Mishiraachechinaꞌo 20:2 - Kafa Linguistics Project

² Are showoona hammiibee, kittinneenaꞌon wodde qaaroona ciicciibee, besheꞌi Giriikee showooch shaggiye.

Mishiraachechinaꞌo 20:2 ပူးပေါင်းရင်းမြစ်များ

Zakaariyaasi 9:13

Yihudee asheenaꞌon maꞌoommon, Efreemee asheenaꞌonoo shangoommon, tuniyemmo taane. Giriikee asheenaꞌon koyoyich, Tsiyoonee asheenaꞌon goraadoommon tuniiree daachiyemmo taane” iye.

Luqaasi 3:18

Ebich asheenaꞌon baribare wodde ciicoona ciicciibee mishiraachee qaaroon gettii beehe.

Mishiraachechinaꞌo 15:41

Biyoo Sillaasina tookkii kittinnee guuphinaꞌo kiceebeeti xaaꞌoo bulliich hammii shaggii boonoshin kupphiibee, Sooriyee showoonaa Kiliqee showoonon beshee beehe.

Mishiraachechinaꞌo 16:12

Aroochee Filipphisiyoosi katemooch shaggehon; Filipphisiyoosi, Makidoonee showeexi katemeenaꞌo bulliichee oogeti katemoone; aroo Roomee waati asheenaꞌo kishooch beeti katemoone. Are katemooch giisheche aaboon kotehon.

Mishiraachechinaꞌo 17:1

Phawuloosinaa Sillaasina Amfipoolisi katemoonaa Apilooni katemoonon besheꞌi, Tasaloonqa hammiyeete; aroochoo Ayihudeenaꞌo kiceebeeti kexo beehe.

Mishiraachechinaꞌo 17:10

Xum bekkech kittinnee maneenaꞌo Phawuloosinaa Sillaasinon Beeriya daachiiheete. Boonoshiyoo arooch shaggiꞌi, Ayihudeenaꞌo kiceebeeti kexooch giyiyeete.

Mishiraachechinaꞌo 2:40

Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye.

Mishiraachechinaꞌo 20:1

Cangecho aqqetoyee gubb, Phawuloosi Efesooni kittinneenaꞌon ceeggiꞌi kupphiyee ciicoon ciicciye; boonoshin diggiiꞌi Makidoonee showooch hamma kechiye.

Mishiraachechinaꞌo 20:11

Wottee toommeexi kexooch kechiꞌi, asheenaꞌona tookkii koshon tiichiꞌi maahe. Phawuloosi wochiꞌi, meeti saatoon showoo harimmi wottoon yibbaatehe; aroochee tiyii hammiye.

Mishiraachechinaꞌo 20:3

Arooch keejje agenoon kotehe; aroyee gubb Sooriyee showooch markaboona hamoyich shalligiye. Tunetaa Ayihudeenaꞌo bi toommooch gondoon boonoshi koceetoyich, Makidoonee showoona wotteꞌi hamoyich kuxxiye.

1 Qorontoosi 4:19

Tunebaani Doono Yesuusi daaggigaata, ittoshi waan kaateree woyemmo taane. Yeerichi taatittino bekkemmo Yaafe Ayaanee giidoonalli, yibbaatoona toonoone; ebich waaree are geecechinaꞌochi yibbaatoon baach tuneyaanoon, boonoshi shuunee daggooch Yaafe Ayaanee giidoo beemonaa aalloonon xiishemmo taane.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

1 Tasaloonqi 2:11

Bi taatittinoonaa bi oogee yiiroonoochee ittoshi qoodeyemmoyich ittoshin ceeggiti Yeerin emirikkiibeeti beemona ittoshi beeyemmoyich, ittoshin ciiccaabee, kupphiibee, xalla gettaabee, nihoo bi bushiishoyich tunii beetoommon, ittoshi ikkikkoyich no tuniyoon ariibeeto ittoshine.

1 Tasaloonqi 2:3

No gettaabeeti wochoon ittoshi waayemmoyich ittoshin no qollaa beegaata, kootoona woyee gonde gaboona woyee dawushoona toonoone.

1 Tasaloonqi 4:1

Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.