Mishiraachechinaꞌo 2:40 - Kafa Linguistics Project

⁴⁰ Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye.

Mishiraachechinaꞌo 2:40 ပူးပေါင်းရင်းမြစ်များ

Shaahiyoo 9:6

Tuushoo tunoon qayote; kashoonoo beebote; shalligee gommonoo hambote” iyan.

Erimiyaasi 51:45

“Ta asheenaꞌote, bi daggoochee keyote; Doono Yeerichi kaaree shiixxoochee ittoshi qelloon wodiibote.

Maatiyoosi 12:34

Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye.

Maatiyoosi 16:4

Hini gondoonaa yahechona tuneti shiijjeroo malletoon beegoyich qaawii beetone; tunetaa Yoonaasichi malletoyee besh bare malletoo biich icheyaachemmone” iye. Bi ishichitoyee gubb arooch boonoshin duppiichii bare xaaꞌooch hammiye.

Maatiyoosi 17:17

Yesuusi wochiꞌi boonoshich ishichiye: “Hini, Yeeri toommooch mulloon tooꞌiyaani xumme shiijjereenaꞌote! Aati wottoon ittoshina tookki beeyehote? Amee wottoon ittoshin haaꞌiyehote? Eke ta waan bushoon deebote” iye.

Maatiyoosi 23:33

“Hini dingereenaꞌote! Xekerechi bushiisheenaꞌote! Yeeri nallemmi shiweree qaaqqoochee aabichiree muriccehote?

Maariqoosi 8:38

Illa Ashi Bushoo ta wotta ta Nihoochi oogee yiiroona yaafe maraakeenaꞌona tookkaa ta waahooba, hini yahechonaa axaaxoona tuneti shiijjeroo daggooch taannaa ta qaaroonoyich yeellemmo bullina yeellemmo taane” iye.

Luqaasi 16:28

uuche ta maneenaꞌo beetinaꞌone. Boonoshi wotta hini xuuxee xaaꞌooch boonoshi waataachemmoyich, Alazaari hamiree boonoshich gete’ iye.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Yowannisi 21:25

Yesuusi shuuneti wodde bare mooyo wotta beetone; bulli ikka gutta getaa bi kooreeto gaata, kooreeti macaafeenaꞌoyich alemo bedaachemmo taach shaahii beete.

Mishiraachechinaꞌo 10:42

‘Kashechinaꞌonaa qiteenaꞌonochi toommooch nallibe’ iꞌi Yeeri biin ukkiriyoon no gettemmonaa no miixemmonoyich nooch gettitone.

Mishiraachechinaꞌo 15:32

Yihudinaa Sillaasina wotta keemechinaꞌo boonoshi tunetoyich, kittinnee maneenaꞌon wodde ciicoona ciicciꞌi kupphiiheete.

Mishiraachechinaꞌo 20:11

Wottee toommeexi kexooch kechiꞌi, asheenaꞌona tookkii koshon tiichiꞌi maahe. Phawuloosi wochiꞌi, meeti saatoon showoo harimmi wottoon yibbaatehe; aroochee tiyii hammiye.

Mishiraachechinaꞌo 20:2

Are showoona hammiibee, kittinneenaꞌon wodde qaaroona ciicciibee, besheꞌi Giriikee showooch shaggiye.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 20:9

Awuxekiisi getteebeeti ikke gurimaashoo mallee kellooch koteꞌi bi beetaa, Phawuloosichi yibbaatee genjoona tokketoo biin daammiye. Biyoo kechi toommeexi keejjinnee kexoochee showooch holliye. Asheenaꞌo tiijjiꞌi bi kasho kechiton daneheete.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 4:36

Arooba Qoophiroos shiijjeti, Yooseefi getteebeeti ikke Lewee asho beehe. Mishiraachechinaꞌo biinoo Barnabaasi iꞌi shigiiheete; ebiyoo Goggiyee Bushoo getone.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

Galaati 5:3

Dokireyoon qaawii beetinaꞌo bulli, sheeroo bullin ceechoo boonoshich qaawii beeto bi tunoon boonoshi ikkikkoyich daakkaa manjiiꞌa gettoye.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Yibbaatoo 32:5

“Tunebaani ittoshi, Doono Yeeri toommooch axaaxoon shuuneto ittoshine; ebi ittoshi gonde shuunee naboona, bi bushiishoo getaa ceekkeyaachemmo ittoshine; ittoshiyoo wuuqqoonaa xummoona tuneti asho ittoshine.

1 Tasaloonqi 2:11

Bi taatittinoonaa bi oogee yiiroonoochee ittoshi qoodeyemmoyich ittoshin ceeggiti Yeerin emirikkiibeeti beemona ittoshi beeyemmoyich, ittoshin ciiccaabee, kupphiibee, xalla gettaabee, nihoo bi bushiishoyich tunii beetoommon, ittoshi ikkikkoyich no tuniyoon ariibeeto ittoshine.

1 Ximootiyoosi 4:16

Ne kittinnittinee qocoyich, ne dojjaabeeti doyoyichoo ne qelloon ariibe. Eboshi bullin tuniyoyich kupphebe. Ebin ne tuniigaata, neennaa ne waanee waayee beetinaꞌonon wodiyemmo neene.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.