Mishiraachechinaꞌo 18:5 - Kafa Linguistics Project

⁵ Sillaasinaa Ximootiyoosina Makidoonee showoochee boonoshi waahooba, Phawuloosi kashee wottiyaanoon, Yesuusi aroo Kiristoosi bi tunoon Ayihudeenaꞌoyich miixee beehe.

Mishiraachechinaꞌo 18:5 ပူးပေါင်းရင်းမြစ်များ

Erimiyaasi 20:9

Tawoo “Doono Yeerichi shigoon tiijjaache; bi shigoona yibbaateyaache” ta itaa, bi qaaro ta mulloochaa qaaqqoochoommon, ta shaawushee dagg giyiti qaaqqee gechoommon, taan michiye; ta maacooch ebin oppee yeshona taahito taane, halla mawiihoye.

Erimiyaasi 6:11

Ebich Doono Yeeri ippoommon ippeto taane; haaꞌii maac yeshon womiito taane. Aroochee Doono Yeeri taach ishichiye “Gommooch beeti bushiisheenaꞌo toommooch, wottoo kiceeꞌi beeti gurimaasheenaꞌo toommooch, ebi kaaroon kindiibe; kenoonaa mecheena, geenetinaꞌonaa baayetinaꞌona yeshaa hammemminaꞌone.

Hiziqeeli 3:14

Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.

Mikiyaasi 3:8

Tunebaani ta, Israꞌeeleenaꞌoyich boonoshi xuꞌoonaa axaaxoonon ta gettemmoyich, Doono Yeeri bi Ayaanoon, giidoon, dayinnetoonaa hakkoonon taach immitone.

Luqaasi 12:50

Tunebaani ta afaalleyemmi xuuxee afaalleyoo beetone; are afaalleyoo beshemmi wottoon ta kasheyich kashe xaaꞌoo aalloone.

Luqaasi 16:28

uuche ta maneenaꞌo beetinaꞌone. Boonoshi wotta hini xuuxee xaaꞌooch boonoshi waataachemmoyich, Alazaari hamiree boonoshich gete’ iye.

Yowannisi 1:41

Biyoo Yesuus waanee kechii hammii shiichii bi hajjee manoo Simoon waan shaggii, “Masihin daneto noone” iye. Masihi geto “Kiristoosi” getone.

Yowannisi 10:24

Ayihudeenaꞌo biin giichii guuddiꞌi, “Aati wottoon nooch aachenne? Ne Kiristoosi ne gaata, kaacha nooch gete” iyeete.

Yowannisi 15:27

Ittoshiyoo wotta shiichiꞌi taanna tookkii ittoshi beetoyich, taachon miixemmo ittoshine” iye.

Yowannisi 3:28

‘Kiristoosi toono taane; tunebaani biyee shiichii wocheeto taane’ iyaꞌa ta getoyich ta miixoo ittoshine.

Mishiraachechinaꞌo 10:42

‘Kashechinaꞌonaa qiteenaꞌonochi toommooch nallibe’ iꞌi Yeeri biin ukkiriyoon no gettemmonaa no miixemmonoyich nooch gettitone.

Mishiraachechinaꞌo 15:22

Ebiyee gubb, mishiraachechinaꞌonaa geeneenaꞌona kittinnee guuphi asheenaꞌo bullina tookkii tuneꞌi, boonoshi kaacciti asheenaꞌon Phawuloosinaa Barnabaasina tookkii Sooriyee showooch beeti Antsooka daachiyoyich gabiyeete. Ebich kittinnee maneenaꞌo daggoochee geeno tuneti, Barisiyaani getteebeeti Yihudinaa Sillaasinon kaacciyeete.

Mishiraachechinaꞌo 16:1

Aroochee Phawuloosi Sillaasina tookkii Deribi katemoonaa Lisxiri katemoonooch hammiye. Lisxira Ximootiyoosi getteebeeti ikke Yesuusichi dabboo beehe. Bi indee bi mulloon Yesuusi toommooch tooꞌiiti Ayihudecheene; bi nihoo wotta Giriikee ashoone.

Mishiraachechinaꞌo 16:12

Aroochee Filipphisiyoosi katemooch shaggehon; Filipphisiyoosi, Makidoonee showeexi katemeenaꞌo bulliichee oogeti katemoone; aroo Roomee waati asheenaꞌo kishooch beeti katemoone. Are katemooch giisheche aaboon kotehon.

Mishiraachechinaꞌo 16:9

Aroobee xum ikke Makidoonee showeexi asho neexeꞌi, “Baharoyee hach kimiree noon gaachebe” iibee bi qolloon Phawuloosi yaaꞌoona beeggiye.

Mishiraachechinaꞌo 17:3

Macaafooch kooreeton kichii gettiibee, “Kiristoosi xuuxee beegonaa qitoochee timona biich qaawiihe” iibee boonoshich manjiihe. “Ta ittoshich gettaabeeti Yesuusi aroo Kiristoosine” ii beehe.

Mishiraachechinaꞌo 18:28

Boonoshin bi gaacheto, Yesuusi aroo Kiristoosi bi tunoon Yaafe Macaafoochee manjiibee, asheenaꞌo aafooch Ayihudeenaꞌon xoobiyoonane.

Mishiraachechinaꞌo 2:36

“Illa Yeeri hini ittoshi yooddiiti Yesuusin, Doononaa Kiristoosinon bi tuniyoon Israꞌeelee asho bulli manjiiree ariibe” iye.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 20:23

Tunebaani katemi katemoo bullina Yaafe Ayaano taach ‘Cucheyoonaa xuuxee beegona neen quyee beetone’ iꞌi miixee beetone.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 4:20

No beeggetonaa no waayetonon yibbaateyaanoon cikkii qayon hakkaachone” iyeete.

Mishiraachechinaꞌo 9:22

Tunetaa Sawuli kupphee kupphee waahe; Damaasiqa beeti Ayihudeenaꞌoyich Yesuusi aroo Kiristoosi bi tunoon xiishii arichiibee, boonoshi gettemmon muccii beehe.

2 Qorontoosi 1:19

No, ebi geto Sillaasinaa taanna, Ximootiyoosiyoo, ittoshi daggooch no beehooba, Yeerichi Bushoo Yesuus Kiristoosichon ittoshich no getteto eeha ii beeti qaaroonalli, eeha iichii, wotta toonoone ii beeti gutte heciyoona toonoone.

2 Qorontoosi 11:9

Ittoshina tookkaa ta beetaa taan bi iritiyooba, Makidoonee showoochee waati maneenaꞌo taach shappito bullin deebitinaꞌone; ebich ittoshi daggoochee koni toommoochona shaagoon tuneyaano taane. Mooyo bullina ittoshi toommooch shaagoon ta tuneyaachemmoyich ta qelloon quyeto taane; gubbichoo ta qelloon quyemmo taane.

2 Qorontoosi 5:14

Ikkoo bullicha iꞌi qitito bi tunoon, ebichoo asho bulli qitito bi tunoon no ariitoyich, Kiristoosichi shuno noon hajjii beetone.

Filipphisiyoosi 1:23

Ebi gutte mooyona shaammehoye; hamma Kiristoosina tookkiree beeya sharaatehoye; ebiyoo bulliyee beshaa beshe gaawetone.

1 Tasaloonqi 3:2

Kiristoosichi mishiraachee qaaroon gettiibee noonna tookkii Yeerich shuuneebeeti no manoo Ximootiyoosin ittoshi waan wochaa daachiito noone; ebi ittoshi toommooch shaggiti duꞌoona koniyoona Kiristoosi toommooch mullee tooꞌiyoochee bi shuuraachemmoyich ittoshin ciici bi goggiyemmoyichiye wochaa no daachiito. Ebi duꞌo no toommooch shago Yeerichi daaggoo bi tunoon ittoshiyoo ariibeeto ittoshine.

1 Tasaloonqi 3:6

Tunebaani and Ximootiyoosi ittoshi waanee no waan wotteꞌi Kiristoosi toommooch ittoshich beeti mullee tooꞌiyee kupphoonaa ittoshinaa ittoshinoyich beeti shunoonon mishiraacha iꞌi gettitone. Bulli aaboon nooch gaawe gaboo ittoshich beemon, wotta ittoshin beegoyich no sharaataa beetoommon, ittoshiyoo wotta noon beegoyich sharaateebeeto ittoshi tunoon gettitone.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.