Mishiraachechinaꞌo 2:39 - Kafa Linguistics Project

³⁹ Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Mishiraachechinaꞌo 2:39 ပူးပေါင်းရင်းမြစ်များ

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 54:13

Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Isiyaasi 57:19

Boonoshi noonoochee galletoon aafiyemmo taane; wohonaa katinoonooch beetinaꞌoyich diggoo tunebe; boonoshin wodiyemmo taane” iye Doono Yeeri.

Isiyaasi 59:19

Doono Yeeri, yuboo gasheebeeti ambamboochoommon woyemmo bi tunetoyich, aabi-gimo waan beetinaꞌo Doono Yeeri shigoon, aabi-keyo waan beetinaꞌoo bi oogee yiiroon shattemminaꞌone.

Isiyaasi 59:20

“Biishecho Tsiyoon, boonoshi axaaxoochee wotteti Yaaqobi yareenaꞌo waan woyemmone” iye Doono Yeeri.

Isiyaasi 65:23

Boonoshinaa boonoshi bushiishoona Doono Yeerina diireetinaꞌo boonoshi tunetoyich, duuboon aayaachemminaꞌone; aallemmi bushiishoon shiyaachemminaꞌone.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Mishiraachechinaꞌo 10:45

Pheexiroosina tookkii waati, boonoshi mulloon Yesuusi toommooch tooꞌiiti Ayihudeenaꞌo, Yeerichi wojjoo tuneti Yaafe Ayaano Aageteenaꞌo toommooch bi kindoon beeggiꞌi worganeheete.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

Mishiraachechinaꞌo 15:14

Yeeri shiichiꞌi Aageteenaꞌo daggoochee bi hajjoo tunemmi asheenaꞌon bi kichoona boonoshin bi shunon aabichiꞌi bi bekkiito gaata, Simooni and gettitone.

Mishiraachechinaꞌo 15:3

Ebich hini kaachetinaꞌon kittinnee guuphi asheenaꞌo deennii Yerusaalem daachiiheete. Boonoshiyoo hammii Finqee showoonaa Shamaaree showoonon besheebee, Aageteenaꞌo Yeer waan wottoon gettiyeete. Kittinnee maneenaꞌo ishin waayeꞌi oogichii emiriyeete.

Mishiraachechinaꞌo 15:8

Arooba ashi mulloon ariibeeti Nuggishoo, nooch Yaafe Ayaanoon bi imoommon, boonoshich wotta Yaafe Ayaanoon bi imona boonoshin bi hoxee qayon miixehe.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

Roomi 9:24

Eboshiyoo noone getone; noonoo Ayihudeenaꞌo daggoochee baach tuneyaanoon, Aageteenaꞌo daggoochee wotta ceeggitone.

Roomi 9:4

Boonoshiyoo Israꞌeelee macceenaꞌone; Yeeriyoo boonoshin bi hajjee bushiisheenaꞌo tuniihe; bi oogee yiiroochee boonoshich qoodiye; wogoonoo boonoshina tookkii giyiye; sheeroonoo boonoshich immiye; yaafee kechi maddee doyoon, meeti baribare gibenee qaaroonoo boonoshich immiye.

1 Qorontoosi 7:14

Ishichaa ta beeto, Kiristoosi toommooch mulloon tooꞌiyaani keno bi mulloon tooꞌiiti mecheena diireeto bi tunetoyichiye; ebiyoommon wotta Kiristoosi toommooch mulloon tooꞌiyaani mechee bi mulloon tooꞌiiti kenoona diireeti bi tunetoyichiye. Ebi bi tuno qayigaata, boonoshi bushiishoo eeꞌeenaꞌo tunemminaꞌone; tunebaani ibere mooyoochaa boonoshi bushiisheenaꞌo Yeerich yaafeetinaꞌone.

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.

Efesooni 4:4

Yeeri ittoshin bi ceegiyooba ikke gibenoyich bi ceeggitoommon, ittoshi bullich ikke Yaafe Ayaano beetoyich ikke ashittinee quumo ittoshine.

Yibbaatoo 29:15

Bi giyiibeeto, hanaach hiniich, bi aafooch neexeebeeti ittoshi bullinaa wotta gubbi ittoshi shiijjereenaꞌona tookkiiniye.

2 Tasaloonqi 1:11

Ebich wotta no Nuggishoo bi ceeggiti gaboyich bedditon ittoshin bi tuniyemmoyich, tuniyoyich ittoshi gabiibeeti gaawe gaboon bi giidoona ceechiree, Kiristoosi toommooch mullee tooꞌiyoona ittoshi tuniibeeti shuunoyich ittoshin bi gaachemmoyich, bulli aaboon ittoshich corootaabeeto noone.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

2 Pheexiroosi 1:10

Ebich ta maneenaꞌote! Ittoshi ceekkoonaa kaachoonon manjiyoyich, aafichoyee beshoon kupphebote. Ebi mooyinaꞌon ittoshi tuniigaata, ittoshin tephi dichemmi mooyo ciroona aalloone.

2 Pheexiroosi 1:3

Yesuus Kiristoosi bi oogee yiiroonaa bi deꞌittinoonoochee no qoodeyemmoyich, noon ceeggiton no ariyoona yaafeeti kashoonaa Yeerin oogiibeeti qocoona no beeyemmoyich bi Nuggishittinee giidoona qaawiibeeti mooyo bullin nooch immiye.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 19:9

Are maraakoo taach ishichiye: “ ‘Bagoochi gaaree gifirooch ceekketinaꞌo diireetinaꞌone’ getiree kooribe” iye. Daakkiꞌinoo taach “Ebi Yeerichi ibere qaaroone” iye.