Mishiraachechinaꞌo 2:5 - Kafa Linguistics Project

⁵ Arooba showee toommo bulliich beeti asheenaꞌo daggoochee Yeerich qeyiibeeti Ayihudeenaꞌo Yerusaalem wotteꞌi beeheete.

Mishiraachechinaꞌo 2:5 ပူးပေါင်းရင်းမြစ်များ

Keyo 23:16

“Ne budooch ne shookketi qaabbe Maayi Qecci Baaroon baaribe. “Nati ciirooch ne budeexi maayoon ne kiciyooba, Maayi Kicee Baaroon baaribe.

Isiyaasi 66:18

Boonoshi shuunoonaa boonoshi gaboonon ta ariyaa beetoyich, aageteenaꞌonaa baribare noonoona yibbaateebeeti asheenaꞌonon kicoyich woyemmo taane; boonoshiyoo waaree ta oogoon beeggemminaꞌone;

Zakaariyaasi 8:18

Beshe Mawe Doono Yeeri taach ishichiye:

Maatiyoosi 24:14

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Luqaasi 17:24

Xeeyo shimaayoochaa phaqqiꞌi ikke showee tuggoochee bare showee tuggooch bekkech bi bedoommon, Ashi Bushoo bekkemmi aabooba ebiyoommon tunemmone.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Luqaasi 24:18

Boonoshi daggoochee Qaleyoophi getteebeeti ikkoo “Yerusaalem waabeeti iibbeenaꞌoochee katinoon arooch tuneti mooyoyich dallaawoo ne ikkeeto baachiye?” iye.

Yowannisi 12:20

Ebi baarooba Yeerich goyinneya Yerusaalem hammiti asheenaꞌo daggooch ikkikke Giriikeenaꞌo beeheete.

Mishiraachechinaꞌo 10:2

Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone.

Mishiraachechinaꞌo 10:7

Maraakoo ishin gettiꞌi bi hammiti hillooch, Qorineloosi bi wochee bushiisheenaꞌo daggoochee gutteenaꞌon, bi hajjee ginee naayinaꞌo daggoochee Yeerich qeyiibeeti ikkoon ceeggiꞌi,

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 2:1

Baaraachee aabo shagaa, Yesuusichi asheenaꞌo bulli ikkooch kiceeꞌi beeheete.

Mishiraachechinaꞌo 22:12

“Arooch Hanaani getteebeeti ikke uro beehe; Damaasiqa beeti Ayihudeenaꞌo bullina naadeeti, Yeerich qeyiibeeti, Muusichi Sheeroonoo quyeebeeti uroone.

Mishiraachechinaꞌo 8:2

Ikkikke Yeerich qeyiti asheenaꞌo Isxifanoosin duukkiyeete; ooge eefonoo eeppiyeete.

Yibbaatoo 2:25

Hanaachina tiijji showee toommo bulliich beeti asheenaꞌo ittoshin oogichi boonoshi shattemmoyich tuniyemmo taane. Ittoshi mooyo getteetaa boonoshi waayegaata, keqqoona qewemminaꞌone’ itone” iye.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.