Mishiraachechinaꞌo 17:24 - Kafa Linguistics Project

²⁴ “Aroo alemoonaa bi daggooch beeto bullinon halliti Nuggishoone; showoonaa shimaayoonochi Doonone; ashi kishoo shuuneti yaafee kexooch beetaache.

Mishiraachechinaꞌo 17:24 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

Halloo 14:19

Ishichiinoo Abraamin diiriye: “Shimaayoonaa showoonon halliti, Beshe Nuggishoo Yeeri Abraamin diiribe.

Halloo 14:22

Abraami Sodoomi taatoyich ishichiye: “Shimaayoonaa showoonon halliti, Beshe Nuggishoo Doono Yeer waan ta kishoon kaama tiijjaꞌa wogehoye.

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

2 Taateenaꞌo 19:15

Aroochee Hiziqiyaasi Doono Yeer waan ishichiꞌi corootiye: “Kiruubeenaꞌoyee tookk kotaabeeti, Israꞌeelee Nuggishoo Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

2 Kiinoo 2:6

Tunebaani shimaayoonaa shimaayeexi shimaayoonolla biich bedaache; ishigaata, biich kexon hagon hakkemmo, konine? Bi aafooch ixaano shookkeyemmi xaaꞌoon shuunoyee besh, biich kexon hagoyich, ta koni taane?

2 Kiinoo 6:18

“Tunebaani Yeero, iberoon ashoona tookki hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

Shoddo 115:16

Shimaayeexi shimaayoo Doono Yeerichone; tunebaani showoon ashi bushiishoyich immiye.

Shoddo 146:5

Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.

Shoddo 148:13

Bi shigo baach damba oogeto bi tunetoyich, bi oogo showoonaa shimaayoonoyee damboo bi tunetoyich, Doono Yeerin galletebeete.

Shoddo 24:1

Showoonaa arooch ceennito bullina Doono Yeerichone; showoonaa showee toommeexi asho bullina biichone.

Isiyaasi 40:12

Aacinaꞌon bi kishee koppoona, shimaayoonoo bi kishee ciixona, showee buttoonoo qiicooch geddiꞌi qeelleto, konine? Guudinaꞌonaa geppeenaꞌonon machoona qoccito konine?

Isiyaasi 40:28

Ariyaano neene? Waayeyaano neene? Doono Yeeri bulli yemeenee Nuggishoone; showoo bullin hallito biine; maraateyaache; taahaache; bi gaboon maqqii shagon hakkemmo aalloone.

Isiyaasi 42:5

Shimaayoon halliꞌi yaggiti, showoonaa bi daggooch beetinaꞌo bullinon shuuneti, aree toommooch beeti asheenaꞌoyich kashee hiinnoon immiti, arooch shaꞌee beetoyich ayaanoon immiti, Doono Yeeri ishichiye:

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Erimiyaasi 10:11

Ittoshiyoo boonoshich: “Shimaayoonaa showoonon hallaani ebi nuggisheenaꞌo showoonaa shimaayoyee deshinoochee aallemminaꞌone” gettemmo ittoshine.

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

Erimiyaasi 32:17

“Nuggishoo Doono Yeero, shimaayoonaa showoonon ooge ne hakkoona wottoo yaggeeti ne mochoona hallito neene; neen mawemmi mooyo amolla aalloone;

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Zakaariyaasi 12:1

Israꞌeeleenaꞌochon Doono Yeeri gettiti qaaro: Shimaayoon yaggiti, showoon halliti, ashich kashee hiinnoon immiti Doono Yeeri ishichiye:

Milikiyaasi 2:10

No bulliyona ikke Nihoochi bushiishoo toono noone? Noon hallito ikke Nuggishoo toone? Ishigaata, noonnaa noonna gibeneyee qayona, Yeeri no qaabbechinaꞌona tookkii giyiti wogoon no happaabeeto amoyichiye?

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maatiyoosi 5:34

Tunebaani and ta waanee waayebote! Ne mookkoon wogoona cir mookkeyaahine. Shimaayoona getiree wogeyaahine; Yeerichi taatittinee xaaꞌoone.

Luqaasi 10:21

Arooba Yesuusi Yaafe Ayaanoona oogichii emiriꞌi “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye. Iberoone, ta Nihoocho, ebin tuniyoyich gaaweti ne daaggoo tunetone” iꞌi Yeerin galletehe.

Yowannisi 1:1

Shiichiꞌi Qaaro beehe; hini Qaaro Yeer waan beehe; biyoo bi qelloona Yeerine.

Mishiraachechinaꞌo 14:15

“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.

Mishiraachechinaꞌo 4:24

Boonoshiyoo waayeꞌi, ikke mulloona Yeer waan ishichiꞌi corootiyeete: “Shimaayoon, showoonaa baharoonon, eboshichi daggooch beeto bullin halliti Mawe Doono Yeero,

Mishiraachechinaꞌo 7:48

“Tunetaa Beshoo Yeeri asho haggiti kexooch beetaache; keemecho gettitoommon,

Roomi 1:19

Ebiyoo Yeeri bi qelloona boonoshich bi bekkiitoyich, asheenaꞌo ariyoo boonoshi hakkimmi Yeerichi mooyo xalla boonoshich bi bekkee beetoyichiye.

Yibbaatoo 10:14

“Shimaayoonaa shimaayeexi shimaayoona, showoonaa bi toommooch beeti mooyo bullina ne Nuggishoo Doono Yeerichone.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Hibireena'o 3:4

Kexo bullich biin haggiti asho beetone; tunebaani bulli mooyon haggito Yeerine.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.