Mishiraachechinaꞌo 19:9 - Kafa Linguistics Project

⁹ Tunebaani ikkikkeenaꞌo “Phawuloosi yibbaatoyich deꞌa getaachone” iꞌi dofee ashi aafooch Doono Yesuusichi gommon naageheete. Ebich Phawuloosi boonoshi waanee wokkiꞌi, kittinneenaꞌon ikke badd kichiꞌi, Xiraanoosi goddemmoochaa, qemi qemona yibbaatee beehe.

Mishiraachechinaꞌo 19:9 ပူးပေါင်းရင်းမြစ်များ

2 Taateenaꞌo 17:14

Tunebaani boonoshi Nuggishoo Doono Yeerin gibeneyaani boonoshi qaabbechinaꞌochoommon babbereheetani, waayeyaaneenaꞌone.

2 Kiinoo 30:8

Ittoshi qaabbechinaꞌo tunetoommon, babberoo tuneyaahote. Ittoshi qelloon Doono Yeerich hajjiibote; bulli yemeenoon bi yaafiti yaafee kexooch wobote; kupphe bi kaaro ittoshi waanee bi wottemmoyich, ittoshi Nuggishoo Doono Yeerich goyinnebote.

2 Kiinoo 36:16

Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

Nehimi 9:29

“Ne sheeroo waan boonoshi wottemmoyich kupphiyaꞌa gettehine; tunebaani boonoshi geeciyeetani, ne geteenaꞌon ceechaaneenaꞌone. Asho bi ceechigaata kashoona bi beeyemmoyich tuniibeeti ne getoon shaaddeheete; boonoshi gubboon ne waan wochiyeete; babbereꞌi, ne getoon qajjiyeete.

Shoddo 95:8

ittoshi qaabbechinaꞌo Meriibaa, Masaahi barahoochaa tuniitoommon, ittoshi mulloon muumiyaahote.

Shaahiyoo 8:34

Ta waanee waayeebeeti asho, qemi qemona ta kellooch daneebeeti, ta kellee gaꞌooch taan quyeebeeto, diireetone.

Isiyaasi 8:14

Tawoo yaafee kexon tunemmo taane; tunebaani Israꞌeelee yareenaꞌoyich tephemmi xaqqoon, yexi dichemmi xaqqee guudon tunemmo taane; Yerusaalemi asheenaꞌoyichoo shaachoonaa olloonon tunemmo taane.

Erimiyaasi 19:15

“Israꞌeelee Nuggishoo Beshe Mawe Doono Yeeri ishichiye: ‘Ta qaaroon boonoshi waayee qayoyich mulloon boonoshi babberiitoyich, hini katemoonaa bi gafeenaꞌo bullinochi toommooch ta getteti gonde mooyon deebemmo taane’ itone” iye.

Erimiyaasi 7:26

Tunebaani boonoshi mulloon muumiiheetani taachon waayeyaaneenaꞌone; boonoshi waamon gaꞌiyaaneenaꞌone; halla boonoshi qaabbechinaꞌo tuniitoyee beshe gonde mooyon tuniiheete.

Maatiyoosi 15:14

Boonoshin qayote; aaf doogoon yaabiibeeti aaf doogeenaꞌone; aaf doogo aaf doogoon bi yaabigaata, gutteenaꞌo yesheree oppooch dihemminaꞌone” iye.

Maatiyoosi 16:4

Hini gondoonaa yahechona tuneti shiijjeroo malletoon beegoyich qaawii beetone; tunetaa Yoonaasichi malletoyee besh bare malletoo biich icheyaachemmone” iye. Bi ishichitoyee gubb arooch boonoshin duppiichii bare xaaꞌooch hammiye.

Maatiyoosi 26:55

Arooba Yesuusi dofee asheenaꞌoyich “Bokkoon yeshoommon taan yecha goraadoonaa yeelloonon yechiꞌi waahote? Yaafee kexooch bulli aaboon kotaꞌa dojjaa ta beehooba, taan yeshaano ittoshine.

Mishiraachechinaꞌo 11:26

qaawii daneꞌi Antsooka deebiye. Gutteenaꞌoo ikke naton arooch beeti kittinnee guuphi asheenaꞌona tookkii kiceebee, meeti asheenaꞌoyich Yeerichi qaaroon dojjiyeete. Arooba batti batt Yesuusichi dabbeenaꞌo Antsookaa kittinneenaꞌo getaa ceekkeheete.

Mishiraachechinaꞌo 14:4

Katemeexi asheenaꞌo bulli gutta qoodeeꞌi, qatinaꞌo Ayihudeenaꞌona tookkii, qatinaꞌo mishiraachechinaꞌona tookkii tuneheete.

Mishiraachechinaꞌo 17:4

Ebich boonoshi daggoochee ikkikkeenaꞌo bi gettiti qaaroon iberiiꞌi Phawuloosinaa Sillaasina tookkii ikkotteheete; wotta Yeerich qeyiibeeti, meeti Giriikeenaꞌonaa are katemoochee aricheti genneenaꞌona boonoshina tookkii ikkotteheete.

Mishiraachechinaꞌo 19:23

Arooba ebi Doonochi gommi naboona Efesoon magge dulloo tiyiye.

Mishiraachechinaꞌo 19:30

Phawuloosiyoo “Asheenaꞌo aafooch hami neexeree yibbaatemmo taane” iꞌi hamma bi tiyaa, kittinneenaꞌo hamaachine iꞌi bajjiyeete.

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

Mishiraachechinaꞌo 22:4

Wotta maacheenaꞌonaa anaaminaꞌonon cuchaꞌa cuyee kexooch beshii immaabee, Yesuusichi gommon dabbii beetinaꞌon qitooch beddaahaa duꞌiito taane.

Mishiraachechinaꞌo 24:21

Iberoon boonoshi aafooch neexaa ta qaaroon oogichaꞌa, ‘Hanaach ittoshi aafooch ta giddeto, “Qititinaꞌo tiyemminaꞌone” iyaꞌa ta gibenetoyichiye’ iyoye. Ebiyee damba bare mooyon getaano taane” iye.

Mishiraachechinaꞌo 28:22

Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Mishiraachechinaꞌo 9:2

Hammiꞌi, “Damaasiqi katemooch beeti Ayihudeenaꞌo kiceebeeti kechi ukkireenaꞌoyich koorichoon kooriree taach imbe; arooch Yesuusichi gommon dabbii beetinaꞌon, anaaminaꞌo tunebeeta maacheenaꞌon yeshi cuyiree Yerusaalem deebona” iꞌi qollehe.

Roomi 11:7

Aroochee amo tunehe? Israꞌeeleenaꞌo boonoshi qaawiti mooyon daneyaaneenaꞌone; tunebaani kaachetinaꞌo daneheete; echetinaꞌochi mullo muumehe.

Roomi 9:18

Illa Yeeri ikke uroon maariya bi qaawigaata, maariye; ikke uroonoo mulli manjoo tuniiya bi qaawigaata, mulli manjoo tuniihe.

1 Qorontoosi 16:9

Ta yagemmo, mashaamiti shuunoon ta shuunemmoyich gamini kelloon Yeeri taach qechitoyichiye; wotta taach tollo tuneti meeti asheenaꞌo beetinaꞌone.

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

2 Ximootiyoosi 1:15

Isiyee showooch beeti kittinneenaꞌo bulli ta waanee boonoshi shokoon ariibeeto neene; Fugeloosinaa Herimogeneesina are shokitinaꞌo daggeexinaꞌone.

2 Ximootiyoosi 3:5

Boonoshiyoo Yeerich goyinnee beetinaꞌon shaahibeetani, goyinneechi giidoon nookketinaꞌone; eboshi waanee wohe.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

Hibireena'o 3:13

Tunebaani ittoshi daggoochee kittinnoo koniyoona axaaxoona dacheeree mulli manjoo bi tuneyaachemmoyich, “Hanaacha” getaa bi ceekkee beegaata, qemi qemona ittoshinaa ittoshina ikkoo baroon kupphiibe.

2 Pheexiroosi 2:12

Ebi are asheenaꞌo boonoshi ariyaani mooyoyich naagee beetinaꞌone; olletaa aalloyich shiijjeti, boonoshi halloona shalligoon hakkaani kubbi cooxoomminaꞌone; kubbi cooxinaꞌoo olletaa aalloommon ebiyoommon aallemminaꞌone.

2 Pheexiroosi 2:2

Meetinaꞌo yeelliibeeti boonoshi gonde qocoon dabbemminaꞌone; eboshi naboona iberee gommo naakkemmone.

Yihudi 1:10

Tunebaani eboshi boonoshi ariyaani mooyo bullina naagee beetinaꞌone; shalligoon hakkaani kubbi cooxochoommon, boonoshi halloona boonoshi ariibeeti mooyo bi beetaanona, ciiroochaa ebi are mooyona aallemminaꞌone.