Mishiraachechinaꞌo 2:42 - Kafa Linguistics Project

⁴² Are asheenaꞌo mishiraachechinaꞌochi doyoon waayeebee, ikkottinoona beebee, maayoon ikkooch maabee, manjii corootii beeheete.

Mishiraachechinaꞌo 2:42 ပူးပေါင်းရင်းမြစ်များ

Luqaasi 24:30

Boonoshina tookkii maayoon maaya madooch koteebee, koshon tiijjiꞌi Yeerin galletehe; tiichiꞌinoo boonoshich immiye.

Luqaasi 24:35

Wotta ohe gutteenaꞌoo gommona hammii boonoshi beetaa tuneti mooyon, wotta koshon tiichii bi immimmona, bekkech biin boonoshi ariyoon gettiyeete.

Mishiraachechinaꞌo 1:14

Eboshi bulli genneenaꞌonaa Yesuusichi indee Maariyamina tookkii, wotta Yesuusichi maneenaꞌona tookkii bulli aaboon ikkottee kiceeꞌi corootii beeheete.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Mishiraachechinaꞌo 20:11

Wottee toommeexi kexooch kechiꞌi, asheenaꞌona tookkii koshon tiichiꞌi maahe. Phawuloosi wochiꞌi, meeti saatoon showoo harimmi wottoon yibbaatehe; aroochee tiyii hammiye.

Mishiraachechinaꞌo 20:7

Shabaattee batti batti aabooba, koshon tiishi maaya ikkooch kiceeꞌa no beetaa, Phawuloosi bi yaachich hamma bi gabitoyich, kittinneenaꞌoyich ciiccii beehe; xum gutte qellimooch beddaahaa yibbaatoon genjiihe.

Mishiraachechinaꞌo 4:23

Pheexiroosinaa Yowannisina biicheꞌi boonoshi asheenaꞌo waan waaheete. Qeeshee ukkireenaꞌonaa showee geeneenaꞌona boonoshich gettito bullin gettiyeete.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Mishiraachechinaꞌo 6:4

No, corootoonaa Yeerichi qaaroon dojjoonoyich no mulloon ikkochibone” iyeete.

Roomi 12:12

Gibeno ittoshich beetoyich emiribote; iritoon haaꞌiibote; corootoona kupphebote.

1 Qorontoosi 10:21

Doono Yesuus Kiristoosichi xoofoochee uyibee, yinneenaꞌo xoofoochee wotta uyon hakkaachote; Doono Yesuus Kiristoosichi madoochee maabee, yinneenaꞌochi madoochee wotta mamon hakkaachote.

1 Qorontoosi 11:2

Bulli mooyona taan ittoshi gabii beetoyich, wotta ittoshich ta immeti doyoon manjiiꞌi ittoshi yechii beetoyich, ittoshin galletaabeeto taane.

1 Qorontoosi 14:6

Ta maneenaꞌote! And ittoshi waan waaꞌa Yeeri taach bekkiiti mooyon woyee ariyoon woyee keemoon woyee kittinnittinee doyoon getaanoon baribare noonoona ta yibbaategaata, ta womo ittoshich amoon hallehe?

Galaati 1:6

Kiristoosichi wojjoona ittoshin ceeggiti Yeerin qajjiichii bare mishiraachee qaarooch aabichiꞌi afaafinee shokiyote? Ebi ittoshi tuniiti mooyon iberiyoo taach maggehe.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 4:2

Yeerin galletebee qaalliree corootoona kupphebote.

2 Ximootiyoosi 3:14

Tunetaa ne, ne doyitonaa xiishaa ne iberiitona kupphebe; koni koni waanee ne doyito gaata ariibeeto neene.

Hibireena'o 10:25

Noonnaa noonna ikkoo baroon ciicalli, ikkikkeenaꞌo doyoo tuniiꞌi boonoshi qajjitoommon, ikkooch no kiceyoon qajjaayone; Doono Yesuusi wotteree woyemmi aabo katinnito tunoon shalligibee aafichoyee beshiiree ebin tuniibote.

Hibireena'o 10:39

No, mulloon Yeeri toommooch tooꞌiiꞌi wodiibeeti asheenaꞌo daggeexo noani, gubb shokiree aallemminaꞌo daggeexo toono noone.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.