Mishiraachechinaꞌo 17:31 - Kafa Linguistics Project

³¹ Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.

Mishiraachechinaꞌo 17:31 ပူးပေါင်းရင်းမြစ်များ

Shoddo 9:8

showee toommooch dayinnetoona nalliye; macceenaꞌo toommooch tatoona nalliye.

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Maatiyoosi 10:15

Iberoon ittoshich gettoye: Nallaa gallooba are katemeexi asheenaꞌoyee Sodoomi katemeexi asheenaꞌonaa Gomoori katemeexi asheenaꞌonoyich gaawiye” iye.

Maatiyoosi 24:14

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Luqaasi 22:22

Ashi Bushoo shiichiꞌi bi maaccetoommon qitemmone; tunebaani biin beshiiree immemmi are uroyich woowo!” iye.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

Yowannisi 16:10

Cadiqeechon, Nihoo Yeer waan ta hammaa beetoyich, ebiyee gubb, taan beegaachemmo ittoshi tunetoyichiye.

Yowannisi 5:27

Biyoo Ashi Bushoo bi tunetoyich, bi nallemmoyich, Nihoo Yeeri biin doonjiitone.

Mishiraachechinaꞌo 17:18

Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete.

Mishiraachechinaꞌo 17:32

Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete.

Mishiraachechinaꞌo 17:6

Tunetaa qaawii mucceꞌi tiyii, Yaasooninaa bare kittinnee maneenaꞌona daggoochee ikkikkeenaꞌon katemee ukkireenaꞌo waan geechii deebiyeete. Cookeebee, “Showoo bullin shuurikkii beetinaꞌo eboshi hini katemooch wotta waatinaꞌone;

Mishiraachechinaꞌo 2:32

Illa hini Yesuusin Yeeri qitoochee tiijjitone; no bulli ebi mooyoyich miixoo noone.

Mishiraachechinaꞌo 4:10

ittoshi yooddiiti, Yeeriyoo qitoochee bi tiijjiti, Naazireetechi Yesuus Kiristoosichi shigoona wodiꞌi ittoshi aafooch bi neexo ittoshi bullinaa Israꞌeeleenaꞌo bullinoyich aricheto tunebe. Biyoo,

Roomi 2:16

Ebiyoo tunemmo, mishiraachoona ta arichiitoommon Yeeri Kiristoos Yesuus waanaa ashi mullooch aacheeti gabee toommooch bi nallemmi aaboobane.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

2 Ximootiyoosi 4:1

Kiristoos Yesuusi hini showooch wotteree taatemmo bi tunetoyich, Yeeri aafoochaa, kashechinaꞌonaa qititinaꞌonochi toommooch nallemmi Doono Yesuus Kiristoosi aafoochaanoo hini mooyon neech adereto taane:

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.