Mishiraachechinaꞌo 20:24 - Kafa Linguistics Project

²⁴ Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 20:24 ပူးပေါင်းရင်းမြစ်များ

1 Kiinoo 11:18

Ebina ebi giidechi keejje asheenaꞌo Filsixeemeenaꞌochi kaambee gutte daggoona kuxxii besheꞌi, Beetilehemi uxeree kellooch beeti aachi oppoochee aacon kittii Daawitich deebiyeete. Tunebaani Daawiti uchemmon qajjiichii, Doono Yeerich deejjoon tunii ukkiꞌi,

Luqaasi 16:28

uuche ta maneenaꞌo beetinaꞌone. Boonoshi wotta hini xuuxee xaaꞌooch boonoshi waataachemmoyich, Alazaari hamiree boonoshich gete’ iye.

Yowannisi 15:27

Ittoshiyoo wotta shiichiꞌi taanna tookkii ittoshi beetoyich, taachon miixemmo ittoshine” iye.

Yowannisi 17:4

Tuniibe iyaꞌa taach ne immeti shuunoon shuunaa ciichiꞌa, showee toommoochaa neen oogiito taane.

Mishiraachechinaꞌo 1:17

Hini are Yihudi no daggooch bacceeꞌi no shuunee gogecho tunetone” iye.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 13:25

Yowannisiyoo bi shuunoon ciicha beddiꞌi tiyii asheenaꞌon ‘Taan konine ii beetote?’ iꞌi echehe. ‘Ta, “Woyemmone” iꞌi ittoshi quyeebeeti uro toono taane. Tunebaani bi ta hillooch waa beetone; ta bi caammee cuyoon biishoyichona bedaano taane’ iye.

Mishiraachechinaꞌo 14:3

Ebich Phawuloosinaa Barnabaasina Doono Yesuusichi mooyon aafoon kuppheꞌi gettiibee, arooch meeti agenoon koteheete. Doono Yesuusi boonoshi kishoona meeti worganikkiti malletoonaa gaakkechi shuunoonon bekkiibee, bi immemmi wojjeechon boonoshi gettiti wocho iberoo bi tunoon manjii beehe.

Mishiraachechinaꞌo 15:7

Oogichii boonoshi yibbaatetoyee gubb, Pheexiroosi tiyiꞌi ishichiye: “Ta maneenaꞌote! Aageteenaꞌo ta noonoochee mishiraachee qaaroon waayeree Yesuusi toommooch mulloon boonoshi tooꞌiyemmoyich, Yeeri meeti natoyee aaf ittoshi daggoochee taan bi kaacon ariibeeto ittoshine.

Mishiraachechinaꞌo 18:5

Sillaasinaa Ximootiyoosina Makidoonee showoochee boonoshi waahooba, Phawuloosi kashee wottiyaanoon, Yesuusi aroo Kiristoosi bi tunoon Ayihudeenaꞌoyich miixee beehe.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 20:23

Tunebaani katemi katemoo bullina Yaafe Ayaano taach ‘Cucheyoonaa xuuxee beegona neen quyee beetone’ iꞌi miixee beetone.

Mishiraachechinaꞌo 20:32

“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane.

Mishiraachechinaꞌo 21:13

Aroo wochiꞌi, “Eefeebee ta mulloon amoyichiye ittoshi gaabbii beeto? Ta Doono Yesuusicha getiree Yerusaalemaa cucheyoo qayenona, qitoyich qannito taane” iye.

Mishiraachechinaꞌo 22:21

“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 11:6

Kaacceyoo Yeerichi wojjoona bi tunegaata ashi shuunoona toonoone getone. Ashi shuunoona bi tunemmo gaata, wojjoo ibere wojjoo bi tuno echetone getone.

Roomi 4:4

Shuuneebeeti ashich qocheebeeti shumaayoo bi hiishoommoani, wojjoommo tuniitaa haddeyaache.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

2 Qorontoosi 12:10

Illa giidoon ta danemmo, hakka guutoo ta tunehoobane; ebich Kiristoosicha iyaꞌa ta maraategaata, ta naakkegaata, ta iritee gaata, ta duꞌegaata, ta xuuxegaatoo, oogichii taan emirikkiye.

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

2 Qorontoosi 4:12

Ebich qitoo noonna, kashoo ittoshina shuunee beetone.

2 Qorontoosi 5:8

Gibenaꞌa, hini beeyi kexo tuneti no meenoochee bariꞌi Doono Yesuus Kiristoosina tookkii beemon shunnaabeeto noone.

2 Qorontoosi 7:4

Ittoshich aafee kupphoona gettaabeeto taane; ittoshi naboyich oogeton geecaabeeto taane; oogeton taan goggiito ittoshine; wodde iritoon beeggaabee no beetaa, ta emiroo beshaa beshoon meettii beetone.

Galaati 1:1

Ashi waanee woyee asho koninolla tuneyaanoon Yesuus Kiristoosinaa qitoochee biin tiijjiti Nihoo Yeerina kaacheti Phawuloosi waanee,

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Efesooni 3:13

Ebich ittoshicha iyaꞌa ta beeggaabeeti iritoona taahiyaahote iyaꞌa ittoshin qollaabeeto taane; ebiyoo Yeerichi oogee yiiroochee ittoshi qoodeyemmi gibenoone.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

1 Tasaloonqi 2:2

Ittoshi waan no womoyee shiichaꞌa Filipphisiyoosaa wodde xuuxoon no beegonaa no naakkeyoonon ariibeeto ittoshine; kupphe qiicco no toommooch bi shaggitaanona, Yeeri immiti mishiraachoon ittoshich no gettemmoyich no Nuggishoo no waanee shaton bi wokkiitaa aafoon kuppheto noone.

2 Ximootiyoosi 1:12

Ebichi naboyichiye hini xuuxo bullin ta beeggaabeeto; tunebaani ta mulloon bi toommooch ta tooꞌiiti Kiristoosin ta arii beetoyich, wotta biich ta aderaton ciireexi aabooch beddaahaa quyoon hakkemmo bi tunoon ta xiishitoyich, yeelleyaache.

2 Ximootiyoosi 3:11

ta duꞌoonoo, ta xuuxoonoo gaawichaꞌa beeggeto neene. Antsookaa, Iqooniyooninaa Lisxirinoochaa ta toommooch shaggiti duꞌoon ta haaꞌiyoon ariibeeto neene; Doono Yesuusiyoo ebi bulliichee taan wodiitone.

2 Ximootiyoosi 4:17

Tunebaani mishiraachee qaaroon bechee shuunoo taanna bi ceennemmonaa Aageteenaꞌo bulli waayemmonoyich, Doono Yesuusi ta gaꞌooch neexeꞌi taan kupphiihe; daaheree gammoocheenoo taan wodiihe.

Titoosi 1:3

Bi daaggiti yemeenooba, noon Wodiyechi Yeerichi getoona taach adero icheti wochee gommona bi qaaroon gaxxiye.

Titoosi 2:11

Ebiyoo, asho bullin wodiyoon hakkemmi Yeerichi wojjoo bi gaxxeetoyichiye.

Hibireena'o 10:34

Qoppeenaꞌoyich ariqqehote; bulli yemeenoon beeyemmi beshe gaanno ittoshich beemon ariiꞌi, ittoshi hajjito bullin bareenaꞌo bogaa cikkii emiroona ciinniyote.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.

1 Yowannisi 3:16

Kiristoosi no keroyich bi kashoon beshiiꞌi immitone; ebina ashoon shuno amo gaata beeggeto noone. Ebich, no maneenaꞌochi keroyich no kashoon beshiiꞌi imo nooch qaawiihe.

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 6:11

Boonoshi ikkikkoyich nacce taho ichehe. “Ittoshina tookkii Kiristoosich maddeti ittoshi maneenaꞌo ittoshichoommon wotta wuxaa boonoshi haddoo ceennimmi wottoon, giisheche yemeenoon kashebote” getteeheete.