Mishiraachechinaꞌo 2:10 - Kafa Linguistics Project

^10-11 Firigee, Fenfulee, Gibitsee, Qereni gafee gaꞌooch beeti Liibiyee waati no, Roomee waati iibbe Ayihudo noonnaa Ayihudeenaꞌo waan wotteti noonna, Qerixeesee, Arabee showoocheenoo waati no, Yeeri shuuneti gaakkechi shuunoon no showi showee noonoona boonoshi yibbaatetaa waayaabeeto noone” iyeete.

Mishiraachechinaꞌo 2:10 ပူးပေါင်းရင်းမြစ်များ

Halloo 12:10

Arooba Kanaanee showooch shaacoo giyiye. Giidechi shaacoo giyitoyich, Abraami ebi shaacoo beshemmi wottoon koteya desh, Gibits hammiye.

Asteeri 8:17

Taatoochi awaajjo shaggiti woraafeenaꞌonaa katemeenaꞌo bullinooch beeti Ayihudeenaꞌo oogeton emiriyeete; emiroonoo wucwucciyeete; gifiroon geddiꞌi baaroon baariyeete. Ebina Ayihudeenaꞌon shatoochee tiyitona, meeti aagetee asheenaꞌo Ayihud wotteheete.

Erimiyaasi 46:9

Haresheenaꞌote, keyote! Gaarinaꞌote, yubibote! Ginee anaaminaꞌo, gaachoon kalleti, Topphiyee asheenaꞌonaa Fuuxee asheenaꞌona, wottoo maꞌoon awureebeeti Luudee asheenaꞌoo, keyeete” iye.

Erimiyaasi 9:26

Gibitseenaꞌo, Yihudee asheenaꞌo, Edoomeenaꞌo, Amooneenaꞌo, Moꞌabeenaꞌonaa boonoshi qelloon qebbii beeti, barahooch kotetinaꞌo bullina, ebi aageteenaꞌo bulli ta qaawitoommon dokireyaaneenaꞌone; ebiyoommon wotta Israꞌeelee kechi asheenaꞌo bullichi mulloo dokireyaanoone” iye.

Hiziqeeli 30:5

“ ‘Topphiyee, Fuuxi, Luudi, Arabee showoo bulli, Liibiyi, wogee showee asheenaꞌooch beddaahaa Gibitsina tookki goraadoona dihemminaꞌone.

Daaneeli 11:43

Gibitsee showee gaanno tuneti aachoonaa birewoonon, aaxxe mooyo bullinoo bi kishooch tuniyemmone. Liibiyee showoonaa Topphiyee showoonon hajjemmone.

Hosee'i 11:1

Doono Yeeri ishichiye: “Israꞌeelin batt busha bi beetaa shunnehoye; ta bushoonoo Gibitsee ceeggehoye.

Zakaariyaasi 8:20

Beshe Mawe Doono Yeeri ishichiye: “Meeti katemoochee dofee asheenaꞌo woyemminaꞌone.

Zakaariyaasi 8:23

Beshe Mawe Doono Yeeri ishichiye: “Ebiyooba baribare noonoona yibbaateebeeti aageteenaꞌoochee, aashire asheenaꞌo ikke Ayihudo waan waa, bi qoreddee caappoon yeshiichi, ‘Yeeri ittoshina tookkii beeto bi tunoon no waayetoyich ittoshina tookki hambone’ gettemminaꞌone” iye.

Maatiyoosi 2:15

Heroodisi qitimmi wottoon arooch kotehe. Ebi tuneto, Doono keemechochi noonoona, “Ta Bushoon Gibitsee ceeggoye” iꞌi bi gettito ceennemmoyichiye.

Maatiyoosi 23:15

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Ikke uroon ittoshi waan wochoyich baharoonaa showoonon guuddiyote. Ashoon ittoshi danetoyee gubb ittoshi toommooch kindemmoyee beshe shiweree qaaqqee nalloon bi toommooch kindiihote.

Maatiyoosi 27:32

Yerusaalemee kechiꞌi Simooni getteebeeti Qerenechi uroona daneheete; biinoo “Yesuusichi masqaloon shaage” iꞌi yechiyeete.

Maariqoosi 15:21

Hammii boonoshi beetaa, Iskindiroosinaa Rofoosinochi nihoo Qerenechi Simooni goyechi gafoochee waa beshee bi beetaa daneꞌi, “Masqaloon shaage” iꞌi yechiyeete.

Mishiraachechinaꞌo 11:20

Tunetaa boonoshi daggoochee Qoophiroosee showoonaa Qereni katemoonoochee waati ikkikkeenaꞌo Antsooka hammiꞌi, Doono Yesuusichi mishiraachee qaaroon Aageteenaꞌoyich wotta gettiyeete.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 13:13

Phawuloosinaa biinna tookkii beetinaꞌona markaboona, Phaafee tiyiꞌi, Fenfula beeti Feriga hammiyeete. Aroochee Yowannisi boonoshi waanee bariꞌi Yerusaalem wottee hammiye.

Mishiraachechinaꞌo 13:43

Kiceeti asho shaccetoyee gubb, Ayihudeenaꞌonaa Ayihudeenaꞌo waan wotteꞌi Yeerich qeyii beetinaꞌonochi daggoochee meeti asheenaꞌo Phawuloosinaa Barnabaasinon dabbiyeete. Phawuloosinaa Barnabaasina hini asheenaꞌon “Yeeri ittoshich immiti wojjoona manjiree beebote” iꞌi ciicciyeete.

Mishiraachechinaꞌo 14:24

Ebiyee gubb, Fesidee showoona besheꞌi, Fenfulee showooch hammiyeete.

Mishiraachechinaꞌo 15:38

Tunetaa Phawuloosi boonoshina tookkii bi hamon shunaanoone. Ebiyoo ebiyee aaf Maariqoosi boonoshiyee bariꞌi Fenfulee showooch bi echetoyich, shuunoonoo boonoshina tookkii shuunoon bi qajjitoyichiye.

Mishiraachechinaꞌo 16:6

Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

Mishiraachechinaꞌo 17:21

Ebin boonoshi echeti naboo Ateeni katemeexi asheenaꞌo bullinaa iibbittinoona waaꞌi arooch beeti bare asheenaꞌona andire mooyon yibbaateebee, waayeebeenoo boonoshi heechii beetoyichiye.

Mishiraachechinaꞌo 18:2

Aroochaa Faantoosee showooch shiijjeti Aqili getteebeeti ikke Ayhudoona danehe. Aroo, Qelawudoosi “Ayihudeenaꞌo bulli Roomee keyeete” bi itoyich, giisheche aaboyee aaf bi mechee Phirisqilina tookkii Xaaliyaanee showoochee waahe. Phawuloosi are asheenaꞌo waan hammiye.

Mishiraachechinaꞌo 18:23

Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.

Mishiraachechinaꞌo 23:11

Bi decharoobee xum Doono Yesuusi Phawuloosi gaꞌooch neexeꞌi, “Yerusaalem ta miixoo ne tunetoommon, ebiyoommon Roomaa wotta taach ne miixemmoyich qaawiihe; ebich kupphebe” iye.

Mishiraachechinaꞌo 27:5

Kiliqinaa Fenfulee showee gaꞌoonooch beeti baharoon no kimmetoyee gubb, Liqiyee showooch beeti Muuri katemooch shaggehon.

Mishiraachechinaꞌo 28:15

Are Roomi kittinneenaꞌo no womon waayeꞌi Apiyoosi Gabiyoonaa Keejje Iibbee Kexo getteebeeti xaaꞌoonooch beddaahaa noonna daneya waaheete. Phawuloosi boonoshin ciinniꞌi tiyii Yeerin galletehe; bi mulloo kupphehe.

Mishiraachechinaꞌo 6:5

Asheenaꞌo bulli ishin waayeꞌi emiriyeete. Ebich Yesuusi toommooch mullee tooꞌiyoona, Yaafe Ayaanoonoo ceenniti uro Isxifanoosin, Filipphoosin, Phirookiroosin, Niqaaroonin, Xemoonin, Pherimoonin, Ayihudeenaꞌo waan wotteti Antsookechi Niqolawiyoosin kaacciyeete.

Mishiraachechinaꞌo 6:9

Arooba Qereni katemoonaa Iskindiri katemoonoochee, Kiliqee showoonaa Isiyee showoonoochee waati Ayihudeenaꞌo Guuchittinoochee Kechiti Ayihudeenaꞌo Kiceebeeti Kexo getteebeeti kexooch kicee beeheete. Eboshi daggoochee ikkikkeenaꞌo tiyiꞌi Isxifanoosina tookkii taggeheete.

Roomi 1:15

Ebich Room beeti ittoshich wotta mishiraachee qaaroon getoyich qaataabeeto taane.

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

2 Ximootiyoosi 1:17

Room bi waahooba, bulli xaaꞌoon guuddiibee taan qaawii danetone.

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.