Mishiraachechinaꞌo 18:26 - Kafa Linguistics Project

²⁶ Biyoo aafoon kuppheꞌi Ayihudeenaꞌo kiceebeeti kexooch giyiꞌi gettiye. Ishin Phirisqilinaa Aqilina waayeꞌi, boonoshi kexooch daammii Yeerichi gommon aafichoyee beshoon kaachiree bi ariyemmoyich tuniiheete.

Mishiraachechinaꞌo 18:26 ပူးပေါင်းရင်းမြစ်များ

Shaahiyoo 1:5

Mullechi asheenaꞌo waayeree beshoon mullechinaꞌo boonoshi tunemmoyich, mooyon goommii deqqechinaꞌoo ariyoon aroochee boonoshi danemmoyich tuniiheete.

Shaahiyoo 25:12

Mullechi ashi kaaro, deꞌa ii waayemmi ashich, waajji aachoommo, xalle aachoochee shuuneeti shashoommone.

Shaahiyoo 9:9

Mullechon dojjibe; shalligoon daakkemmone. Cadiqe ashoon dojjibe; ariyoon daakkemmone.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Maariqoosi 10:15

Iberoon ittoshich gettoye: Yeerichi taatittinoon giisheche bushoochoommon deꞌaano arooch cir giyaachemmone” iye.

Luqaasi 19:26

“Tunebaani doono boonoshich ishichiꞌi wochiye, ‘Ittoshich gettoye: Beetoyich daakkaa ichemmone. Tunetaa amolla aallo waanee biich beeti giishechewolla tiijjeyemmine.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Mishiraachechinaꞌo 14:3

Ebich Phawuloosinaa Barnabaasina Doono Yesuusichi mooyon aafoon kuppheꞌi gettiibee, arooch meeti agenoon koteheete. Doono Yesuusi boonoshi kishoona meeti worganikkiti malletoonaa gaakkechi shuunoonon bekkiibee, bi immemmi wojjeechon boonoshi gettiti wocho iberoo bi tunoon manjii beehe.

Mishiraachechinaꞌo 18:18

Ebiyee gubb, Phawuloosi Qorontoos meeti aaboon kotehe; aroochee kittinnee maneenaꞌon diggiiꞌi Phirisqilinaa Aqilina tookkii Sooriyee showooch markaboona hammiye. Yeerich bi mookketoyich, bi hamoyee shiichiꞌi Kenkiriyi katemoochaa bi qelloon cakkehe.

Mishiraachechinaꞌo 18:25

Ebi uro Doono Yesuusichi gommon doyiti uroone; biyoo qeeci mulloona kaachiꞌi, Yesuusichon asheenaꞌoyich gettiibee dojjii beehe. Tunebaani bi ariibeeto Yowannisi aacona afaalleechon baachiye.

Mishiraachechinaꞌo 19:8

Ebiyee gubb, Phawuloosi Ayihudeenaꞌo kiceebeeti kexooch giyiꞌi, aafoon kupphee gajjiteebee, keejje agen bedoon Yeerichi taatittineechon gettiye.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 8:31

Aroo wochiꞌi, “Taach kaachi gettemmi asho aalloon aabichiree ta mullooch giyehe?” iye. Gaariich keyiree biinna tookki bi kotemmoyich Filipphoosin qollehe.

1 Qorontoosi 12:21

Aafo kishoon “Neen qaawaache” geton hakkaache; wotta qello baatoon “Neen qaawaache” geton hakkaache.

1 Qorontoosi 3:18

Koniyoona bi qelloon dachaaye. Ittoshi daggoochee koniyoona hini showee toommeexi asheenaꞌochi gaboommon “Shalligecho taane” iꞌi bi gabigaata, shalligechon bi tunemmoyich, tuushoon shaahiree bekkebe.

1 Qorontoosi 8:2

Koniyoona “Ariyoo taach beetone” iꞌi bi gabigaata, are uro batt ibere ariyee xaaꞌooch shagaanoone;

Hibireena'o 6:1

Kiristoosichi mooyon gettiibeeti aafi wocho, ebiyoo axaaxoochee xalliyoon hakkaani, gaacaalli doyoochee wotteꞌi, Yeeri toommooch mulloon tooꞌiyeechon, aacona afaalleyeechon, kishoon ashi toommooch kotiyeechon, qititinaꞌo timichon, Yeeri nallemmi bulli yemeenee nalleechon dojjoone. Ebi are aafi doyoon wochii wochii geton qayiichi, mullechi ariiti asheenaꞌoyich tunemmi doyooch beshebone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.