Mishiraachechinaꞌo 2:43 - Kafa Linguistics Project

⁴³ Arooba mishiraachechinaꞌo wodde gaakkechi shuunoonaa worganikkiti malletoonon boonoshi bekkiitoyich asheenaꞌo bulli oogichii worganeheete.

Mishiraachechinaꞌo 2:43 ပူးပေါင်းရင်းမြစ်များ

Asteeri 8:17

Taatoochi awaajjo shaggiti woraafeenaꞌonaa katemeenaꞌo bullinooch beeti Ayihudeenaꞌo oogeton emiriyeete; emiroonoo wucwucciyeete; gifiroon geddiꞌi baaroon baariyeete. Ebina Ayihudeenaꞌon shatoochee tiyitona, meeti aagetee asheenaꞌo Ayihud wotteheete.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Maariqoosi 16:17

Mulloon tooꞌii beetinaꞌo ebi malletoon tuniyemminaꞌone: Ta shigoona asheenaꞌo toommoochee yinneenaꞌon yookkemminaꞌone; andire noonoona yibbaatemminaꞌone;

Luqaasi 7:16

Asheenaꞌo bulli oogichii shattiꞌi boonoshinaa boonoshina “Yeeri ooge keemechon no daggoochee kaacciꞌi neechitone” iyeete. Wotta “Yeeri bi asheenaꞌon ciinnitone” iibee Yeerin galleteheete.

Luqaasi 8:37

Ebi Gergeseenee showee asheenaꞌo bulli oogichiꞌi boonoshi shattitoyich, “No waanee hambe” iꞌi Yesuusin qolleheete. Ebich Yesuusi markabee toommooch kechii koteꞌi wottee hamma tiyiye.

Yowannisi 14:12

Iberoon ittoshich gettoye: Bi mulloon ta toommooch tooꞌiimmo ta shuunaabeeti shuunoon aroo wotta shuunemmone; ta, Nihoo Yeer waan hammaa ta beetoyich ebiyee beshe shuunoonolla shuunemmone.

Mishiraachechinaꞌo 2:22

“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone.

Mishiraachechinaꞌo 4:33

Mishiraachechinaꞌo “Doono Yesuus Kiristoosi qitoochee tiyitone” iꞌi ooge giidoona miixee beeheete; boonoshi bulli toommooch oogeti wojjoo beehe.

Mishiraachechinaꞌo 5:5

Hanaani ishin waayeꞌi bekkech dihiye; bi dihiti xaaꞌoochaa bi kasho kechiye. Ebin waayetinaꞌo bulli oogichii shattiyeete.

Mishiraachechinaꞌo 9:34

Biinoo ishichiye: “Eeniyoo, Yesuus Kiristoosi neen wodiitone. Tibe, ne qeenon yaggibe” iye. Aroo bekkech tiyiye.

Mishiraachechinaꞌo 9:40

Aroochee Pheexiroosi bullin maach kichiichii, guteneꞌi corootiye. Bi corootitoyee gubb, dubeno waan wotteꞌi, “Xaabbite, tibe” iye. Bekkech bi aafoon gaxxiyan; Pheexiroosin ciinnaꞌa tiyaa kotahan.