Mishiraachechinaꞌo 20:29 - Kafa Linguistics Project

²⁹ Hiniichee ta hammetoyee gubb, bageenaꞌoyich ariqqeyaachemmi gonde okereenaꞌo ittoshi daggooch boonoshi giyemmon ariibeeto taane.

Mishiraachechinaꞌo 20:29 ပူးပေါင်းရင်းမြစ်များ

Erimiyaasi 13:20

Yerusaaleme, qaalliree dambi-waanee waa beetinaꞌon ciine; neech icheti bageenaꞌo, mallet gaawe bageenaꞌo aayeete?

Erimiyaasi 23:1

“Ta gaddooch beeti ta bageenaꞌon aallii beetinaꞌonaa shaccii beetinaꞌonoyich woowo!” iye Doono Yeeri.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Hiziqeeli 34:8

Nuggishoo Doono Yeeri ta ishichaabeeto taane; beeyecho ta tunoona wogehoye; ta bageenaꞌoyich qiddoo aalletoyich, ta qiddeenaꞌo ta bageenaꞌon qaawoo boonoshi qajjitoyich, qiddeenaꞌo ta bageenaꞌon shiimee yesho qajjiichii boonoshi qelloon boonoshi shiimetoyich, kubbi cooxona kayeetinaꞌone; boonoshichoo maayo tunetinaꞌone.

Daaneeli 11:34

Boonoshiyoo qitibee giisheche gaachoon danemminaꞌone. Dawushechi meeti asheenaꞌo boonoshina tookki ikkottemminaꞌone.

Sofoniyaasi 3:3

Iraasheenaꞌo ciddiibeeti daaheroomminaꞌone. Nallechinaꞌoo yaachich getaanoon maa ciichiibeeti, shaaceti okeroomminaꞌone.

Zakaariyaasi 11:17

Bi bagoon duppiti, yeexere qiddoyich woowo! Goraado bi mochoonaa bi qanne aafoonon koye. Bi mochoo wogibe; bi qanne aafoo tuchimmi dooge” iye.

Maatiyoosi 10:16

Daakkiꞌi Yesuusi ishichiye: “Ellebote, bagoochoommon okereenaꞌo daggooch ittoshin wochemmo taane. Ebich dingeroochoommon accecho, uggechoommon duuroo tunebote.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Luqaasi 10:3

Illa tibote; bagoochoommon okereenaꞌo daggooch ittoshin wochemmo taane.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Yowannisi 10:12

Tunebaani gijjoon deqqiꞌi qiddeebeeto biicho tuneti bagee qiddoo tuno bi qajjitoyich, okeroo waataa bi beegigaata bageenaꞌon dufiichi woccemmone; arooba okeroo bageenaꞌon yechemmone; boonoshinoo shaccemmone.

Yowannisi 21:15

Maayoon boonoshi maatoyee gubb, Yesuusi Simoon Pheexiroosin “Yoonichi bushoo Simoono, eboshiyee beshoon taan shunnenne?” iꞌi echehe. “Eeha ta Doonocho, neen ta shunon ne ariibeeto neene” iye. “Ta bagee bushiisheenaꞌon qiddebe” iye.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

Yihudi 1:18

Boonoshiyoo ittoshich “Yemeenee ciirooba boonoshi hajjee gonde qaatoon dabbemmi cooqqirechinaꞌo woyemminaꞌone” itinaꞌone.