Mishiraachechinaꞌo 19:21 - Kafa Linguistics Project

²¹ Ebi bulli tunetoyee gubb, Phawuloosi Makidoonee showoonaa Akaayee showoonon besheꞌi Yerusaalem hamoyich gabiye. “Arooch ta shaggetoyee gubb, Room wotta hamo taach qaawiihe” iye.

Mishiraachechinaꞌo 19:21 ပူးပေါင်းရင်းမြစ်များ

Shoosho 3:37

Doono daaggaanoon, bi geto ceeno hakkemmo konine?

Mishiraachechinaꞌo 16:12

Aroochee Filipphisiyoosi katemooch shaggehon; Filipphisiyoosi, Makidoonee showeexi katemeenaꞌo bulliichee oogeti katemoone; aroo Roomee waati asheenaꞌo kishooch beeti katemoone. Are katemooch giisheche aaboon kotehon.

Mishiraachechinaꞌo 18:12

Arooba Gaaliyoosi Akaayee showee iraashoo tuneꞌi bi beetaa, Ayihudeenaꞌo ikkotteꞌi waa Phawuloosin yechiyeete. Nallee gabberooch koteti nallechinaꞌo waan daammiyeete.

Mishiraachechinaꞌo 18:21

Tunebaani “Yeeri getigaata, wotteree woyemmo taane” iꞌi diggiichii, markaboona Efesoonee tiyii hammiye.

Mishiraachechinaꞌo 19:22

Ebich biin deggiibeeti gutte asheenaꞌo Ximootiyoosinaa Erasxoosinon Makidoonee showooch daachiichii, aroo Isiyee showooch daakkiꞌi kotehe.

Mishiraachechinaꞌo 19:29

Katemoo bulli dulleehe; boonoshiyoo Makidoonee showoochee waati Gaayoosinaa Arsixirokoosina getteebeeti, Phawuloosina tookkii gommon shaꞌeebeeti asheenaꞌon manjii yechiꞌi, ikke mulloona iitee xaaꞌooch yongeheete.

Mishiraachechinaꞌo 20:16

Phawuloosi “Isiyee showooch meeti aaboon koteyaache” iꞌi Efesooni katemoon besheꞌi hamoyich kuxxiye. Ebiyoo bi hakkeegaata, Baaraachee aabooba Yerusaalem heeyon bi gabitoyich afaafineꞌiniye.

Mishiraachechinaꞌo 20:22

“Andoo ta, Yaafe Ayaanoona yechaꞌa, Yerusaalem hammaabeeto taane; aroochaa ta toommooch shaggemmo amo gaata ariyaano taane.

Mishiraachechinaꞌo 21:17

Yerusaalem no shaggemmona, kittinnee maneenaꞌo emiroona noon iibbiiheete.

Mishiraachechinaꞌo 21:4

Arooch kittinneenaꞌon qaawaa danaꞌa, boonoshina tookkaa shabaatte qemon kotehon; boonoshiyoo Yaafe Ayaanoona yaabeeꞌi Phawuloosin “Yerusaalem hammaaye” iyeete.

Mishiraachechinaꞌo 23:11

Bi decharoobee xum Doono Yesuusi Phawuloosi gaꞌooch neexeꞌi, “Yerusaalem ta miixoo ne tunetoommon, ebiyoommon Roomaa wotta taach ne miixemmoyich qaawiihe; ebich kupphebe” iye.

Mishiraachechinaꞌo 27:1

Xaaliyaanee showooch markaboona no hammemmoyich bi maaccetoyee gubb, Phawuloosinaa bare qoppeenaꞌonon Roomi taatoochi ginee naayinaꞌo daggooch beeti, Yuuliyoosi getteebeeti balle ginee iraashoo kishooch guudiiheete.

Mishiraachechinaꞌo 27:24

‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye.

Mishiraachechinaꞌo 28:16

Room no giyetoyee gubb, Roomi ukkireenaꞌo Phawuloosi bi shunniti kexooch biin quyeebeeti ginee naayona tookki bi qell bi beeyemmoyich daaggiyeete.

Roomi 1:11

Ittoshi manjemmoyich, Yeerichi Ayaano taach immiti wojjoochee ittoshich ta qoodemmoyich ittoshin beegga sharaataabeeto taane.

Roomi 1:13

Ta maneenaꞌote! Bare Aageteenaꞌo daggooch tunetoommon, ittoshi daggooch beeti asheenaꞌo wotta ta gommona Kiristoosin boonoshi danemmoyich, wodde wottoon ittoshi waan woya ta gaboon, tunebaani and beddaahaa womoyich hakkee ta qayon ittoshi ariyemmoyich shunnoye.

Roomi 1:15

Ebich Room beeti ittoshich wotta mishiraachee qaaroon getoyich qaataabeeto taane.

1 Qorontoosi 16:5

Makidoonee showoona hamma ta gabitoyich, aroona beshebee ittoshi waan shaggemmo taane.

1 Qorontoosi 4:19

Tunebaani Doono Yesuusi daaggigaata, ittoshi waan kaateree woyemmo taane. Yeerichi taatittino bekkemmo Yaafe Ayaanee giidoonalli, yibbaatoona toonoone; ebich waaree are geecechinaꞌochi yibbaatoon baach tuneyaanoon, boonoshi shuunee daggooch Yaafe Ayaanee giidoo beemonaa aalloonon xiishemmo taane.

2 Qorontoosi 10:16

Ebich bare ashi daarooch shiichiꞌi shuuneeti shuunoona geecaanoon, ittoshiyee bekk beeti showooch mishiraachee qaaroon geton hakkiyone.

Galaati 2:1

Aroochee aaraa awudde natoyee gubb Barnabaasina tookkaa Titoosin yechaꞌa Yerusaalem guttinnoon hammeho.

1 Tasaloonqi 1:7

ebich Makidoonee showoonaa Akaayee showoonooch beeti kittinneenaꞌo bullich gaawe shaahiyoo tuneto ittoshine.