Mishiraachechinaꞌo 17:4 - Kafa Linguistics Project

⁴ Ebich boonoshi daggoochee ikkikkeenaꞌo bi gettiti qaaroon iberiiꞌi Phawuloosinaa Sillaasina tookkii ikkotteheete; wotta Yeerich qeyiibeeti, meeti Giriikeenaꞌonaa are katemoochee aricheti genneenaꞌona boonoshina tookkii ikkotteheete.

Mishiraachechinaꞌo 17:4 ပူးပေါင်းရင်းမြစ်များ

Shaahiyoo 13:20

Mullechinaꞌona tookkii shaꞌeebeeto, mullechon tunehe; tunebaani mullaalleenaꞌona nuucheebeeto, gonde iritooch dihiye.

Shaahiyoo 9:6

Tuushoo tunoon qayote; kashoonoo beebote; shalligee gommonoo hambote” iyan.

Solomooni 6:1

Genneenaꞌo daggoochee beshe gaaweene! Ne shiiqqi amooch hammiye? Neenna tookki no qaawemmoyich ne shiiqqi aabi waaniye bi hammito?

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Yowannisi 7:35

Ebich Ayihudee ukkireenaꞌo boonoshinaa boonoshina “No biin daneyaachemmoyich, hini uro amooch hammane bi ii beeto? No macceenaꞌo shaceꞌi beeti Giriikeenaꞌochi katemeenaꞌooch hamiree Giriikee asheenaꞌoyich dojjoyich tunehe?

Mishiraachechinaꞌo 13:43

Kiceeti asho shaccetoyee gubb, Ayihudeenaꞌonaa Ayihudeenaꞌo waan wotteꞌi Yeerich qeyii beetinaꞌonochi daggoochee meeti asheenaꞌo Phawuloosinaa Barnabaasinon dabbiyeete. Phawuloosinaa Barnabaasina hini asheenaꞌon “Yeeri ittoshich immiti wojjoona manjiree beebote” iꞌi ciicciyeete.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 14:1

Iqooniyoon beeti Ayihudeenaꞌo kiceebeeti kexooch Phawuloosinaa Barnabaasina tookkii giyiyeete; Yeerichi qaaroon kaachiꞌi boonoshi gettitoyich, Ayihudeenaꞌonaa Aageteenaꞌonochi daggoochee meeti asheenaꞌo boonoshi mulloon Yesuusi toommooch tooꞌiiheete.

Mishiraachechinaꞌo 14:4

Katemeexi asheenaꞌo bulli gutta qoodeeꞌi, qatinaꞌo Ayihudeenaꞌona tookkii, qatinaꞌo mishiraachechinaꞌona tookkii tuneheete.

Mishiraachechinaꞌo 15:22

Ebiyee gubb, mishiraachechinaꞌonaa geeneenaꞌona kittinnee guuphi asheenaꞌo bullina tookkii tuneꞌi, boonoshi kaacciti asheenaꞌon Phawuloosinaa Barnabaasina tookkii Sooriyee showooch beeti Antsooka daachiyoyich gabiyeete. Ebich kittinnee maneenaꞌo daggoochee geeno tuneti, Barisiyaani getteebeeti Yihudinaa Sillaasinon kaacciyeete.

Mishiraachechinaꞌo 15:27

Hini koorichooch kooreeton boonoshi noonoona ittoshich boonoshi gettemmoyich, Yihudinaa Sillaasinon daachiito noone.

Mishiraachechinaꞌo 15:32

Yihudinaa Sillaasina wotta keemechinaꞌo boonoshi tunetoyich, kittinnee maneenaꞌon wodde ciicoona ciicciꞌi kupphiiheete.

Mishiraachechinaꞌo 15:40

Tunetaa Phawuloosi Sillaasin kaacciye; kittinnee maneenaꞌo Doonochi wojjoyich biin boonoshi aderetoyee gubb, kechii hammiye.

Mishiraachechinaꞌo 16:3

Phawuloosi hini are Ximootiyoosin yechiꞌi hamoyich gabiye. Tunetaa are xaaꞌooch beeti Ayihudeenaꞌo bi nihoo Giriikee asho bi tunoon boonoshi arii beetoyich dokiriye.

Mishiraachechinaꞌo 17:10

Xum bekkech kittinnee maneenaꞌo Phawuloosinaa Sillaasinon Beeriya daachiiheete. Boonoshiyoo arooch shaggiꞌi, Ayihudeenaꞌo kiceebeeti kexooch giyiyeete.

Mishiraachechinaꞌo 17:12

Ebich boonoshi waanee meetinaꞌo boonoshi mulloon Yesuusi toommooch tooꞌiiheete; wotta Giriikeenaꞌo daggoochee aricheti meeti genneenaꞌonaa anaaminaꞌona boonoshi mulloon Yesuusi toommooch tooꞌiiheete.

Mishiraachechinaꞌo 17:14

Ebich arooba bekkech kittinnee maneenaꞌo Phawuloosin baharee gashooch beddaahaa daachiiheete; tunetaa Sillaasinaa Ximootiyoosina Beeriya echeheete.

Mishiraachechinaꞌo 17:17

Ebich Ayihudeenaꞌo kiceebeeti kexoochaa Ayihudeenaꞌonaa Yeerich qeyiibeeti bare asheenaꞌona tookkii, wotta bulli aaboon gabiyoochaa bi danemmi asheenaꞌona tookkii yibbaatee beehe.

Mishiraachechinaꞌo 17:34

Tunetaa ikkikke asheenaꞌo Phawuloosina tookkii ikkotteꞌi, boonoshi mulloon Yesuusi toommooch tooꞌiiheete. Eboshi daggooch Arifaagoos kiceeti Giriikee nallechinaꞌoochee ikkoo tuneti Diyonasiyoosi getteebeeti uro, wotta Demaariisi getteebeeti ikke ureenaa bareenaꞌona beetinaꞌone.

Mishiraachechinaꞌo 18:4

Shambeti shambetooba Ayihudeenaꞌo kiceebeeti kexooch giyiꞌi, boonoshina tookkii yibbaatee beehe; arooch beeti Ayihudeenaꞌonaa Giriikeenaꞌona bi yibbaateebeeti mooyo iberoo bi tunoon boonoshi iberiyemmoyich qiiccee beehe.

Mishiraachechinaꞌo 19:10

Phawuloosi Isiyee showooch beeti Ayihudeenaꞌonaa Giriikee asheenaꞌo bullina Yeerichi qaaroon boonoshi waayemmi wottoon, gutte natt bedoon eechii beehe.

Mishiraachechinaꞌo 2:44

Yesuusichi asheenaꞌo bulli ikkooch tuneꞌi, boonoshi hajjito bullin ikkooch gogeheete.

Mishiraachechinaꞌo 21:28

Aroochee ishichiyeete: “Israꞌeelee asheenaꞌote, noon gaachebote! Bulli xaaꞌooch beeti asheenaꞌo bulli no macceenaꞌonaa no sheeroonon, hini yaafee kexonoo boonoshi hoxemmoyich kocciibeeti uro hinine. Andoo daakkiꞌi Giriikee asheenaꞌon yaafee kexooch giijjiꞌi, hini yaafe xaaꞌoon eeꞌiitone” iꞌi cookeeheete.

Mishiraachechinaꞌo 28:24

Qatinaꞌo bi gettiton iberiiheete; qatinaꞌoo iberiyaaneenaꞌone.

Mishiraachechinaꞌo 4:23

Pheexiroosinaa Yowannisina biicheꞌi boonoshi asheenaꞌo waan waaheete. Qeeshee ukkireenaꞌonaa showee geeneenaꞌona boonoshich gettito bullin gettiyeete.

2 Qorontoosi 8:5

No gabitoyee beshooniye boonoshi tuniito; bulliyee shiichiꞌi boonoshi qelloon Doono Yesuus Kiristoosich beshii immiyeete; daakkiꞌi wotta Yeerichi daaggoommon boonoshi qelloon beshiiꞌi nooch immitinaꞌone.