Mishiraachechinaꞌo 17:13 - Kafa Linguistics Project

¹³ Tunetaa Tasaloonqa beeti Ayihudeenaꞌo Phawuloosi Beeriya hammiꞌi Yeerichi qaaree geton ariiꞌi, are katemooch wotta hammiꞌi dofee asheenaꞌon shuurikkiyeete.

Mishiraachechinaꞌo 17:13 ပူးပေါင်းရင်းမြစ်များ

1 Taateenaꞌo 21:25

Bi mechee Elizabeeli biin shuurikkaa, Doono Yeeri aafooch gonde mooyon shuunoyich bi qelloon kemmiti, Akaabiyoommi asho aalloone.

Shaahiyoo 15:18

Ippechi asho kaaroon booddiye; tunebaani haaꞌiyechi asho kaaroon aqqiihe.

Shaahiyoo 28:25

Hiriggechi asho kaaroon booddiye; tunebaani Doono Yeerin gibeneebeeto gaannemmone.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Luqaasi 12:51

Ta waato, showee toommooch diggoon deeboyich ittoshich shaahii beete? Ittoshich gettoye, toonoone; ta waato shacoon tiijjoyichiye.

Mishiraachechinaꞌo 14:2

Tunebaani ebin qajjiti Ayihudeenaꞌo Aageteenaꞌon kocciꞌi, boonoshi mulloon Yesuusi toommooch tooꞌiiti asheenaꞌon oogichi boonoshi shixxemmoyich tuniiheete.

Mishiraachechinaꞌo 17:1

Phawuloosinaa Sillaasina Amfipoolisi katemoonaa Apilooni katemoonon besheꞌi, Tasaloonqa hammiyeete; aroochoo Ayihudeenaꞌo kiceebeeti kexo beehe.

Mishiraachechinaꞌo 17:10

Xum bekkech kittinnee maneenaꞌo Phawuloosinaa Sillaasinon Beeriya daachiiheete. Boonoshiyoo arooch shaggiꞌi, Ayihudeenaꞌo kiceebeeti kexooch giyiyeete.

Mishiraachechinaꞌo 17:5

Tunetaa Ayihudeenaꞌo qanaatoona tiyiꞌi, shuuna biisheenaꞌon gabiyoochee daneꞌi, meeti asheenaꞌon boonoshi hillooch kiciꞌi, katemoon shuurikkiyeete. Phawuloosinaa Sillaasinon asheenaꞌo waan kichoyich qaawiꞌi, Yaasoonichi shaaqqoon tiichii giyiyeete.

Mishiraachechinaꞌo 20:4

Hamma bi tiyaa, ikkikke asheenaꞌo biin deenniyeete; eboshiyoo Beeriyechi Firoosichi bushoo Sophaxiroosi, Tasaloonqechi Arsixirokoosinaa Sikenduusina, Deribechi Gaayoosi, Ximootiyoosi, Isiyee showoochee waati Tikiqoosinaa Xirofimoosina eboshine.

Mishiraachechinaꞌo 21:27

Asheenaꞌo xallemmi shabaatte qemo ceenn beddaahaa, Isiyee showoochee waati Ayihudeenaꞌo Phawuloosi yaafee kexooch bi beemon beeggiꞌi, asheenaꞌo bullin haachishii Phawuloosi toommooch tiijjiꞌi biin yechiyeete.

Mishiraachechinaꞌo 6:12

Ebichi gommona asheenaꞌon, geeneenaꞌonaa Muusichi Sheeree dojjechinaꞌonon ippiiheete. Boonoshiyoo hammii Isxifanoosin yechiꞌi, kiceeti Ayihudee nallechinaꞌo waan deebiyeete.

2 Qorontoosi 11:26

Wodde wottoon gommi shaꞌoona beeho; “Aaco taan maayemmone” immi keqqoona, “Bokkeenaꞌo taan wuxemminaꞌone” immi keqqoona, “Ta yoodeenaꞌo tuneti Ayihudeenaꞌo taan wuxemminaꞌone” immi keqqoona, “Aageteenaꞌo taan wuxemminaꞌone” immi keqqoona, katemeexi keqqoona, baraheexi keqqoona, bahareexi keqqoona, koote kittinnee maneenaꞌo waanee tuneebeeti mooyona keqqoona, beeho.