Mishiraachechinaꞌo 20:21 - Kafa Linguistics Project

²¹ Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 20:21 ပူးပေါင်းရင်းမြစ်များ

Maatiyoosi 4:17

Aroobee yemeenoochee tiijjiꞌi Yesuusi “Shimaajji taatittinee ittoshi kellooch shaggetine; ebich axaaxee gommoochee Yeer waan wottebote” iibee getooch giyiye.

Maariqoosi 6:12

Boonoshiyoo hammiꞌi, axaaxee gommoochee Yeer waan boonoshi wottemmoyich asheenaꞌoyich gettiyeete.

Luqaasi 13:3

Ittoshich gettoye: Ebi toonoone! Tunebaani axaaxee gommoochee Yeer waan wottoo ittoshi qayigaata, ittoshi bulli ebiyoommon aallemmo ittoshine.

Luqaasi 13:5

Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.

Luqaasi 15:10

Illa ittoshich gettoye: Ebiyoommon axaaxee gommoochee Yeer waan wotteebeeti ikke axaaxechochi naboona Yeerichi maraakeenaꞌo emirii beetinaꞌone” iye.

Luqaasi 15:7

Ittoshich gettoye: Ebiyoommon axaaxee gommoochee Yeer waan wotto boonoshich qaawiyaani yixenaa yiixiye cadiqeenaꞌoyee, axaaxee gommoochee Yeer waan wotteebeeti ikke axaaxechochi naboona shimaayoochaa emiroo tunemmone” iye.

Luqaasi 16:28

uuche ta maneenaꞌo beetinaꞌone. Boonoshi wotta hini xuuxee xaaꞌooch boonoshi waataachemmoyich, Alazaari hamiree boonoshich gete’ iye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

Mishiraachechinaꞌo 10:43

Wotta keemechinaꞌo bulli ‘Boonoshi mulloon bi toommooch tooꞌii beetinaꞌo bulli bi shigoona Yeer waanee axaaxee maaroon danemminaꞌone’ iꞌi miixetinaꞌone” iye.

Mishiraachechinaꞌo 11:18

Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.

Mishiraachechinaꞌo 16:31

Boonoshiyoo “Ne mulloon Doono Yesuusi toommooch tooꞌiibe; neennaa ne kechi asheenaꞌona wodemmo ittoshine” iyeete.

Mishiraachechinaꞌo 17:30

Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone.

Mishiraachechinaꞌo 19:17

Hini mooyon Efesoon beeti Ayihudeenaꞌonaa Giriikeenaꞌo bullina waayeheete; oogichiinoo shattiyeete; Doono Yesuusichi shigoonoo oogiiheete.

Mishiraachechinaꞌo 2:38

Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine.

Mishiraachechinaꞌo 2:40

Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye.

Mishiraachechinaꞌo 20:23

Tunebaani katemi katemoo bullina Yaafe Ayaano taach ‘Cucheyoonaa xuuxee beegona neen quyee beetone’ iꞌi miixee beetone.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 24:24

Giisheche aaboyee gubb iraashoo Filikisi bi mechee Ayihudechee Durisilina tookkii waahe; Phawuloosin ceekkiiꞌi, Kiristoos Yesuusi toommooch mullee tooꞌiyoo geto ama geto gaata bi gettii beeton bi noonoochee waayehe.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Mishiraachechinaꞌo 8:25

Pheexiroosinaa Yowannisina asheenaꞌoyich manjiiꞌi boonoshi miixetonaa Doonochi qaaroon boonoshi gettitonoyee gubb, Yerusaalem wotteebee Shamaaree showooch beeti meeti katemooch mishiraachee qaaroon gettiyeete.

Roomi 1:14

Woraafa, getteetinaꞌonaa hoxeetinaꞌonoyich, ariyechinaꞌonaa tuusheenaꞌonoyich mishiraachee qaaroon ta gettemmoyich, Kiristoosichi hiishoo ta toommooch beetone.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 10:9

Asho bi mulloon Yesuus Kiristoosi toommooch tooꞌiiꞌi cadiqiye; bi noonoonoo miixeꞌi wodiye. Ebich “Yesuusi Doonone” iyaꞌa ne noonoona ne miixee gaata, Yeeri qitoochee biin bi tiijjoonoo ne mulloona ne iberiigaata, wodemmo neene.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

Roomi 4:24

noochoonane bi kooreeto. No xuꞌee naboyich qitoyich beshiitaa icheti, noon cadiqiyoyich tiyiti no Doono Yesuusin qitoochee tiijjiti Yeeri toommooch no mulloon tooꞌiibeeti noonoo cadiqiiyane.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

1 Qorontoosi 1:22

Ayihudeenaꞌo malletoon beegoyich, Giriikeenaꞌoo shalligoon danoyich qaawiyeete.

2 Qorontoosi 7:10

Yeerichi daaggoommon tuneebeeti ayinoo axaaxee gommoochee Yeer waan wochoona wodooch shakkii beetone. Ebich “Aakkiya ebin tuniitote?” getteyaache. Tunebaani hini alemeexi ashi ayinoo qitooch shakkii beetone.

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Galaati 3:22

Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Efesooni 1:15

Ebich ta wotta Doono Yesuusi toommooch ittoshich beeti mullee tooꞌiyoonaa yaafeenaꞌo bullich ittoshich beeti shunoonon waayaꞌa,

Qolaasiyaasi 2:5

Meenona ittoshi waanee ta wokketaanona, bulli aaboon ittoshin gabaabeeto taane; gaawe qocoona ittoshi beemonaa Kiristoosi toommooch mullee tooꞌiyoona ittoshi manjoonon ta beeggetoyich emiraabeeto taane.

1 Yowannisi 5:1

Yesuusi aroo Kiristoosi bi tunoon iberiiꞌi bi mulloon bi toommooch tooꞌiito bulli Yeer waanee shiijjetone. Nihoon shunniibeeto bulli bi bushoon wotta shunnii beetone.

1 Yowannisi 5:5

Yesuusi Yeerichi Bushoo bi tunoon iberii beetoyee damba, hini alemoon kochii wochiibeeto, konine?