Mishiraachechinaꞌo 17:19 - Kafa Linguistics Project

¹⁹ Arooba Arifaagoosi getteebeeti xaaꞌooch kiceeti asheenaꞌo waan biin ataalliꞌi daammiyeete. Arooch boonoshi shaggitoyee gubb, “Hini ne gettaabeeti andire doyoo amo gaata waayoyich qaawaabeeto noone.

Mishiraachechinaꞌo 17:19 ပူးပေါင်းရင်းမြစ်များ

Isiyaasi 21:12

Tawoo wochaꞌa, “Haroon, hariya ii beetone; tunebaani wochi xumemmone; echoon ittoshi qaawigaata, echebote; wochinnoon wotteree wobote” iyo.

Maatiyoosi 10:18

Ta naboyich iraasheenaꞌonaa taateenaꞌonochi aafooch ittoshin neechemminaꞌone; ebi bi tunemmo boonoshinaa Aageteenaꞌonoyich miixoo ittoshi tunemmoyichiye.

Maariqoosi 1:27

Ebin beeggiti asheenaꞌo bulli “Ebi amoone? Doonjittinoona yinneenaꞌon noggehe; boonoshiyoo biich deꞌa iyeete. Hini bi dojjiibeeto andire doyoone” iꞌi boonoshi echeemmi wottoon oogichiꞌi worganeheete.

Yowannisi 13:34

“ ‘Ittoshinaa ittoshina shunebote’ iyaꞌa ittoshich andire mooyon gettoye; ta ittoshin ta shunnetoommon, ittoshi wotta ittoshinaa ittoshina shunebote.

Mishiraachechinaꞌo 17:20

Ne gettaabeeti mooyo nooch andiro bi tunetoyich, kaachiree ne gettemmoyich qaawaabeeto noone” iꞌi echeheete.

Mishiraachechinaꞌo 17:22

Arooba Phawuloosi Arifaagoos kiceeti asheenaꞌo daggooch tiyii neexeꞌi ishichiye: “Ateeni asheenaꞌote, ittoshi meeti nuggisheenaꞌoyich oogichiꞌi ittoshi maddoon beeggeto taane.

Mishiraachechinaꞌo 17:34

Tunetaa ikkikke asheenaꞌo Phawuloosina tookkii ikkotteꞌi, boonoshi mulloon Yesuusi toommooch tooꞌiiheete. Eboshi daggooch Arifaagoos kiceeti Giriikee nallechinaꞌoochee ikkoo tuneti Diyonasiyoosi getteebeeti uro, wotta Demaariisi getteebeeti ikke ureenaa bareenaꞌona beetinaꞌone.

Mishiraachechinaꞌo 23:19

Aroochee hume ginee iraashoo hini are bushoon bi kishoona yechiꞌi, ikke badd daammii, “Taach ne gettemmi mooyo amoone?” iꞌi echehe.

Mishiraachechinaꞌo 24:24

Giisheche aaboyee gubb iraashoo Filikisi bi mechee Ayihudechee Durisilina tookkii waahe; Phawuloosin ceekkiiꞌi, Kiristoos Yesuusi toommooch mullee tooꞌiyoo geto ama geto gaata bi gettii beeton bi noonoochee waayehe.

Mishiraachechinaꞌo 25:22

Agripphi Fisxoosich “Are uroochi yibbaatoon waayoon qaawaabeeto taane” iye. Fisxoosi “Yaach waayemmo neene” iye.

Mishiraachechinaꞌo 26:1

Taatoo Agripphi Phawuloosin “Neech beeti mooyon geton hakkihine” iye. Aroochee Phawuloosi bi kishoon yaggiꞌi ishichiye: