Mishiraachechinaꞌo 18:25 - Kafa Linguistics Project

²⁵ Ebi uro Doono Yesuusichi gommon doyiti uroone; biyoo qeeci mulloona kaachiꞌi, Yesuusichon asheenaꞌoyich gettiibee dojjii beehe. Tunebaani bi ariibeeto Yowannisi aacona afaalleechon baachiye.

Mishiraachechinaꞌo 18:25 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Shoddo 119:1

Xallittinoona shaꞌee beetinaꞌo, Doono Yeerichi sheeroona hammii beetinaꞌo, diireetinaꞌone.

Shoddo 67:2

Ne gommo, showoo bulliich, wodiyecho ne tuno, aagetoo bullich, arichebe.

Isiyaasi 40:3

Awaajjoon gettii beetochi qaaro ishichiye: “Barahooch, Doono Yeerich gommon qanniibote; no Nuggishoyich woretoonoo kaachi qaxxebote.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Maariqoosi 1:3

‘Doonochi gommon qanniibote; bi woretoonoo kaachi qaxxebote’ iibee barahoochaa cookiibeeti ashi qaaro” iꞌi kooritone.

Maariqoosi 12:14

Wocheetinaꞌo waaꞌi Yesuusin “Dojjechocho, ashoon giisho oogoo getaanoon iberoon Yeerichi gommon dojjaabeeto neene. Ebich ibere moochecho, konichona beshii shappii dabiyaano ne tunoon ariibeeto noone. Illa Qesaarich qaraxee qocon Muusichi Sheeroo daaggiibeetee, daaggaache? Qaraxoon qoconaa woyee qoccaayona?” iꞌi echeheete.

Luqaasi 7:29

Ebin waayeti asheenaꞌo bulli, Yowannis waan waaꞌi aacona afaalleeti gabiyee guudeenaꞌolla echeyaanoon, Yeeri cadiqo bi tunoon miixeheete.

Mishiraachechinaꞌo 13:10

“Aconaa gonde mooyona ne mullooch ceenniti hini daabiloosichi bushoochoo, tato tuneti mooyon shunaanoocho, kaamoo tuneti, Doono Yesuusichi gommon xummiyoochee kasheyaachenne?

Mishiraachechinaꞌo 16:17

Areyoo Phawuloosinaa noonnon dabbaabee, “Hini asheenaꞌo ittoshi wodemmi gommon ittoshich gettiibeeti Beshe Nuggishoo Yeerichi guuninaꞌone” iibee cookaa beehan.

Mishiraachechinaꞌo 18:26

Biyoo aafoon kuppheꞌi Ayihudeenaꞌo kiceebeeti kexooch giyiꞌi gettiye. Ishin Phirisqilinaa Aqilina waayeꞌi, boonoshi kexooch daammii Yeerichi gommon aafichoyee beshoon kaachiree bi ariyemmoyich tuniiheete.

Mishiraachechinaꞌo 19:23

Arooba ebi Doonochi gommi naboona Efesoon magge dulloo tiyiye.

Mishiraachechinaꞌo 19:3

“Ishigaata, am shaahe afaalleyooniye ittoshi afaalleeto?” iꞌi echehe. Boonoshiyoo wochiꞌi, “Yowannisichi afaalleyooniye” iyeete.

Mishiraachechinaꞌo 19:9

Tunebaani ikkikkeenaꞌo “Phawuloosi yibbaatoyich deꞌa getaachone” iꞌi dofee ashi aafooch Doono Yesuusichi gommon naageheete. Ebich Phawuloosi boonoshi waanee wokkiꞌi, kittinneenaꞌon ikke badd kichiꞌi, Xiraanoosi goddemmoochaa, qemi qemona yibbaatee beehe.

Mishiraachechinaꞌo 9:2

Hammiꞌi, “Damaasiqi katemooch beeti Ayihudeenaꞌo kiceebeeti kechi ukkireenaꞌoyich koorichoon kooriree taach imbe; arooch Yesuusichi gommon dabbii beetinaꞌon, anaaminaꞌo tunebeeta maacheenaꞌon yeshi cuyiree Yerusaalem deebona” iꞌi qollehe.

Roomi 12:11

Ittoshi shuuneebeeti shuunoona kupphebotani beeneyaahote; qeeci mulloona Doonoyich maddebote.

2 Ximootiyoosi 2:4

Koyooch ceegaa hammiibeeti asho bulli ginee iraashoon emirikkoyich gabiyalli, bare shuunooch giyiꞌi xandeyaache.

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.

Woraaferasheenaꞌo 2:22

Ebin ta tuniyemmo, arooch boonoshin kotiyoona, Israꞌeeleenaꞌo boonoshi qaabbechinaꞌo tuniitoommon, Doono Yeeri ta gommon boonoshi dabboonaa dabbee qayonon beegoyichiye” iye.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.