Mishiraachechinaꞌo 19:26 - Kafa Linguistics Project

²⁶ Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.

Mishiraachechinaꞌo 19:26 ပူးပေါင်းရင်းမြစ်များ

Erimiyaasi 10:11

Ittoshiyoo boonoshich: “Shimaayoonaa showoonon hallaani ebi nuggisheenaꞌo showoonaa shimaayoyee deshinoochee aallemminaꞌone” gettemmo ittoshine.

Hosee'i 8:6

Ebiyoo Israꞌeeleenaꞌo daggooch tunehe. Shuunee ariyecho shuuneti ebi maanji shahalloo nuggishoo toonoone. Ebi Shamaari katemeexi maanji shahalloo tiishe buricemmone.

Mishiraachechinaꞌo 14:15

“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.

Mishiraachechinaꞌo 17:29

“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone.

Mishiraachechinaꞌo 18:19

Hammiibee Efesoon shaggiꞌi, Phirisqilinaa Aqilinon arooch geddiichii, bi ikkeeto Ayihudeenaꞌo kiceebeeti kexooch giyiꞌi, boonoshina tookkii gajjiteehe.

Mishiraachechinaꞌo 19:1

Aphiloosi Qorontoos bi beetaa, Phawuloosi dambee showoona besheꞌi Efesoon shaggiye. Arooch ikkikke Yesuusichi dabbeenaꞌon danehe.

Mishiraachechinaꞌo 19:10

Phawuloosi Isiyee showooch beeti Ayihudeenaꞌonaa Giriikee asheenaꞌo bullina Yeerichi qaaroon boonoshi waayemmi wottoon, gutte natt bedoon eechii beehe.

Mishiraachechinaꞌo 19:25

Ebich are uro hini gooshukkeenaꞌonaa boonoshichoommon shuuneebeeti bareenaꞌonon kiciꞌi ishichiye: “Hini asheenaꞌote, gijjoon no danaabeeto hini malletoon shuunoona tunoon ariibeeto ittoshine.

1 Qorontoosi 12:2

Ebiyee aaf Yeerin ariyaano ittoshi beehooba, gasheeꞌi kashaalli shahalleenaꞌo waan oriheebee ittoshi echoon tuushaano ittoshine.

1 Qorontoosi 8:4

Illa and shahalloyich deejjeeti deejjoon mamichon bi tunegaata, shahalloo koote nuggishoo bi tunoonaa ikke Yeeriyee damba bare nuggishoo aallo bi tunoonon ariibeeto noone.

Galaati 4:8

Wonna Yeerin ariyaan beebee, nuggishoo tuneyaani halleenaꞌoyich guunon tuneꞌi beehote.

Yibbaatoo 4:28

Ebi aroochaa ciinon woyee waayoon woyee mamon woyee shiiqqoon hakkaani, mixoochee woyee xaqqoochee, ashi kishoona shuuneeti nuggisheenaꞌoyich goyinne maddemmo ittoshine.

1 Tasaloonqi 1:9

Ittoshi waan no waahooba, aabichiꞌi noon ittoshi iibbiito gaata hini are asheenaꞌo bulli gettii beetinaꞌone; wotta beeyechonaa ibere Nuggishoonoyich ittoshi maddemmoyich, qitoochee bi tiijjiti bi Bushoo, aroo woyemmi kaaree shiixxoochee noon wodiyemmi Yesuusi, shimaayoochee bi womon ittoshi quyemmoyich, shahalloyich goyinnoochee Yeer waan aabichiꞌi ittoshi wotteto gaata gettii beetinaꞌone.

Yaaꞌoo 9:20

Ebi naxeenaꞌona qitaanoon muricciti asheenaꞌo andoo boonoshi gonde shuunoon qajjiꞌi Yeer waan wotteyaaneenaꞌone; yinneenaꞌoyich goyinnoon, wotta aachoonaa birewoonoochee, gooshoochee, xaqqoonaa mixonoochee kishoona boonoshi shuuneti, ciinon woyee waayoon woyee shaꞌoon hakkaani, shahalloyich goyinnoon qayaaneenaꞌone;