25 Wotta aroo kashoon, hiinnoonaa bulli mooyonon asheenaꞌo bullich immiibeeto bi tunetoyich, biich shappito aalloone; ashi dego biich qaawiyaache.
Aroochee Nuggishoo Doono Yeeri showee buttoochee ashoon hachiye; ebi are ashi muddoonoo bi kashee hiinnoon huggiye; asho kashechon tunehe.
Kashecho bullichi kasho, asho bullichi kashee hiinno, bi kishoochiye.
“Asho Yeerich gaacecho tunoon hakkehe? Shalligechi asholla bi tunetaa, bi gaaco bi qellichiye.
Kashi ta wottemmoyich, Yeeri tunii beetaa, ta kashe hiinne batt beetaa,
Taan hallito Yeerichi Ayaanoone; kashoon taach immito Beshe Hakkechi Yeeri kachiti kashoone.
Yeeri, kashoonaa kashee hiinnoonon, wochii bi daammimmo gaata,
Doono Yeerich ishichiyo, “Ne ta Doono neene; ne waanee besh deꞌe mooyo taach daneyaanoone” iyo.
Shimaayoon halliꞌi yaggiti, showoonaa bi daggooch beetinaꞌo bullinon shuuneti, aree toommooch beeti asheenaꞌoyich kashee hiinnoon immiti, arooch shaꞌee beetoyich ayaanoon immiti, Doono Yeeri ishichiye:
Ashi ayaanoonaa ta halliti kashoona dooyaachemmoyich, bulli aaboon ittibateyaache; wochi wochi kaareyaache.
Aroochee taatoo Sedeqiyaasi “Kashoon nooch immiti beeyechi Doono Yeeri beege! Neen wuxaachemmo taane; ne kashoon qaawiibeeti, ebi asheenaꞌo kishooch beshiiree imaachemmo taane” iꞌi Erimiyaasich aashoona wogehe.
Israꞌeeleenaꞌochon Doono Yeeri gettiti qaaro: Shimaayoon yaggiti, showoon halliti, ashich kashee hiinnoon immiti Doono Yeeri ishichiye:
Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.
“Asho kasho bulli Nuggishoo Doono Yeero! Doono Yeeri ne asheenaꞌo qiddaalli bagoommon boonoshi tuneyaachemmoyich, boonoshi aafooch keyi giyemmi, wotta boonoshin yaabi kichi giijjemmi ashoon hini iiteenaꞌo toommooch ukkiriibe” iye.
Hambote, Yeeri ‘Deejjoyee ariqqoon shunnoye’ bi ito ama geto gaata ariibote. Axaaxechinaꞌonalli cadiqeenaꞌon ceegoyich waataano taane” iye.
Tunebaani shimaayoochee amiyon dichiibee, maayo aafemmi yarimmoon immiibee, no maayoon abbetiibee, oogichii noon emirikkiibeenoo, Nuggishoo bi tunoon manjiibeeti deꞌe shuunee shuunoon kuxaanoone” iyeete.
‘Biinna kashecho tunaꞌa shuuraabeeto noone; beemonoo beeto noone’ getteetone. Wotta ittoshi daggooch beeti tochee ariyechinaꞌo daggoochee ikkikkeenaꞌo ‘No wotta bi bushiishoo noone’ iꞌi boonoshi gettiti mooyo iberoone.
“Biich Yeeri qoccemmoyich Yeerich erettiito, konine?”
Ne Nuggishoo Doono Yeerin shune. Bi qaaroon waayebe. Biinna tookkishoo ikkottebe. Ebina ne qaabbechi Abrahamich, Yisaaqinaa Yaaqobinoyich imma bi wogeti showooch neennaa ne shiijjeroona meeti yemeenoon kashoona beeyemmo ittoshine” iye.
And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.