Mishiraachechinaꞌo 18:23 - Kafa Linguistics Project

²³ Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.

Mishiraachechinaꞌo 18:23 ပူးပေါင်းရင်းမြစ်များ

Iziri 1:6

Boonoshi guudoona beetinaꞌo bulli boonoshi daaggoona boonoshi immiti wojjee toommooch daakkiꞌi, birewoochee shuuneeti qiicoon, aachoon, baribare qiicoon, gijjeenaꞌonaa aaxxe qiicoonon imona gaacheheete.

Daaneeli 11:1

“Ta, ta qelloona biin gaachaꞌa kupphiito taane. Ebi bi tuneto, Meedee asho Daariyoosi taateti ikkinnee natoobane.

Luqaasi 1:3

Ebich ta wotta ne doyiti mooyinaꞌo, gibeneetinaꞌo boonoshi tunoon ne ariyemmoyich, hini mooyinaꞌo bullin xepphoochee tiijjii xiishoona boshaa ta beeggetoyee gubb, yaariꞌi neech kooroo gaaweto shaahiꞌi taach bekkehe.

Luqaasi 22:32

Tunebaani ta toommooch ne mullee tooꞌiyoon ne qayaachemmoyich corootito taane; ta waan ne wottehooba ne maneenaꞌo mulloon kupphiibe” iye.

Luqaasi 22:43

Areegaata ikke maraakoo shimaayoochee kindii biich bekkeꞌi biin kupphiihe.

Mishiraachechinaꞌo 15:32

Yihudinaa Sillaasina wotta keemechinaꞌo boonoshi tunetoyich, kittinnee maneenaꞌon wodde ciicoona ciicciꞌi kupphiiheete.

Mishiraachechinaꞌo 15:41

Biyoo Sillaasina tookkii kittinnee guuphinaꞌo kiceebeeti xaaꞌoo bulliich hammii shaggii boonoshin kupphiibee, Sooriyee showoonaa Kiliqee showoonon beshee beehe.

Mishiraachechinaꞌo 16:40

Phawuloosinaa Sillaasinoo cuyee kexoochee kechiꞌi, Liidi kexooch giyiyeete. Arooch beeti kittinnee maneenaꞌon kupphiiꞌi tiyii, katemoon gawukkii hammiyeete.

Mishiraachechinaꞌo 16:6

Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

Mishiraachechinaꞌo 19:1

Aphiloosi Qorontoos bi beetaa, Phawuloosi dambee showoona besheꞌi Efesoon shaggiye. Arooch ikkikke Yesuusichi dabbeenaꞌon danehe.

Mishiraachechinaꞌo 2:10

Firigee, Fenfulee, Gibitsee, Qereni gafee gaꞌooch beeti Liibiyee waati no, Roomee waati iibbe Ayihudo noonnaa Ayihudeenaꞌo waan wotteti noonna, Qerixeesee, Arabee showoocheenoo waati no, Yeeri shuuneti gaakkechi shuunoon no showi showee noonoona boonoshi yibbaatetaa waayaabeeto noone” iyeete.

1 Qorontoosi 16:1

Andoo Yerusaalemi kittinneenaꞌoyich gijjee buushee mooyon, Galaatee showooch beeti kittinnee guuphinaꞌoyich ta getteti getoommon, ittoshiyoo ebiyoommon wotta tuniibote.

Galaati 1:2

wotta taanna tookkii beeti maneenaꞌo bulli waanee, Galaatee showooch beeti kittinnee guuphinaꞌoyich:

Galaati 1:9

Ebiyee aaf ta gettetoommon andoo wochinnoon gettoye: Shiichiꞌi ittoshi iberiiti mishiraachee qaaroyee bariti qaaroon koniyoona ittoshich bi getigaata, uppeton tunebe!

Galaati 4:14

Ta biiyo ittoshin oogeton iritiito bi tunetaanoona, taan hoxee tiyaareyaano ittoshine; tunebaani Yeerichi maraakoon iibbiyoommon, ebiyeenolla Kiristoos Yesuusin iibbiyoommoniye ittoshi iibbiito.

Yibbaatoo 3:28

Ebi ne beeggeti showoon boonoshi woraashemmoyich, Israꞌeeleenaꞌo aafooch shiichiree Yoordaanoosin boonoshi kimmemmoyich tuniyemmo Yaasine. Ebich bi kupphemmonaa bi manjemmonoyich biin gaachebe. Bi tuniyemmi mooyonoo biich gete’ iye.

1 Tasaloonqi 3:2

Kiristoosichi mishiraachee qaaroon gettiibee noonna tookkii Yeerich shuuneebeeti no manoo Ximootiyoosin ittoshi waan wochaa daachiito noone; ebi ittoshi toommooch shaggiti duꞌoona koniyoona Kiristoosi toommooch mullee tooꞌiyoochee bi shuuraachemmoyich ittoshin ciici bi goggiyemmoyichiye wochaa no daachiito. Ebi duꞌo no toommooch shago Yeerichi daaggoo bi tunoon ittoshiyoo ariibeeto ittoshine.

1 Tasaloonqi 4:18

Ebich ittoshinaa ittoshina ebi qaaroona ikkoo baroon goggii kupphiibe.

1 Tasaloonqi 5:14

Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.