Mishiraachechinaꞌo 18:12 - Kafa Linguistics Project

¹² Arooba Gaaliyoosi Akaayee showee iraashoo tuneꞌi bi beetaa, Ayihudeenaꞌo ikkotteꞌi waa Phawuloosin yechiyeete. Nallee gabberooch koteti nallechinaꞌo waan daammiyeete.

Mishiraachechinaꞌo 18:12 ပူးပေါင်းရင်းမြစ်များ

Yowannisi 19:13

Phelaaxoosi ishin waayeꞌi Yesuusin maaxooch kichiye; aroochee Xaqqee Godo getteebeeti, woyee Hibiree noonoona Gabeta getteebeeti xaaꞌooch beeti nallee gabberooch kotehe.

Mishiraachechinaꞌo 13:12

Arooba Qoophiroosee iraashoo tuneti mooyon beeggiꞌi, “Doono Yesuusichon ittoshi dojjiibeeti doyoo bulli manjoone” iꞌi worganeebee bi mulloon Yesuusi toommooch tooꞌiihe.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 13:7

Bi beetoo, Sarigiyoos Phawuloosi getteebeeti mullechi, Qoophiroosee iraashoona tookkiiniye. Hini iraashoo Barnabaasinaa Sawulina waanee Yeerichi qaaroon waayoyich boonoshin bi kexooch ceekkiihe.

Mishiraachechinaꞌo 13:8

Tunebaani Bariyaasi woyee Giriikee noonoona Elimaasi getteebeeti allaamoo, hini Qoophiroosee iraashoo mishiraachee qaaroon bi iberiyaachemmoyich, Phawuloosinaa Sillaasinochi yibbaatoon kootiiya qiiccehe.

Mishiraachechinaꞌo 14:19

Arooba ikkikke Ayihudeenaꞌo Fesidee showooch beeti Antsooki katemoonaa Iqooniyooni katemoonoochee tiyiꞌi, Lisxiri katemooch waaheete; asheenaꞌon kocciꞌi Phawuloosin xaqqoona yexxiyeete. Boonoshich qitito bi shaahaa, katemoyee maach geechii kichii duppiyeete.

Mishiraachechinaꞌo 14:2

Tunebaani ebin qajjiti Ayihudeenaꞌo Aageteenaꞌon kocciꞌi, boonoshi mulloon Yesuusi toommooch tooꞌiiti asheenaꞌon oogichi boonoshi shixxemmoyich tuniiheete.

Mishiraachechinaꞌo 17:13

Tunetaa Tasaloonqa beeti Ayihudeenaꞌo Phawuloosi Beeriya hammiꞌi Yeerichi qaaree geton ariiꞌi, are katemooch wotta hammiꞌi dofee asheenaꞌon shuurikkiyeete.

Mishiraachechinaꞌo 17:5

Tunetaa Ayihudeenaꞌo qanaatoona tiyiꞌi, shuuna biisheenaꞌon gabiyoochee daneꞌi, meeti asheenaꞌon boonoshi hillooch kiciꞌi, katemoon shuurikkiyeete. Phawuloosinaa Sillaasinon asheenaꞌo waan kichoyich qaawiꞌi, Yaasoonichi shaaqqoon tiichii giyiyeete.

Mishiraachechinaꞌo 18:11

Ebich Phawuloosi boonoshi daggooch Yeerichi qaaroon dojjiibee natonaa qatonon kotehe.

Mishiraachechinaꞌo 18:27

Are Aphiloosi Akaayee showooch hamma bi gabaa, kittinnee maneenaꞌo bulli hambe iꞌi kupphiiheete. Biin boonoshi iibbiyemmoyich, kittinneenaꞌoyich wochoon kooriꞌi daachiiheete. Arooch shaggiꞌi tiyii, Yeer waanee boonoshi daneti wojjoona Yesuusi toommooch mulloon tooꞌiiꞌi arooch beetinaꞌon oogichii gaachehe.

Mishiraachechinaꞌo 19:21

Ebi bulli tunetoyee gubb, Phawuloosi Makidoonee showoonaa Akaayee showoonon besheꞌi Yerusaalem hamoyich gabiye. “Arooch ta shaggetoyee gubb, Room wotta hamo taach qaawiihe” iye.

Mishiraachechinaꞌo 25:10

Phawuloosi wochiꞌi, “Nalleyoonaa xoobonoyich taach tato tuneti Qesaari nallee gabberee aafooch neexeto taane. Newoo gaawichaa ne arii beetoommon Ayihudeenaꞌon amoonolla xuꞌaano taane.

Roomi 15:26

Makidooninaa Akaayee showoonooch beeti kittinneenaꞌo Yerusaalem beeti, yaafeenaꞌochi daggooch beeti girechinaꞌon degoyich shunnitinaꞌone.

Roomi 16:5

Ebi Phirisqilinaa Aqilinochi kexooch kiceebeeti kittinnee guuphoyich ta diggiyoon getote. Isiyee showoochee Kiristoosi toommooch mulloon tooꞌiyoona qaabboo tuneti, ta shunnaabeeti Aphenexoosich ta diggiyoon getote.

1 Qorontoosi 16:15

Ta maneenaꞌote! Isxifanoosinaa bi kechi asheenaꞌona Akaayee showoochee Kiristoosi toommooch mullee tooꞌiyoona qaabbeenaꞌo boonoshi tunoon, wotta kittinneenaꞌon gaacheya boonoshi qelloon beshiiꞌi immitinaꞌo boonoshi tunoon ariibeeto ittoshine.

2 Qorontoosi 1:1

Yeerichi daaggoona Kiristoos Yesuusichi mishiraachecho tuneti Phawuloosinaa no manoo Ximootiyoosina waanee, Qorontoosi kittinnee guuphonaa Akaayee showoo bulliich beeti yaafeenaꞌonoyich:

2 Qorontoosi 11:10

Koniyoona Akaayee showoochee ebi ta geecoon bayon hakkaache; ebin taach beeti Kiristoosichi iberoona gettoye.

2 Qorontoosi 11:26

Wodde wottoon gommi shaꞌoona beeho; “Aaco taan maayemmone” immi keqqoona, “Bokkeenaꞌo taan wuxemminaꞌone” immi keqqoona, “Ta yoodeenaꞌo tuneti Ayihudeenaꞌo taan wuxemminaꞌone” immi keqqoona, “Aageteenaꞌo taan wuxemminaꞌone” immi keqqoona, katemeexi keqqoona, baraheexi keqqoona, bahareexi keqqoona, koote kittinnee maneenaꞌo waanee tuneebeeti mooyona keqqoona, beeho.

2 Qorontoosi 9:2

Ebiyoo, gaawe ittoshi daaggoona degoyich qannito ittoshi tunoon ta arii beetoyichiye. “Akaayee showooch beeti kittinneenaꞌo aannooba tiijjiꞌi degoyich qannitinaꞌone” iyaꞌa Makidoonee showooch beeti kittinneenaꞌoyich ittoshichon geecoona getteto taane. Degoyich ittoshich beeti qanaato meetinaꞌo wotta degoyich boonoshi tiyemmoyich tuniitone.

1 Tasaloonqi 2:14

No maneenaꞌote! Kiristoos Yesuusicho tuneti, Yihudee showooch beeti Yeerichi kittinnee guuphi asheenaꞌo toommooch shaggitoommo ittoshi toommooch shaggitone; ebiyoo Ayihudeenaꞌo boonoshin xuuxiitaa xuuxoon boonoshi beegoommon, ittoshiyoo wotta ittoshi showee asheenaꞌo ittoshin xuuxiitaa, xuuxoon beeggito ittoshine.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

Yaaqobi 2:6

Tunebaani ittoshi girechinaꞌon coonehote. Ittoshin xuqqii beetinaꞌo gaannechinaꞌo tooneenaꞌone? Nallee gabberee aafooch ittoshin geechii beetinaꞌo boonoshi tooneenaꞌone?