Mishiraachechinaꞌo 2:4 - Kafa Linguistics Project

⁴ Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.

Mishiraachechinaꞌo 2:4 ပူးပေါင်းရင်းမြစ်များ

2 Saameeli 23:2

“Doono Yeerichi Ayaano ta gettemmon taach gettiye; bi qaaro ta noonooch tunehe.

Isiyaasi 28:11

Doono Yeeri dallaaweenaꞌochi noonoona, aricheyaani noonoon yibbaatee beetinaꞌona hini asheenaꞌoyich gettemmone.

Isiyaasi 59:21

Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.

Erimiyaasi 6:11

Ebich Doono Yeeri ippoommon ippeto taane; haaꞌii maac yeshon womiito taane. Aroochee Doono Yeeri taach ishichiye “Gommooch beeti bushiisheenaꞌo toommooch, wottoo kiceeꞌi beeti gurimaasheenaꞌo toommooch, ebi kaaroon kindiibe; kenoonaa mecheena, geenetinaꞌonaa baayetinaꞌona yeshaa hammemminaꞌone.

Hiziqeeli 3:11

Hamiree kecooch beeti ne asheenaꞌoyich gete; boonoshi waayetaa woyee waayo qajjitaa ‘Nuggishoo Doono Yeeri ishichiye’ gete” iye.

Mikiyaasi 3:8

Tunebaani ta, Israꞌeeleenaꞌoyich boonoshi xuꞌoonaa axaaxoonon ta gettemmoyich, Doono Yeeri bi Ayaanoon, giidoon, dayinnetoonaa hakkoonon taach immitone.

Maatiyoosi 10:19

Asheenaꞌo ittoshin beshii imiyooba ‘Aabichiree gettehone?’ woyee ‘Ama gettehone?’ getiree xuuxeyaahote; areegaata ittoshi gettemmon Yeeri ittoshich immemmone.

Maariqoosi 16:17

Mulloon tooꞌii beetinaꞌo ebi malletoon tuniyemminaꞌone: Ta shigoona asheenaꞌo toommoochee yinneenaꞌon yookkemminaꞌone; andire noonoona yibbaatemminaꞌone;

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Luqaasi 1:41

Elsabeexiyoo Maariyamichi diggiyee qaaroon bi waayemmona, yeqqefoo bi maacoochaa tuguceeꞌi capphiye. Bekkech Elsabeexi Yaafe Ayaanoona ceennaꞌa,

Luqaasi 1:67

Arooba bushoochi nihoo Zakaariyaasiyoo Yaafe Ayaanoona ceenniꞌi ishichii keemoon keemmiye:

Luqaasi 4:1

Arooba Yesuusi Yaafe Ayaanoona ceenniꞌi Yoordaanoosi aacoochee wottehe; Yaafe Ayaanoo barahooch biin daammiye.

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Yowannisi 20:22

Ishin bi gettitoyee gubb boonoshi toommooch kachiichii, ishichiye: “Yaafe Ayaanoon deꞌote;

Mishiraachechinaꞌo 1:5

Yowannisi asheenaꞌon aacona afaallitone; tunebaani and giisheche aaboyee gubb Yaafe Ayaanoona afaalleyemmo ittoshine” iꞌi gettiye.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 10:46

Ebiyoo andire noonoona yibbaateebee Yeerin boonoshi oogii beetaa, boonoshi waayetoyichiye. Arooba Pheexiroosi tiyiꞌi hini are Ayihudeenaꞌoyich,

Mishiraachechinaꞌo 10:47

“Hini asheenaꞌo toommooch wotta noochoommon Yaafe Ayaano kinditone; illa aacona boonoshi afaalleyaachemmoyich, konine boonoshin bayon hakkemmo?” iye.

Mishiraachechinaꞌo 11:15

“Aree hillooch batt yibbaatooch ta giyemmona, Yaafe Ayaano shiichiꞌi no toommooch bi kindoommon boonoshi toommooch kindiye.

Mishiraachechinaꞌo 11:24

Yaafe Ayaanoona ceennitonaa gaabbaanoon mulloon Yeeri toommooch tooꞌiibeeti deꞌe uroonane. Arooba meeti asheenaꞌo Doono waan wotteheete.

Mishiraachechinaꞌo 13:52

Arooba Yesuusichi dabbeenaꞌo oogichii emiriyeete; Yaafe Ayaanoonoo ceenniyeete.

Mishiraachechinaꞌo 13:9

Phawuloosi getteebeeti Sawuli Yaafe Ayaanoona ceenniꞌi manjii biin ciinniꞌi,

Mishiraachechinaꞌo 15:8

Arooba ashi mulloon ariibeeti Nuggishoo, nooch Yaafe Ayaanoon bi imoommon, boonoshich wotta Yaafe Ayaanoon bi imona boonoshin bi hoxee qayon miixehe.

Mishiraachechinaꞌo 19:6

Phawuloosiyoo bi kishoon boonoshi toommooch bi kotiitaa, Yaafe Ayaano boonoshi toommooch kindiye. Aroochee boonoshi ariyaani noonoona yibbaateheete; keemoonoo keemmiyeete.

Mishiraachechinaꞌo 2:3

Qaaqqee aaxxee nalloommon qoodeeꞌi, boonoshi bulli toommooch kindoon beeggiyeete.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Mishiraachechinaꞌo 4:8

Arooba Pheexiroosi Yaafe Ayaanoona ceenniꞌi ishichii wochiye: “Hini asheenaꞌochi ukkireenaꞌonaa showee geeneenaꞌonote!

Mishiraachechinaꞌo 6:3

Ebich no maneenaꞌote, ittoshi daggoochee shabaatte asheenaꞌon kaacote. Ebi ittoshi kaaccemmi asheenaꞌo ‘Yaafe Ayaanoonaa shalligoona ceenniti asheenaꞌone’ getaa miixeetinaꞌo tunebeete; hini shuunoyich boonoshin ukkiriibone.

Mishiraachechinaꞌo 6:5

Asheenaꞌo bulli ishin waayeꞌi emiriyeete. Ebich Yesuusi toommooch mullee tooꞌiyoona, Yaafe Ayaanoonoo ceenniti uro Isxifanoosin, Filipphoosin, Phirookiroosin, Niqaaroonin, Xemoonin, Pherimoonin, Ayihudeenaꞌo waan wotteti Antsookechi Niqolawiyoosin kaacciyeete.

Mishiraachechinaꞌo 6:8

Isxifanoosi Yeeri biich wojjoonaa giidoonon imaa asheenaꞌo daggooch giidechi gaakkechi shuunoonaa worganikkiti malletoonon tunii beehe.

Mishiraachechinaꞌo 7:55

Tunebaani Isxifanoosi Yaafe Ayaanoona ceenniꞌi shimaayooch manjii ciinniꞌi, Yeerichi oogee yiiroonaa Yesuusi Yeerichi qanne badd neexeꞌi bi beemonon beeggiye.

Mishiraachechinaꞌo 8:17

Arooba Pheexiroosinaa Yowannisina are asheenaꞌochi toommooch kishoon boonoshi kotiitaa, Yaafe Ayaano boonoshi toommooch kindiye.

Mishiraachechinaꞌo 9:17

Ebich Hanaani hammiꞌi are kexooch giyiye; Sawuli toommooch bi kishoon kotiiꞌi, “Ta manoo Sawulo! Wochinnoon ne aafo ciinnemmonaa Yaafe Ayaanoona ne ceennemmonoyich, ne waan Doono taan deejjitone. Biyoo hiniich ne waa beetaa, gommoochaa neech bekketi Yesuusine” iye.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

1 Qorontoosi 12:10

wotta are Yaafe Ayaano ikkoyich gaakkechi mooyon shuunee hakkoon, baroyich wotta keemoon keemmi hakkoon, baroyich wotta ayaaneenaꞌon baribariiꞌi ariyee hakkoon, baroyich wotta baribare noonoona yibbaatee hakkoon, baroyich wotta are baribare noonoona yibbaateeton biichii wokkeellee hakkoon immiye.

1 Qorontoosi 13:1

Asheenaꞌonaa maraakeenaꞌonochi nooneenaꞌona ta yibbaatetaa, shuno taach aallegaata, shuurikkimmona qaaddiibeeti gooshoommo woyee qaaxilloommo taane getone.

1 Qorontoosi 13:8

Shunoyich ciiro aalloone; keemo bi tunetaa, beshechone; baribare noonoona yibbaatee wojjoo bi tunetaa, echechone; ariyee wojjoo bi tunetaa, beshechone.

1 Qorontoosi 14:18

Ittoshi bulliyee beshoon baribare noonoona ta yibbaataa beetoyich, Yeerin galletehoye.

1 Qorontoosi 14:5

Baribare noonoona ittoshi yibbaatoon shunnaabeeto taane; tunebaani beshoon ta shunnaabeeto, keemoon ittoshi keemoniye. Baribaare noonoona yibbaateeti yibbaatoo kittinnee guuphon bi eenniyemmoyich, wokkeelli biichemmi asho aallegaata, baribare noonoona yibbaateebeeti ashoyee keemoon keemmiibeeti ashoone besho.

Efesooni 3:19

Wotta ariyoyee beshiti Kiristoosichi shunoon ittoshi ariyemmoyich, ebina Yeerin ciroona shaahoyich ittoshi beddemmoyich corootaabeeto taane.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.

1 Saameeli 1:14

Biyoo “Aati wottooniye ne mashe beeyemmo? Ebi woyinee uyoon ne waanee wokkiibe” iye.

1 Saameeli 10:10

Gibaaha boonoshi shaggimmona, ikke guuphi keemechinaꞌo biinna daneheete. Yeerichi Ayaano giidoona bi toommooch kindaa, boonoshina tookkii keemoon keemmiye.