hini yaaꞌoon bi beeggitoyee gubb, boonoshich mishiraachee qaaroon no gettemmoyich Yeeri nooch bekkiito bi shaahitoyich, bekkech Makidoonee showooch hamma tiyehon.

Mishiraachechinaꞌo 2:42

Are asheenaꞌo mishiraachechinaꞌochi doyoon waayeebee, ikkottinoona beebee, maayoon ikkooch maabee, manjii corootii beeheete.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Mishiraachechinaꞌo 20:11

Wottee toommeexi kexooch kechiꞌi, asheenaꞌona tookkii koshon tiichiꞌi maahe. Phawuloosi wochiꞌi, meeti saatoon showoo harimmi wottoon yibbaatehe; aroochee tiyii hammiye.

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

Mishiraachechinaꞌo 20:5

Eboshi shiichii hammiꞌi Xiroꞌadi katemooch noon quyeheete.

Mishiraachechinaꞌo 20:9

Awuxekiisi getteebeeti ikke gurimaashoo mallee kellooch koteꞌi bi beetaa, Phawuloosichi yibbaatee genjoona tokketoo biin daammiye. Biyoo kechi toommeexi keejjinnee kexoochee showooch holliye. Asheenaꞌo tiijjiꞌi bi kasho kechiton daneheete.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

1 Qorontoosi 10:16

Yeerin galletaꞌa no qoodeebeeti, diireeti xoofeexi uyo Kiristoosichi damoon gogo toone? No tiichaabeeti kosho Kiristoosichi meenon gogo toone?

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

1 Qorontoosi 16:2

Ta waahooba ebi gijjee buushoo bi tuneyaachemmoyich, shabaatti shabaattee batti batti aabooba, ittoshi qelli qelloona Yeeri ittoshich wojjitoommon kichiree kotiibote.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

Yaaꞌoo 1:10

Doonochi aabooba Yeerichi Ayaanee giidoo ta toommooch tunehe. Ta gubbaa tiree qaaroommi ooge qaaroon waayeho.