Mishiraachechinaꞌo 2:47 - Kafa Linguistics Project

⁴⁷ Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

Mishiraachechinaꞌo 2:47 ပူးပေါင်းရင်းမြစ်များ

Luqaasi 19:48

Tunetaa dofee asho bulli ottiꞌi bi gettiibeeti mooyon boonoshi ellee beetoyich, boonoshi hallemmi mooyon mucceheete.

Luqaasi 2:52

Yesuusiyoo Yeerinaa asheenaꞌona naadeebee, ariyoonaa neexoonon daakkii beehe.

Mishiraachechinaꞌo 11:21

Doono boonoshina tookkii tuneꞌi bi giidoona boonoshin gaachehe; arooba meeti asheenaꞌo boonoshi mulloon Yesuusi toommooch tooꞌiiꞌi Doono waan wotteheete.

Mishiraachechinaꞌo 11:24

Yaafe Ayaanoona ceennitonaa gaabbaanoon mulloon Yeeri toommooch tooꞌiibeeti deꞌe uroonane. Arooba meeti asheenaꞌo Doono waan wotteheete.

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Mishiraachechinaꞌo 14:1

Iqooniyoon beeti Ayihudeenaꞌo kiceebeeti kexooch Phawuloosinaa Barnabaasina tookkii giyiyeete; Yeerichi qaaroon kaachiꞌi boonoshi gettitoyich, Ayihudeenaꞌonaa Aageteenaꞌonochi daggoochee meeti asheenaꞌo boonoshi mulloon Yesuusi toommooch tooꞌiiheete.

Mishiraachechinaꞌo 14:21

Phawuloosinaa Barnabaasina Deribi katemooch mishiraachee qaaroon gettiꞌi, meeti asheenaꞌon Yesuusichi dabbeenaꞌo tuniiheete. Ebiyee gubb Yesuusichi dabbeenaꞌo mulloon kupphiibee, boonoshi mulloon bi toommooch boonoshi tooꞌiiti Yesuusina manjiree boonoshi beeyemmoyich ciicciibee, “Yeerichi taatittineech gimoyich wodde iritoon beego nooch qaawiihe” iibee Lisxirinaa Iqooniyooninooch, Fesidee showooch beeti Antsooki katemoochoo wotteheete.

Mishiraachechinaꞌo 16:5

Ebich kittinnee guuphinaꞌo Yesuusi toommooch mullee tooꞌiyoona kupphee beeheete. Qeyii qeyiinoo meettii beeheete.

Mishiraachechinaꞌo 17:12

Ebich boonoshi waanee meetinaꞌo boonoshi mulloon Yesuusi toommooch tooꞌiiheete; wotta Giriikeenaꞌo daggoochee aricheti meeti genneenaꞌonaa anaaminaꞌona boonoshi mulloon Yesuusi toommooch tooꞌiiheete.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 4:21

Ayihudee nallechinaꞌo Pheexiroosinaa Yowannisinon manjii miicheechii biichiyeete. Miicheꞌi boonoshi biichito, tuneti mooyona asheenaꞌo bulli Yeerin boonoshi oogii beetoyich, boonoshi nallemmi gommon mucceꞌiniye.

Mishiraachechinaꞌo 4:33

Mishiraachechinaꞌo “Doono Yesuus Kiristoosi qitoochee tiyitone” iꞌi ooge giidoona miixee beeheete; boonoshi bulli toommooch oogeti wojjoo beehe.

Mishiraachechinaꞌo 4:4

Tunebaani Yeerichi qaaroon waayetinaꞌo daggoochee meetinaꞌo boonoshi mulloon Yesuusi toommooch tooꞌiiheete. Yesuusi toommooch mulloon tooꞌiiti anaaminaꞌo aafichinaꞌona tookkii uuche hum bedoon tuneheete.

Mishiraachechinaꞌo 6:1

Aroobee yemeenooch Yesuusichi dabbeenaꞌo meettii meettii boonoshi qeyimmona, Giriikee noonoon yibbaateebeeti Ayihudeenaꞌo Yihudee showooch shiijjeti Ayihudeenaꞌo toommooch guruuxiyeete. Ebiyoo qemi qemona boonoshi deggiibeeti degoochee Giriikee noonoon yibbaateebeeti xuume maacheenaꞌoyich boonoshi guutiitoyichiye.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Mishiraachechinaꞌo 9:35

Liidinaa Shaarooninooch beetinaꞌo bulli hini are woditi uroon beeggiꞌi, Doono Yesuus waan wotteheete.

Roomi 14:18

Ebiyoommon tuniyoona Kiristoosich hajjeebeeti asho Yeerin emirikkii beetone; ashoonoo naadee beetone.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

1 Qorontoosi 1:18

Kiristoosichi masqalee mooyo aallooch hammii beetinaꞌoyich tuushittinoone; tunebaani wodaabeeti nooch Yeerichi giidoone.