Mishiraachechinaꞌo 2:20 - Kafa Linguistics Project

²⁰ Arooba oogeti magge mooyo halleyemmi, Doonochi aabo womoyee shiichi, aabe manderemmine; ageneyoo damoo tunemmine.

Mishiraachechinaꞌo 2:20 ပူးပေါင်းရင်းမြစ်များ

Isiyaasi 13:10

Shimaajji xojjeneenaꞌonaa guuphi xojjeneenaꞌona aaxxeyaachemminaꞌone; batt kechaabeeti aabe manderemmine; ageneyoo aaxxe bekkeyaachemmine.

Isiyaasi 13:15

danemmo bulli koyaa qitemmone; yechemmo bulliyoo goraadoona dihemmone.

Isiyaasi 13:9

Showoon shokko echiyoyich, axaaxechinaꞌon bi daggoochee aalliyoyich, maacmanjoon tuneꞌi, naxoona, kupphe kaaroona ceenniꞌi ebiyoche Doono Yeerichi aabo waa beetone.

Isiyaasi 24:23

Beshe Mawe Doono Yeeri Tsiyooni guudonaa Yerusaaleminoochaa taatemmo bi tunetoyich, agene manderemmine; aabeyoo aaxxeyaachemmine; bi asheenaꞌochi ukkireenaꞌo aafooch bi oogoon bekkiyemmone.

Isiyaasi 34:8

Doono Yeeri, Tsiyooni toommooch bi tuniitoommon tuniiree, Edoomi toommooch nichoon bi gaaccemmi aabo beetone.

Erimiyaasi 4:23

Showee toommooch ciinneho; ebiyoche xafoonaa amaalli hulloonane; shimaayoon ciinneho; bekko arooch aalle.

Yoꞌeeli 2:1

Doono Yeerichi aabo waa beetone; ebiyoo katinnitone. Tsiyoonaa tiroon (waaringoon) hugote! Shametoonoo Doono Yeerichi yaafe geppoochaa hugote! Yihudee showooch beetinaꞌo bulli qewebeete.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Yoꞌeeli 3:14

Nalloo kindemmi bamboochaa bi nallemmi, Doono Yeerichi aabo shaggitone; ebich mattiqutte asho arooch kiceetone.

Amootsi 8:9

Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane.

Milikiyaasi 4:5

“Ebiyoche, oogoonaa shattiitona tuneti Doono Yeeri ta aabo waataan beetaa keemechi Eliyaasin ittoshich deejjemmo taane.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Maatiyoosi 27:45

Aree hillooch haree shiritte saatoochee tiijjiꞌi yiixiye saato beddimmi wottoon showoo bulli manderehe.

Maariqoosi 13:24

Wotta Yesuusi daakkiꞌi ishichiye: “Ebiyooba ebi are xuuxoyee gubb, ‘Aabe manderemmine; ageneyoo aaxxeyaachemmine;

Luqaasi 21:25

Wotta Yesuusi daakkiꞌi ishichiye: “Are yemeeno ciirehooba aabeenaa ageneenochi toommooch, xojjeno toommoochoo malletoo bekkemmone. Showoo bulli toommoochoo baharoonaa aachi aayonochi cookoochee tiyitona aageteenaꞌo gaabbibee xuuxemminaꞌone.

Mishiraachechinaꞌo 2:19

Gaakkechi shuunoon damba shimaayooch, worganikkiti malletoonoo desh showooch, bekkiyemmo taane; damoo, qaaqqoo, cufee duulloo tunemmone.

Mishiraachechinaꞌo 2:21

Doonochi shigoon ceeggimmo bulli wodemmone” itone’ iye.

1 Qorontoosi 5:5

bi meeno aalleechaa Doono Yesuus Kiristoosi woyemmi aabooba bi kasho wodemmoyich, ebiyoommi asho Sheexaanoyich beshiitaa ichebe.

1 Tasaloonqi 5:2

Doonochi aabo bi woyemmo, gaayo xumoona bi womoommon tunoon manjiiꞌi ariibeeto ittoshine.

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.

Yaaꞌoo 16:8

Awuddinnee maraakoo bi yechiti xoofoon aabe toommooch ukkiye; aabeyoo qaaqqoo gaamoommon gaamiree ashoon bi michemmoyich daaggeehe.

Yaaꞌoo 6:12

Bagoo shirittinnee maatemoon bi gaxximmona beeggeho; oogeti showee qewo tunehe; aabeyoo shiixxoon shaahaꞌa aaqqahan; ageneyoo damoon shaahaa ceellahan.